ماهـو بكفـو الوقـت حبـك يمحيّـه
ياللي تخـاف صـروف الايـام تمحـاه
***
ارتـاح ..مـادام المواصـل يقـوّيـه
انت انت..وانـا انا..وقلبـي هـو ايـاه
***
حتـى ولـو بتغيـب ذكـراك تكفـيـه
ياواحـدٍ تكفـي عـن النـاس ذكـراه
***
حبك علـى رملـة خفوقـي مواطيـه
ورياح عذلني عنك مـا تمسـح خطـاه
***
واللي يعذل القلـب عـن درب غاليـه
الله بمـا يـبـلا الموالـيـف يـبـلاه
***
اخفيـه يابالفيـت والـحـال يبـديـه
ادنـاة واحـد ينظـر الحـال يـقـراه
***
مخفيه فيـه ومعتنـي ٍ بـه وحاميـه
من كـل عيـن ٍ ودهـا تنـزل حمـاه
***
قلب ٍ يحبـك والهـوى الـذرب ماليـه
كانـك مكذبنـي ؟؟ بعيـنـك تـحـلاه
***
شرط ٍ تشوفـك فيـه منـت بحواليـه
ويمكن تشوف ديـار واماكـن ارعـاه
***
وبتشوف به تمثـال والوقـت هاريـه
وبتشـوف زرع ٍ ميـت وواقـفٍ مـاه
***
وبتشوف جرح ٍ فيـه سكيـن راعيـه
راح ونسى السكيـن والجـرح ينخـاه
***
وبتشوف حصن ٍ عج الاقـدار سافيـه
وبتشوف باقـي بيـت راعيـه خـلاه
***
لا تنزعـج هـذا خفـوقـي وباقـيـه
ولا تضايـق مـن تـصـدع زوايــاه
***
قـد زلزلـه فرقـا وهـزت عراويـه
والله ستـر والحـظ عانـه وعـافـاه
***
وكانه صلح لك واعجبك زيـد تبنيـه؟
ابـنـه وجـهـز للمقابـيـل مبـنـاه
***
ابغيـك بـس مـن المفـارق تداريـه
وازهل من يـداري شعـورك ويـدراه
***
وحلـل وحـرم فيـه يابـرك بلاويـه
وحلّه وراع رضاي ورضـاك ورضـاه
***
جعلك بعد بعض الوجيه ... امحق وجيه
نـاس ٍ مراتعهـا الرفـيـق بتقـفـاه
***
انواع واخطـر نـوع مانـي بناسيـه
نوع ٍ علـى تفريـق الاثنيـن مسعـاه
***
تلقـاه دوم وكــل يــوم ٍ تلاقـيـه
والى بغيتـه صـدق مـا عـاد تلقـاه
***
ولا انت ردك كل مـا ادعيـك.. لبيـه
انشهـد ان منتـوا بفيعينـي اشـبـاه
***
منت بمع العالم ولا تقـول لـي.. ليـه
انت ادرى منـي وش جوابـي وفحـواه
***
كذيـه... ومـن الله يازيـن والـيـه
واغلا طـروش القلـب ودواه مـن داه
***
الحلـم ياتينـي بـزولـك واراعـيـه
وفـي كـل حلـم اقـوم قبـل اتحفـاه
***
اعشق سميك فـي البزاريـن وادعيـه
واقبـل خطـاه الـى اخطـا واتلـقـاه
***
واسمك يروعنـي الـى مـر طاريـه
واحـب ملقـوف ٍ يسولـف وطــراه
***
وامـر بيتـك مـن بعيـد ٍ ولا اجيـه
وانـا لونـه فـي يـدي مـا اتـعـداه
***
حتى (توايـر) (موتـري) تلتفـت فيـه
تبغي تلـف ويستحـي العقـل والجـاه
***
وصلك يخيـط الصـدر والبعـد يفريـه
ويابـري حالـي كـان صديـت بريـاه
***
ويلي علـى ادري حبنـا ويـش تاليـه
وويلي على ادري وش ورى الغيب ويلاه
***
عشـان اشـوف اذا محبتـك ..ترفيـه
والله لا اقفي عنـك....... استغفـر الله
كلمات
ابن فطيس المري

منقوووول

القصديه روعه

تسلمين ع هذوق.

يسلموووو جررررنــــآآآآ ع المررروووررر ...

لااااا هنت ...

تسلمين عزيزتي ع القصيده الرائعه ..

نقل موفق اختي
تسلمين

قصيده روووعه
اشكرج اختي ع الطرح الرائع

ربي يعطيج العافيه

يسلموووووو الجوري

وانا من اشد المعجبين بالشاعر ابن فطيس له كلمات ذات طاااابع قووووي وعذب


الف شكر عالنقل اختي الجوري

كل ودي ..