.السلام عليكم ورحمة الله وبركاته ...

ظاهرة الترقيم هي ليست بالعاده الجديده ولكل من يتبع هذه العاده أسلوبه الخاص فيها ....

ومما دفعني للكتابه ماشاهدته بالامس القريب بعيني من طريقة غريبه ساذجه ...

البعض راح يقول وشو الجديد ماهو الكل هالايام ماعنده مستحى ولا احترام ...


في مكان عام واعتقد الموجودين اكثر من 50 شخص والوقت العصر والسيارات رايحه وراده


وبنات وشباب لان امس اجازه الجمعه ....


بنات يمشوا واربع سيارات كل سياره فيها اثنين او ثلاثه والكل فاتح الجامات ويزاجر والبنات خطوتين

لجدام واربع لورى ماعارفين يمشوا ينزل واحد من السياره ويحط ورقه فيها رقمه على الارض ويحط

فوقها حصاه فطريق البنات ... البنات يرجعوا مايكملوا والشاب ينزل من سيارته يشيل الرقم

يجي فطريق البنات يحطه جدامهن وبنفس الطريقه البنات يتوقفن مكانهن طبعا بعد الفشيله جدام

الناس غيرن الطريق ودخلن وسط البيوت راح شل الرقم ولحقهن ركض على رجله وتقدمهن وحط الرقم

فطريقهن مشن ولاشلن الرقم ورجع سيارته ....

السوال اللي يطرح نفسه هل صارالترقيم عاده طبيعيه مثل الاكل والشرب والعمل حتى انا نشوف

هذا الشاب غير مهتم باللي حواليه وكانه اذا شاف البنت واجب عليه الترقيم ولا بتكون كارثه

اذا مارقم ...

ياجماعة الخير اذا نحن وصلنا لهذي المرحله في عدم احترامنا لانفسنا وعدم احترامنا للغير فكيف راح

يجينا الخير البعض راح يلوم البنات وانا ااكد لكم ان البنات في مكان يسمح بالمشي وكانوا متسترين
...

لكن هذا مثل الادمان ومثل المرض اللي يحتاج علاج ...


الله يستر على شباب المسلمين ...


عاد انا عطونا رايكم فالشباب والترقيم بشكل عام ...