ومدااااااااااااااااااام اضحك عادتنا



السلام عليكم ورحمة الله وبركاته...

دائما مبدع فيصل اليامي
قصيدة عيال حارتنا
رائعه من روائع الشاعر
اتمنى تنال إستحسانكم

ياليت ان الزمن يرجع ورى ولا الليالي تـدور
… ويرجع وقتنا الأول وننعـم فـي بساطتنـا
....
زمان اول احس انه زمانًًًًٍٍ فيه صـدق شعـور
… نحب ونخلـص النيـه وتجمعنـا محبتنـا
.....
زمن ما فيه لا غيبـه ولا حتـى نفـاق وزور
… ياليته بس لو يرجع ونسترجـع طفولتنـا
....
صغار قلوبنا بيضـا نعيـش بعالـمٍ محصـور
… ولا نعرف ابد اغراب ما غير عيال حارتنا
.....
صحيح صغار فالتفكير لكـن ماعلينـا قصـور
… نخطط نكسر اللعبـه وتسعدنـا شقاوتنـا
.....
نروح المدرسه بدري ونضحك داخل الطابـور
… نحاول نزعج العالم في روحتنـا وجيتنـا
....
وعشان نأخر الحصه نخبـي علبـة الطبشـور
… نشاغب بـس فالآخـر تميزنـا برائتنـا
....
نحب الضحك والهيصه نحب انط فـوق السـور
… نفرفش.ليه مانفرفش مدام الضحك عادتنـا
.....
ولكن دارت الأيـام وبـان الخافـي المستـور
… وصار الهم متعلـي علـى قمـة سعادتنـا
......
كبرنا وصارت الدنيا تصـف أحزاننـا بالـدور
… وتهدينا الألم والهم غصب عن عين رغبتنا
......
تعبنا من بلاوينا أحـد ضايـق وأحـد مقهـور
… وكـلٍ غـارق بهمـه وفالآخـر تشتتنـا
....
وانا ما أقول غير الا حـلالاه الزمـان يـدور
… ويرجع للورى فتره نعّدل وضـع عيشتنـا

وتحياتي // راعي الجرنا//

حسابٌ واحد لجميع خدماتنا !