السلام عليكم ورحمة الله وبركاته

نلاحظ أعداداً هائلة من المراهقين في أعمار الزهور يحملون السجائر
بين أيديهم الصغيرة في محاولة منهم لتقليد الكبار،
ربما إثباتاً للذات ..!!


وانا محتار انه الحين نروح جمعيات ونشوف مكتوب عند المكان الي فيه الزقاير مكتوب لوحه شكبرها انه ممنوع يبيعون على الاقل من 21 سنه وانا بعيوني اشوف يبيع حق واحد عمره 14 او 15 سنه ..!!

زين دام انت مخالف لقوانين المحل ليش ماتشيل اللوحه وتريح نفسك ...!!

أين رقابة الوالدين على فلذات أكبادهم ..؟


وافي بعض اولياء الامور يعطون عيالهم فلوس واهم يدرون انه هالفلوس بيقطها على الزقاير وما يقدر يكلم ولده او يتجرأ يسأله شسويت بهالفلوس ..!

أم أن متطلبات الحياة شغلتهم عن مثل هذه التصرفات التي تؤدي بهم إلى الهاوية ..~

وااليوم قاعد مع اخوي اسمعه يسولف حق الوالد يقوله انه اليوم ماسكين واحد معاه بنفس الصف يدخن ..!!

يعني واحد برابعه متوسط ويدخن لو دخل الثانوي او الجامعه شبيسوي ..!!

شنو الحلول بالنسبه للمشكله هذي ..؟

واذا احد اخوانك \ج شنو الحل انك تسويه تكلم الوالد او انك تتصرف معاه انت بنفسك \ج ..؟

مدري شو مستوي؟؟!! وفعلا هالشي واايد منتشر!!

نحصل صبي صغير عمره 12 سنة ويدخن ف الخش!!

وانا اشوف ان سب هالظاهرة هم ربعه!! او اصدقاء السوء.

يظنون ان التدخين هو الرجوله!! وانه مايكون ريال الا من يدخن!!
والولد مسيكين يطيع ربعه!! ويدخن معهم! عشان يثبت لهم انه ريال

لانه لو قالهم مابا... بيتمصخروا.. عليه.. وانتا مب رياال
شو خايف منها!! هذي ماتعض !! وهذي ماتضرب....الخ

والكلام الاستفزازي الين يخلون هالولد يدخن!!

وطبعا اكيد بعد غياب الرقابه ع الابناء.. سبب من اسباب تدخين لصغار

والحل.. هو التفاهم.. الاب يحاول يفهم ولده ان هالشي غلط ومب زين

والضرب ف مرحله مابين 13 لـ 16سنة مع لصبيان اتييب نتايج عكسيه!
لانهم يحبوا العنااد!!

وتسلم اخوي كلمه من اجل الوطن ع الطرح الحلوو