المعـزه عـز والعـز مايسكـن بخـوف
والرجل ماينحني عنـد نكسـات الحيـاه

لاتهزك كلمة الضعف من بيـن الكتـوف
واصل الخطوه وخل الردي تقصـر خطـاه

لاتردد كرر الطيـب والـرازق يشـوف
والسنافي فـي المواجيـب ظرفـه مانهـاه

مجلسك وش مجلسك كان ماضم الضيوف
ومجلس الرجال يعطيـك فعـلاً مستـواه

ثن ترحيبك وسهل مثـل وبـل القنـوف
يحفظ الرجـال وجهـه ولايذخـر بجـاه

لالفاك الهرج لاتسمع لضـرب الدفـوف
والمقـفـي لاتــرده ولاتمـشـي وراه

وأنتبه من طيحت ((أبيك)) وعيونك تشوف
والله أن تطفى عيونـك ولاتلحـق جـزاه

لاتخلي جنتك بيـن نـار وبيـن خـوف
ثقل دين(ن) مايوفّـى وياكبـر الوصـاه

بر ((بأمك)) دون منه وبحسـاسٍ شغـوف
جنتك قدام عينـك ولاتنسـى الصـلاه

ومحزمك لاصاح عزّم على شق الصفـوف
(ياتموت بعز لرضـاه.. ياتدحـر عـداه)

عزوتك شمسك عفافك لايذبحها الكسوف
أحفظ ((أختك)) تحفظك صح يامال الغناه

لا أعتزت بك من عنا حظ والا حر جوف
جند الدنيـا العريضـه وسلمهـا النجـاه

ولاتفلسف دون تحليل نظـرت فيلسـوف
ولاتصنـع والطبيعـه تثـيـر الأنتـبـاه

فرصةٍ عدت ماترجع بعد ضرب الكفـوف
من يحاول لجـل يكسـب يحقـق مبتغـاه

{{غلطة الجاهل سهاله ماتستوجب وقوف
بس من باب النصيحه توضح له خطـاه}}

{{وغلطة العاقل بحجمه تطوف أو ماتطوف
بين مفهـوم التعمـد وتركيبـة غـلاه}}

ياملقحت الحكي أص .. وطويق معـروف
من متى وطويق يهتز مـن ضربـة حصـاه

المراجل مثل برد الشتاء والطيـب صـوف
ومن لقى كشميري العز ينعم مـن دفـاه

المراجل نورها نـور ماحولـك خسـوف
الخسوف أن صد عونك وبين لـك جفـاه

لاتجامل في الحقايـق وتعميـك الألـوف
كلمةٍ في وجه ظالم تسجـل لـك زكـاه

لالفاك الهرج لاتسمع لضـرب الدفـوف
والمقـفـي لاتــرده ولاتمـشـي وراه


تسلم جعلاني ,,,,,, دووووووووووووم مميز ,,,,

تسلم جعلاني

انتقاء ذوووق

درر....صح لسان جايله...
مشكووووووووووور

الله يعطيك العااافيه

يسلموووو ع المرور

هذا م ذووقكم

اقتباس : المشاركة الأصلية كتبت بواسطة جعلاني ستار [ مشاهدة المشاركة ]
لاتجامل في الحقايـق وتعميـك الألـوف
كلمةٍ في وجه ظالم تسجـل لـك زكـاه

يسلموووو همس

ع المروور

يسلموا اخوي جعلاني ع الطرح الحلو انا متابعة لمساتك من قبل بس ما حصلي الشرف أني اسجل وألحين انا سجلت لانه بجد هالمنتدى راقي