وليش نعق اللوم كله على الزوجه وحليلها المسكينه من صوب البيت ومن صوب العيال ومن صوب واجباتها الاجتماعيه ومن صوب زوجها وين تلقى وقت تدلع زوجها الي ما حط بباله انها المسكينه قايمه من الصبح تحاول ترضيه من كل الجهات وتربي العيال بس الصراحه انا اشوف انه اغلب الزوجات يحاولن يرضن ازواجهن وماشي فايده وهذه التجارب صايره جدام عيني
بس اذا يباله عذر يقول عيني زايغه وابا ادلع مع غيرج وبس مب لازم يلف ويدور ويخليها وحليلها تلوم نفسها وتقول انا مقصره معاه انا الصراحه كل ما اجلس مع وحده تقول ترا الريال جذيه بيلف ويدور وبالاخير بيرجع لي
وليش ترضى على نفسها تكون مثل الكرسي الي بالبيت لما يشبع من الدلع برع يرجع ويلاقيها مكانك سر الحمد لله نحن البنات او الزوجات بشر حالنا من حاله ونبا نحس ان مثل ما نحن نصونه نريده اهو بعد يصونننا
وتقبلوا مني اذا طولت عليكم بس انا الصراحه هذا الموضوع ينرفزني وصدق يضايقني لان الزوجه دايما مظلومه بهالموضوع ومحد منكم يقدر يثبت عكس هالكلام لانكم تعرفون بداخل قلوبكم ان كلامي صحيح