السلام عليكم ورحمة الله وبركاته

شحالكم اخواني واخواتي

انا ابي اتكلم عن موضوع صاير معي ويتعلق بالوقت والموعد

انا من الناس اللي تحترم الوقت والموعد وما احب احد يعودني بانه بيجيني في وقت وما يجي او يتاخر علي

اتضايق وايد و اوقات اتصرف تصرف احس انه مقنع لاكن في نظر الناس يكون مب مقنه

وبسبب هالتصرفات فقدة شخص من اعز اصدقائي لانه ما كان يحترم الوقت مب لانه مره سواها

سواها اكثر من عشر او عشرين مره

وفي اخر مره تواعدنا ما جاني مما ادى اني غلطة عليه وتخليت عن صداقته وقلت له انت في درب وانا في درب


الحين ابي وجهة نظركم هل اللي عملته انا صح او غلط ؟

شو معنى الوقت و الموعد بالنسبه لكم ؟

شو رايكم بالشخص اللي ما يحترم الوقت والموعد ؟


انا من وجهة نظري انه الانسان اللي ما يحترم الوقت و الموعد انسان حياته ما لها داعي لانه الحياة نظام

واللي يوعد وما يوفي بوعده احسه انه ما عنده احترام ل ذاته وما عنده احترام لكلمته اللي يعطيها للناس


ابيكم تفيدوني هل انا غلطان ام لا


ولكم مني جزيل الشكر

سبحان الله يمكن عنده ظروف عذره

بصراحة انا من النوع الي أكره الأنتظار ...بس عاد ما توصل اني أخاصم مره وحده ومن وجهة نظري اشوفها مب حلوة تقطع العلاقة مره وحده ...ممكن أنك تتغير نوعا ما لكن شوي صعبه أنت في درب وأنا في درب
تقبل مروري

هلا أخوي كل أنسان وطروفه سامحه لأن الصداقه كنز لا يفنى""

تقبل مروري

أنــــــــا أعتقــــــــد انت اللي سويتــه غلطــــــــ

ما يصيـر تقطع علاقـة بسبب تأخيـر.......
أنامن ناحيــــتي أكره اواعد احـد وفي النهاية ما القـاه

تبي الحلـ؟؟؟؟ الحــــل انك تصير الطرف الثــــــــــاني في الموضوع وخلي الشخص الثـاني هو اللي ينتظرك.....خـــــــــــــــــــــخخخخخ...
ولـك لك مني أرق تحية وتقديـر....

الماسة صور

عبري عمري

دلوع البنات

كلمة من اجل الوطن


اول شي مشكورين على مروركم


وكلامكم منطقي لاكن


هالشي يتكرر اكثر من عشرين ثلاثين مره من هالانسان مع النصح الدايم له

لما تسمع الاسباب تحسها انها تافهة مالها اي معني عشان تقدرة تتقبل عذرة

يعني ما يعطيك سبب مقنع


يوعد ويتكلم بكل جديه وفي النهاية ما تحصلة

هذا الانسان كيف بيعيش حياته اذا ما يحترم قرارته


للعم مب معاي انا يخلف بمواعيده ويتاخر فيها

في دراسته ما يداوم منتظم في عملة ما يقوم به بنتظام وطلعته دايما يتاخر

شو معنى الوقت و الموعد بالنسبه لكم ؟

الوقت كالسيف ان لم تقطعه قطعك!!

وبعض الناس يتعتقدون انهم من يقطعون الوقت ويقتلوونه
لكن الوقت هو من قطعهم!! وقتلهم!!

والوقت = الحياه..

وقال الرسول (صلى الله عليه وسلم) : لا تزول قدما عبد يوم القيامة
حتى يسأل عن أربع خصال :

عن عمره فيما أفناه، وعن شبابه فيما أبلاه،
وعن ماله من أين اكتسبه وفيما أنفقه,
وعن عمله ماذا عمل فيه"


اذن.. الوقت شي هام جدا.. ويجب علينا ان ندرك قيمته.. وان مانضيعه !!
لان االلحظة الي اطوف.. مانقدر نردها مره ثانيه..

وعقب تستوي من الذكريات..


شو رايكم بالشخص اللي ما يحترم الوقت والموعد ؟

شخص عنده لامبالاه.. وغير منظم..
بس هذا يكون تعود من البدايه.. اكيد هذا من صغره تعود ع التاخير
والامبالاه..

"لان من شّب ع شي شاب عليه".

الحين ابي وجهة نظركم هل اللي عملته انا صح او غلط ؟

من خلال كلامك.. لاحظت انك واايد تهتم ف الوقت ومواعيدك.. دووم صحيحه
مثل مايقولون ( بريطاني ف المواعيد) لانهم من اكثر الشعوب التزما ب الوقت!!

