ان كان غيري غرك بكثرة المال
*** وخلاك تنسى مامضالي وفاتي

هاك القصيدة واسمع البيت لاقال
*** يبطي ولايقدر يسوي سواتي

لايغرك انه من رجال الاعمال
*** ماله وجاهه مايسبب شتاتي

لو كان مرخصلك دنانير وأريال
*** أنا لعينك كنت مرخص حياتي

خل المظاهر وخلها عنك الاشكال
*** وقارن اذا انه كان مثلي بصفاتي

صحيح مو مثله انا دوم رحال
*** بين الدول ماغير يرحل وياتي

لكن أشيل حمول ماتشيلها جبال
*** وأصبر على بلواي وماشكي عناتي

ومهما جرالي ماشكي الحظ لامال
*** أضحك واشيل بصدري همي وشقاتي

وكل من سألني قلتله حالتي عال
*** ماحسس اللي يسال اني احاتي

واللحين كانه غرك بفلس وريال
*** خلك معاه وهاك مني وصاتي

باكر ترا لابد يتبدل الحال
*** وتقول ليت اللي مضى يرد وياتي

لو كان مرخصلك دنانير وأريال
*** أنا لعينك كنت مرخص حياتي


ما فيج حيله شيختنا وربيه قصيدة فنتك وااايد روووعه

تسلمين ونرقب يديدج

سلمت يمناك اختي شيخة بمعانيها ولا عدمناك
وكلمات في غاية الروعه

راعي العزبه..........الله يسلمك .... وكلك ذوق

جعلاني للابد .......... يسلمو ع المرور الغااوي ويعيطك العافيه

باكر ترا لابد يتبدل الحال *** وتقول ليت اللي مضى يرد وياتي
تسلمين شيخه
جصيده ف غاااااااااايت اروعه

يعطيك العاافيه اخوي .........راعي جرنا .........ع مرورك الطيب