بحاول أوصف إحساسي تجاهك و أنثرالأمطار
بحاول.. بس يا الغالي شعوري صعب تفسيره !


أنا من يومني بنت(ن) صغيرة و القلوب كبار
بلاني ربي بحبك , و عشت بعالم الحيره ..


أنا منيومني طفلة و أنا لي بالهوى تذكار
عشقتك من صغر سني , يا زين الوصف و السيره ..


صحيح إني صغيرة حيل , و من حولي بنات صغار
صحيح همومنا لعبة , و كل أحلامنا صغيره ..


طموح البنت في عمري , عروسة و لعبة استشوار
و أنا كل اهتماماتي , عيونك يا ضيا الديره ..


في مدرستي عجزت أفهم دروسي و البلاأفكار
أفكر فيك يا خلي .. و زاد الشوق تفكيره ..


أنا ما همني درسي .. ولا هموني الشطار
تجاهلت الفصل كله .. عباراته .. طباشيره


كتبت اسمك على هاك الدفاتر يا الغلا تكرار
رسمت قلوب وردية , سكنها انت , من غيره ؟


الايا ليتني بنت(ن) , تعرف تنظم الأشعار
يمين الله لأكتب لك قصايد تفضح الغيره ..


كبرت اليوم يا الغالي و زاد بقلبي الاصرار
على حبك , و حب اللي يحبك فاق تعبيره !


جذبت عيوني الثنتين , ألا يا ملفت الأنظار
سكنت حدود نبضاتي , بدون اجراء تأشيره ..


فداك اللي تبي آمر , تمنّى يا الغلا و اختار
لوإنك تطلب عيوني , لأقول إن العمى خيره !


جميع اللي تبي حاصل , حشى ما أنطق الاعذار
و لو يتعذر قليبي , حشى ما اقبل معاذيره ..


تأشرّ باصبعك للشيء , تلقى مطلبك قد صار
فخوره لو أجيبه لك يا سيد القلب يا أميره ..


تبعثرني هموم البعد , و تبحر بي كما البحار
غزاني موج بُعد الخل , و لا وضح لي تبريره ..


متى ألقى مراسي اليم , و تلطف فيني الاقدار
الا يا بختي بشوفه , الايا ليتنا جيره !


أنا من لامني بحبك , عساه لقصرة الاعمار
تلوموني علىشخص(ن) , حلاه أحلى من الشيره ؟


قالوا لي تحبينه ؟ و قلت إن الحروف كثار
أحبه و أعشقه و أهواه, و لا أرضى بتغييره ..


شجاعة , بس لا شفتك , كياني يا بعدي ينهار
قوية , لكن قبالك , شعوري صعب تظهيره ..


عيونك يابعد كلي , تهز الفارس المغوار
شموخك مفخره للعز , يذكرني بأساطيره !


إلى مني تباطيتك , تولّع في حشاي النار
تزوّد جرعة الأحزان , تزيد القلب تخديره !


و إذا يا عيني لاقيتك , يثور بداخلي اعصار
أطير بعالم الفرحة , تقيّدني أساويره ..


لو إنك تدري بحبك , كم له داخلي مقدار
يطير العقل يا خلي , كأنك شارب(ن) بيره !!


.
.


أتمنــى تكونــ نآلتــ علــى إعجآبكمــ

الهنــــــــــــــوووف

لو إنك تدري بحبك , كم له داخلي مقدار
يطير العقل يا خلي , كأنك شارب(ن) بيره !!


كووووووول الجصيده,,
ربي يحفظج...

أنا من لامني بحبك , عساه لقصرة الاعمار
تلوموني علىشخص(ن) , حلاه أحلى من الشيره ؟


قالوا لي تحبينه ؟ و قلت إن الحروف كثار
أحبه و أعشقه و أهواه, و لا أرضى بتغييره ..


كلمـــــــــــــااات جميلــــــــــه

يعطيــــج العافيه وخيتي

تقبلي مروري

بحاول أوصف إحساسي تجاهك و أنثرالأمطار

بحاول.. بس يا الغالي شعوري صعب تفسيره !


صح لسان قايلها ويسلم ذوووق ناقلها...

ربي يعطيك العافية عالذوووق الحلووو...

المشاركة الأصلية كتبت بواسطة عماري لو إنك تدري بحبك , كم له داخلي مقدار يطير العقل يا خلي , كأنك شارب(ن) بيره !! كووووووول الجصيده,, ربي يحفظج...

تســــلم من ذوجــــك أإأإخــــوي

شـــــآآآآكره لك مرورك..

المشاركة الأصلية كتبت بواسطة الوهــــــــم أنا من لامني بحبك , عساه لقصرة الاعمار تلوموني علىشخص(ن) , حلاه أحلى من الشيره ؟ قالوا لي تحبينه ؟ و قلت إن الحروف كثار أحبه و أعشقه و أهواه, و لا أرضى بتغييره .. كلمـــــــــــــااات جميلــــــــــه يعطيــــج العافيه وخيتي تقبلي مروري

الله يعـــــأإأإفيك

منـــــوور صـــفحـــتي بتوااجــــد أإأإخووي

شــــأإأإكره لك مرورك...

المشاركة الأصلية كتبت بواسطة جمانه بحاول أوصف إحساسي تجاهك و أنثرالأمطار بحاول.. بس يا الغالي شعوري صعب تفسيره ! صح لسان قايلها ويسلم ذوووق ناقلها... ربي يعطيك العافية عالذوووق الحلووو...

صــــح بــــدنك يـــأإألــــــ غ ـــــأإأإليه

والله يعــــأإأإيك

الذووج تعـــلمناه من بعدك طال عمرك

قصيــــــــــــــده وااايد روعه

صح لسان قايلها واسلمت ايادي ناقلها

مشكوووره الهنوف ع هالنقل الرائع

شجاعة , بس لا شفتك , كياني يا بعدي ينهار
قوية , لكن قبالك , شعوري صعب تظهيره ..

قصــيدة رآآئعــه
أختي هنووفه
يعطيك العـآفيه

السلام عليكم ورحمة الله وبركاته

أختي الهنوف ، ماذا عساي أن أقول في هكذا إبداع ، ماشاء الله عليك
قصيدة رائعه فكره ومعنى وموسيقى عذبه ، والوزن مضبوط ، لولا إختلال الصدر في هذا البيت
أو ربما كانت قرآءتي للبيت غير صحيحه ، فلا أظن أن من يكتب أبيات بهذه الروعه سيغفل عن ضبط أحد أبياتها ، البيت الذي أحسست به خللا ً في الوزن:
الايا ليتني بنت(ن) , تعرف تنظم الأشعار
يمين الله لأكتب لك قصايد تفضح الغيره ..

أعتقد أن الشطر نقص شوي ، ولو دخلتي حرف"الواو" قبل كلمة "تعرف" لا ضبط الوزن
أتمنى لك التوفيق أختي الكريمه.
وأعتذر على المداخله.