جايبلكم موضوع للنقاش من واااقع يصير هالايااام وللنقاش الجااااد ولانه يهمني احب اعرف ارائكم الجميلة ..


وش تسوي إذا تغيرت معاملة شخص ( عزيز وغالي ) عليك ؟؟؟؟


يمكن يكون الشخص أخوك أختك ولد عمك ولد خالك عمك عمتك صديقك سواء كان الشخص ( رجل أو إمرأة ) ..

تتغير المعاملة180 وشوية او اكثر حتى التسعين فالزاوية خخخخخخ وش السبب فالتغير؟؟؟!!!


أنت لا تذكر سبب إلا اللهم جيت للشخص وإسلوبه متغير عليك ؟


طبعاً لو فيك جرأه وقلت للشخص وش اللي فيك شو السبب من هالقبيل يعني ؟!!!


راح يرد عليك ( ولا شيء ) ...


أنت بتكون مشغول البال وألف سؤال يدور بذهنك ؟؟؟


ولو تجره بالكلام وتاخذ معه بالأسئلة الشخص هذا متحفظ وراكبه شيطانه مافيه فايده ملزم وزعلان ؟



تذكر أن الشخص ( عزيز وغالي ) ما تسوى تخليه كذا متغير بدون ما تعرف شو السبب !!


وش تسوي ايش الحل من نظرتكم اذا كنت بالموقف هذا؟؟؟!!!


بإنتظاركم وانتظار ارائكم الجميلة ومشاركاتكم الرائعة اعضاء منتدى الرائعين بجعلان ...








اخووووكم المســــــروري

انتظر ارائكــــــــــــــــــم

افااااااااااااااااا يا الربع وين العربااااان

ماحد مر بهالمواقف ابد معقوووولة ؟؟

ودي لكم ..

هلا اخوي اصبر جيتك
بنسبه لي مرات تصير معي هالسالفه وحاولت افهم من الشخص السبب بس ما تكلم ان احاول اسال المقربين له امجن تكلم عندهم عن السبب بس اذا ما حصلت الجواب مراح اتعب عمري وايد بسير له وبقول اعذرني اذا غلط عليك امجن انا مدريت السبب بس صدق بخسر صديق وقريب وبنهي الموضوع واذا شفته فالطريق اسلم وما ابين لناس اننا زعلانين وبس هذا رايي وانت اخوي خلنا نسمع رايك

قلت العذر منك يامـلاك الاحسـاس

مايكفيني صعب اشوف الزعل بعيونك


ارضيك لو الرضي يزعل كل النـاس





يكفيك روعة انك غالي مثل الالماس


كل الناس حولك يبغـون يرضونـك


الغلاء للغالي ثمـن يرفـع الـراس


لو تزعل العالم كله بالرضي يجونـك


اعتذر والعذر لاهل الطيـب نومـاس


اقبل اعتذاري ياجعل كل الناس يفدونك

الملكة الراسبية شاكر لك مداخلتك الرائعة وزين حد وصل لنا بموضوعي من امس

وانا رايي كالتالي وحسب وجهة نظري الشخصية ::


اول شي بجيب بيت شعر عاجبني بهالخصوص ويا عبالي عالسريع

يقول بيت من الشعر:

بعض العرب لا صد ما عنه منشود***وبعض العر ب لا صد يوجع مصده


وعني انا أحب مبدأ الحوار والتخاطب

يعني أجيب الشخص وأناقشه وأسأله

عن سبب التغير وهل انا أخطيت بحقه أو

قصرت معه ؟! فإذا كان جوابه منه وكيفه

ومقلل من قيمتي واهميتي وناسي كل يلي

كان بيننا حتى لوأخوي أو صديقي بوضح له

اسلوبه وانه بالأصل انا ماتغيرت عليه وهو

يلي ماقدر العلاقة القووووووووويه يلي بيناا

وبخليه لغاية مايتصلح وان رجع بعاتبه وثم أرحب به

ومن جهة اخرى ايضا اذا شفت تغيرمن عزيز علي

اراجع نفسي في البدايه اذا اخطأت عليه لا سمح الله وابادر

بالتأسف له اذا اكتشفت اني اخطأت بحقه ! بعدين افتح الموضوع

معه واسأله عن سب تغيره ، اما اذا كان مزاجه متغير موبس معي

احاول ابحث معه عن حل لمشاكله واساعده ..


واخيرا بختم بهالابيات الحلوووة



زن من وزنك بما وزنك وما وزنك به فزنه

وصن من صانك بما صانك وما صانك به فصنه

ومن جا إليك فرح إليه ومن صد عنك فصد عنه

***********

إذا المرء لم يرعك الا تكلفا

فدعه ولا تكثر عليه التأسفا

ففي المرء ابدال وفي الترك راحة

وفي القلب صبرا على الحبيب ولو جفا

المســـــــــــــــروري

كلمات جميلة اختي الراسبية يسلموووووو الف شكر عالمداخلات الحلوة


وننتظر مزيد من المداخلات بهذا الصدد

النصيحة ثم النصيحة..

روعة الاحساس يسلمووووووووو

وننتظر مزيد من المداخلات

معقووووووله؟؟

بما انه شخص عزيز علي بحاول كثر ما اجدر انه افهم شو سبب التغير واعتذر منه اذا حسيت نفسي اخطيت وبعدها اشوف ردة الفعل وانشالله ترجع الامور لمجاريها**

تشكرات اخوي عالطرح