بس مب كل الناس مثلك.. وسالفه الوقت..نسبه كبيرة من العرب ايقولك انتظرني الساعه 4 مثلا
ويجيك الساعه 4 ونص!!
عكس الاوروبين.. مواعيدهم صحيحه.. .. ب الدقايق.!!
ايقولك بجيك الساعه 4 و 3 دقايق..!!


وشفت من كمن يوم.. خبر.

استطلاع للرأي ف بريطانيا أن الهواتف المحمولة
لها اثر سيئ على السلوك. لان واايد ناس قامت ماتحترم المواعيد..
وتطلع من بيوتها متأخره!!

(يعني العوامل الخارجيه تؤثر ع الشخص.. وعلى احترام المواعيد.)
ومثل مايقولون.. الغايب عذره معه.. يمكن انتا تشوف اسبابه تافهه بلنسبه لك
لكن بلنسبه له مب تافهه..)


الله المستعان.. ولازم كل الناس تحترم المواعيد..



وتسلم اخوي ابن الاشخرة ع الطرح الحلوووو

المشاركة الأصلية كتبت بواسطة التفاحة شو معنى الوقت و الموعد بالنسبه لكم ؟ الوقت كالسيف ان لم تقطعه قطعك!! وبعض الناس يتعتقدون انهم من يقطعون الوقت ويقتلوونه لكن الوقت هو من قطعهم!! وقتلهم!! والوقت = الحياه.. وقال الرسول (صلى الله عليه وسلم) : لا تزول قدما عبد يوم القيامة حتى يسأل عن أربع خصال : عن عمره فيما أفناه، وعن شبابه فيما أبلاه، وعن ماله من أين اكتسبه وفيما أنفقه, وعن عمله ماذا عمل فيه" اذن.. الوقت شي هام جدا.. ويجب علينا ان ندرك قيمته.. وان مانضيعه !! لان االلحظة الي اطوف.. مانقدر نردها مره ثانيه.. وعقب تستوي من الذكريات.. شو رايكم بالشخص اللي ما يحترم الوقت والموعد ؟ شخص عنده لامبالاه.. وغير منظم.. بس هذا يكون تعود من البدايه.. اكيد هذا من صغره تعود ع التاخير والامبالاه.. "لان من شّب ع شي شاب عليه". الحين ابي وجهة نظركم هل اللي عملته انا صح او غلط ؟ من خلال كلامك.. لاحظت انك واايد تهتم ف الوقت ومواعيدك.. دووم صحيحه مثل مايقولون ( بريطاني ف المواعيد) لانهم من اكثر الشعوب التزما ب الوقت!! بس مب كل الناس مثلك.. وسالفه الوقت..نسبه كبيرة من العرب ايقولك انتظرني الساعه 4 مثلا ويجيك الساعه 4 ونص!! عكس الاوروبين.. مواعيدهم صحيحه.. .. ب الدقايق.!! ايقولك بجيك الساعه 4 و 3 دقايق..!! وشفت من كمن يوم.. خبر. استطلاع للرأي ف بريطانيا أن الهواتف المحمولة لها اثر سيئ على السلوك. لان واايد ناس قامت ماتحترم المواعيد.. وتطلع من بيوتها متأخره!! (يعني العوامل الخارجيه تؤثر ع الشخص.. وعلى احترام المواعيد.) ومثل مايقولون.. الغايب عذره معه.. يمكن انتا تشوف اسبابه تافهه بلنسبه لك لكن بلنسبه له مب تافهه..) الله المستعان.. ولازم كل الناس تحترم المواعيد.. وتسلم اخوي ابن الاشخرة ع الطرح الحلوووو

انا اختلف معاج في الكلام اللي علمت عليه بالاخضر

هي مسالة تعدو واذا الانسان مثلا حاول يغير من عاداته بعزيمه راح يغيرها

الانسان لازم يغير نفسه لانه الدنيا تتغير

هالشخص باكر بيتحمل بوظيف بيتحمل مواعيد جدا مهمه الدنياء ما تخلى من اشياء مهمه هل بيضل يتاخر مثل ما هي عادته


مع احترامي لكم لحد الحين محد اقنعني بردة


تسلمي على المرور اختي

احترام الوقت مهم, يعني ماتخلي الواحد ينتظرك وانت ولا على بالك
بس يمكن صديقك فعلا صارت معه ظروف وهلاسباب الي انت تجول مو مقنعه يمكن تكون لها اهميه عنده
sorry بس انت غلطان