هي مسألة وقت بس وتفهم احساسي ...... انّي على شان حبّك أطلب فراقك

لا تفكّر ان العواذل لعبوا براسي ...... مازلت احبك لقا وفراق واشتاقلك

ما ودّي تشوف عينك طبعي القاسي ...... أو ضعفي اللي يدوّر لحظه اشفاقك

حبّيت أنا ابعدك عن همّي وهوجاسي ...... وابقى بقلبك وعينك سيد عشاقك

لكن - شوفة عيونك - هدّني ياسي ...... ماقدر اعذّب شعورك واشعل اشواقك

ما اريد تشرب مرار الحب من كاسي ...... يكفيك بانّك معاي أتعبت خفّاقك

هي مسألة وقت بس وتفهم احساسي ...... انّه فراقي معك أقرب من عناقك