بسم الله الرحمن الرحيم

السلام عليكم ورحمة الله

إذا جالك خبر موتي وعينك فـــــــــــــاض مدمعها

وشفت الناس تبكيني وترثــي "أحمد" المــرحوم

وتسترجع تفاصيلي مـــــــــــــن أروعها لـ أفضعها

وتتمنى الزمن يرجع وتجمعنا الأمانـــــــــــــي يوم

وتتمنى تلاقيني وعشرتنــــــــــــــــــــــــا ترجّعها

عشان تقول يــــــــا "أحمد" أنا آسف..أنا مصدوم

ترى موتك ذبح روحي وفجّر كــــــــــــــل مواجعها

يـ ليت الموت غيّبني قبل هـ الواقـــــــع المشؤوم

تخيّل وقتها حالك وحـــــــــــــــــال الناس أجمعها

هلي..ربعي..كتاباتي..قصيدي وشعري المهموم

أموت وأترك عيونك أسيره فــــــــــــــــي مدامعها

ويذبل هـ الغرام اللـــــــــي جمعنا ظالم ومظلوم

وتتذكر جروح(ن) كنت فينــــــــــــــي دوم تزرعها

وتبكي بـ الألم ندمـــــــان وتغرق فـ العتب واللوم

ويكبر فيك حزنك لين هـ الدنيــــــــــــــــا تقاطعها

وتوقف فوق جثماني وتصرخ يـــــــــــاحبيبي قوم

أنا آسف..أنا آسف..دخيلك قــــــــــــوم وإسمعها

حبيبي قوم لاتترك بدونك خافقــــــــــــي محروم

تعال أحتاجك الليله ، أبــــــــــــــــي عيني تدلّعها

أبي أجلس معك لحظه،أبي نسهر وننسى النوم

تخيّل هـ الحكي يصبــــــــح حقيقه صعب تمنعها

ويبقى الموت ياخلّي ، علينا واقـــــــع(ن) محتوم

وإذا جالك خبر موتي ، وعينك فــــــــاض مدمعها

أبيك تقول يــــــــــــا الله ، إغفر لـ أحمد المرحوم

أحمد العلوي

للإستماع للقصيدة
إضغط هنا

بعد عمرن طويل ان شاءاالله ..

صح لسسانك العلوي وربي لاهانك ع المنطوق الغاوي..
ابيات جميله وفعلا اتعور القلب..

لاتحرمنا من يديدك

صــــــــــح لسانك
بعد عمرا طويل
الله يعطيك العافية

حبيبي قوم لاتترك بدونك خافقــــــــــــي محروم




تعال أحتاجك الليله ، أبــــــــــــــــي عيني تدلّعها
""""""""""""""""""""""""""""""""""""""""
ياعسى عمرك طويل "كلمات قمه ف الروعه"
ترثي نفسك يااحمـــــــــــــــــــــــد؟؟

أحمد

كعادة حروفك

دائمـــا تمتعنى

وتأخذنا إلى عالم الخيـال

لك كل الشكر على ما خطتة أناملك

يااااسلام عليك العلوي



ابدعت فالقصيده


كلامات جميله


تقبل مروري المتواضع

المشاركة الأصلية كتبت بواسطة عْكَس قآآنوؤؤنه بعد عمرن طويل ان شاءاالله .. صح لسسانك العلوي وربي لاهانك ع المنطوق الغاوي.. ابيات جميله وفعلا اتعور القلب.. لاتحرمنا من يديدك

منوره يا عكس قانونه وصح الله بدنك وإعتلى شانك.
الأجمل مرورك وتواجدك ، ربنا يعافيك

المشاركة الأصلية كتبت بواسطة أميـــ الشرقية ـــرة صــــــــــح لسانك بعد عمرا طويل الله يعطيك العافية

صح بدنك يا أميرة الشرقيه
والله يعطيك العافيه.
شكرا ً لك على تواجدك هنا.

المشاركة الأصلية كتبت بواسطة راشد بن شملان حبيبي قوم لاتترك بدونك خافقــــــــــــي محروم تعال أحتاجك الليله ، أبــــــــــــــــي عيني تدلّعها """""""""""""""""""""""""""""""""""""""" ياعسى عمرك طويل "كلمات قمه ف الروعه" ترثي نفسك يااحمـــــــــــــــــــــــد؟؟

صح بدنك أخوي راشد والله يعطيك العافيه.
أرثي نفسي عسى رثائي لنفسي يحرك جمود مشاعر
قلب أتعبني جموده