هذي قصيد اهداء للجميع عساها تنال اعجابكم ...




ياصاحبي لا تنشد العين.. مانمت **** دايم على ذكر المواجع أنوحــــــــــــــي
والظاهر اني من زماني تعلمّــت **** الصبر يبقى والليالي تروحــــــــــــــــي
العين تسبق هرجتي لا تكلمـّـــت **** والشمس معروفه بشدة وضوحــــــــــي
شفتني البارح أنا جيت سلمـّــــت **** أحكي وأسولف تحسب اني مزوحـــــي
ماني سعيد ولكن اني توهمـّــــت **** أتوهّم الفرحه وكلي جروحـــــــــــــــي
تصّدق اني للفرح والسعد صمت **** أخبي جروحي غير دمعي فضوحـــــي
مصدوم من هول المواجع تبلّمت **** والمشكله تكبر بجوّات روحـــــــــــــي
ياللي شكيتك من جروحي تفهّمت **** أدري بتفهم دون أحكي وأبوحــــــــــي
منت الذي لا جيت أشكيلهم لمـت **** لا .. لا .. وربي انت أغلى طموحــــــي
لا صرت متبعثر بقايايا لملمـــت **** ولا صرت مخطي صرت فيني نصوحي
ياصاحبي بالخير والسعد لي دمت *** يالله عسى تحيا حياتك فروحـــــــــــــــي
مادام بالمعروف والحق بي قمت **** دامك على الماجوب منت بشحوحــــــي
مافيه لحظه في حياتي تندّمــــت **** مادام ورد الطيب منّك يفوحـــــــــــــــي
أخلصتلي ياصاحبي حب وأتمّمت *** أتممّت في مبنى الحبايب صروحــــــــي
في مركب العشاق عنّي تقدّمـــت *** وأصبحت رايه في سمايا تلوحــــــــــــي
بالحب والتقدير بالجوف أضرمت *** نار الدفا ماهي بنار(ن) لفوحــــــــــــــي
ماجيت مترّدد ترى جيت صمّمت *** في رد بعض اللي علينا منوحــــــــــــي
مسموح لو آذيت نفسي وأجرمت **** سوّي الذي تبغا ومنّي سموحــــــــــــي
يالله ياللي دون نورك تهدّمـــــت **** ياللي رحيم وباب عطفك فتوحــــــــــي
مهما شكيت لدون ربي وأعلمــت **** ماغير ربي للخطايا صفوحــــــــــــي
أسلمت وجهي للذي فيه أسلمــــت **** يالله عسى عنّي همومي تزوحــــــــي
يالله بي ضيقه ومنها تكتّمــــــــت **** ضيقه تخبّي ضيق واجد جموحـــــــي
ضيقه عليها مقدر الصبر مارمت **** ضيقه وتوصل للجبال السفوحــــــــي
مهما كثير الهم بالقلب عظّمــــت **** مهما كتبت الحزن في جوف لوحـــــي
مهما لفك الضيق حاولت وأقدمت **** مهما أبفعل جيت ولاّ .. أروحــــــــــي
وقت الصفا راجعت نفسي وقلّمت **** بعض الخطا والصدر رحب(ن) شروحي
جيت البلا والضيق جيته وعزّمت **** كافي بحور الهم فيها سبوحــــــــــي
ماجيت أنسى لكن اليوم عمــّـمت **** عمّمت في نسيان همي ونوحـــــــــي
مهما يطول الهم مهما تألّمــــــت **** اذكر مليك الكون مبري الكسوحـــــي
وآخر كلام بخير مرسول ختّمت **** المصطفى العدنان أفضل نصوحـــــي
وسلامتكم جميعااا

شفتني البارح أنا جيت سلمـّــــت **** أحكي وأسولف تحسب اني مزوحـــــي
ماني سعيد ولكن اني توهمـّــــت **** أتوهّم الفرحه وكلي جروحـــــــــــــــي


صح لسانج ظبي الرواشد
يعطيج ربي الف عافيه
ولاتحرمينا من يديدج

ياصاحبي لا تنشد العين.. مانمت **** دايم على ذكر المواجع أنوحــــــــــــــي
والظاهر اني من زماني تعلمّــت **** الصبر يبقى والليالي تروحــــــــــــــــي


مـــا شـــاء الله عليك ظبي الرواشـــ^_^ــد...

أعجبتني القصيدة واااايد وااااايد...

أتمنى لك كل التوفيق والتقدم...

وبإنتظار يديدك...