بسم الله الرحمن الرحيم:

موضوع بصراحه منتشر بكل مكان نفسي اطرحه...


ليش الهندي لو صطدم اي شاب بسيارته ينزل على طول يعصب

عليه ويضربه وممكن يرميه على الارض ويدوس عليه؟(اما لو كان اللي صادمه من

عيال البلد ينزل ويسلم عليه ويقوله عادي كلنا شباب)


ليش.... اغلب الناس يشوفون الهنود اغبيه؟؟؟


ليش....الهندي ماحد يحترمه بالشارع وبالذات لو كان سايق؟؟


ليش...الشباب بنظرهم ان الشعب الهندي وجد لخدمة شعبهم؟؟؟


ليش...اذا رحت عند دكتور هندي او مهندس مايملى عينك؟؟؟علما ان هم متفوقين علينا بالعلم والتكنولوجيا..


ليش في مقوله.(.شايفني حاط دهن على راسي تحسبني هندي)
هل تعملوا ان الهند تمتلك مفاعلات نووية ..وهل تعلموا ان الهنود اشطر ناس بتقنية الملعومات

والحاسب الالي والبرمجه وهل تعلم ان الهند بلد غني ...ولازم نحط مكان للهندي اللي

نستحقره ونذله....

يعني هم من طين وإحنا من ذهب.

ولا إحنا عندنا عين زايدة.

تخيلوا إنه بعض المحللين في دول الخليج وش قالو:

قالو إنه لو ما في هنود في دول الخليج لم بقيت الدول السبعة.

وأنا أقولك ليش:


لأنه بحياتك ما بتحصل إماراتي يشتغل عامل نظافة
أو سواق تاكسي أو فراش مدرسة أويبني البناية
بنفسه أو إنه يشتغل بالبقالة أو دريول أو حمال
أو بواب مدرسة......(والسموحه ع هاي الكلمات)

ونسيت أقول إنه اللي أشترى
أغلى بيت بالعالم أصله هندي.


والسموحة منكم.




اتريااااااااا الردوووود
__________________

الناس اللي يتصرفووون كذيه
أحيااااانا يغفلووووون وما ينتبهوووون
وتحصلهم ينظروف للإنسان الآخر
وكأنه مجرد من المشااااااعر
ليس لشيء سواء لأنه
يخاالف في الجنسية أو الأصل او اللغة
وخاصة الأسيويين عاااامة
لكن نظرتهم للأوروبين والأمريكااااان غير
ينظرون لهم فوق لا تعليق
ليش ما أدري؟؟
في حين خوي كل ما قلته عن الهند صحيح
في عالمنا غرريب
يمكن لأن الهند ما تغزووونا فكريا ولو غزتنا فكريا الهند لكانوا حبائبينا مثل الأمريكاااان (سبحان الله )

عموما اللي يتصرفون كذيه هم على الأغلب يتصرفون هكذا خبط عشواااااء
وبدوووون تفكير تعاملي راااقي يعي معنى احترااام الآخر
ويظل الإنسااااان ننظر له إنسااااان في المقااام الأول بغض النظر عن الأصل

يسلمووووو على الطرح

طبيعة نظرة الناس السطحيه ..

انه الهندي انسان لايفهم ولايحس ولاعنده مشاعر ...

وانه فقط للكرف والعمل وحب بعض الناس الضعفاء التسلط على غيرهم وهذا طبع الناقص من الناس ...

ولا الهندي انسان لديه عقل ويفهم واذا احترمته راح يحترمك والعكس صحيح ...

لااسف هذي النظرة المجحفة في حق الهندي منتشرة وايد وايد .. والله يرحمهم مساكين .. لاحيلة لديه سوى الطاعة والانصياع للحفاظ على مصدر رزقه .. لو عدد الهند كثر عدد سكان الخليج .. بنحصلهم من اغنى الشعوب في العالم .. بس هم يعانون من كثرة السكان وقلة مصدر الدخل لديه .. لا احد منا لديه ادنى شك في تقدم الهند وتطورها من جميع النواحي بأستثناء الخدمات ..!!

اولا مشكور يالنشمي ع الموضوع الرائع

مسكين عمي الهندي

لا تعمم اخويه والله حن قلوبنا تقطع عليهم وهنود في عمان بعد راقين انته روح السعودية والله بتشوف الاهانات ع اصولها لهؤلاء الفئة من البشر والله تحقير لأبعد الحدود اني شفت بعيني

مريد ازيد ع اخواني السابقين فالرد بس ال أجدر اجوله انه ال يتصرف كيه تراه من نقص فشخصيته

أما الهنود تراهم اشماينا هههههههههههههههههههههههههه وايد مناسبينهم هنيه فالسلطنه

كل شي ولا هنوووود يجطعوولي جلبي مساكين

اليوم شفت هندي جالس جلسه تبكي بغيت امشيله واجلسه فكرسي

لكن نفس الشي اذي هندي يعني مااااان حاله من حال غيره

تشكرااااااااااات

والله صدجت السبب واضح انه الهندي يقدر يشتغلك اي شغله تريدها ونحن بدون هنود وبنجالية وبكستانية ما نسوى شي

وايظا الهند من اكبر الدول في العالم ومن اعظم المستشفيات موجوده ف الهند
والكليات والجامعات ولاننسى ف التكلنوجيا الهند تمتلك مصانع الاروبيين يجو يشتغلوا فيها في منطقه ما اذكر شو اسمها كلها منطقه تكلنوجيا

هذي الظاهرة وايد منتشرة بس ليش؟؟؟؟؟؟؟؟
اجول الهنود بس محطوطين للأفلام الهندية.

اذيه العنصرية بمعناها الصحيح

نحن هنا في بريطانيا كل ما قالوا لنا شي تحسسنا

كل ما سوا شي ضدنا قلنا عنصرية ضد العرب


ونسينا انه العنصرية موجودة في بلادنا اصلا


العنصرية موجودة بين العمانيين بالنفس

واكثر شي ضد العمالة الوافدة

مراح اقول تفكير سطحي وخبط عشواء


الا هي عنصرية وابو العنصرية

تحية

من جال اني بصراحة اتمنى اذا ما كنت عمانية اكون هندية ههههههه

بس اكون البطلة فلم هندي ها مب تشغلوني عندكم هههههه

تعجبني الهند والشعب الهندي بصراحة لو عرفته تقدر قيمته

وع قول المثل ( الي ما يعرفك يجهلك)

عيني كان هنية شي هندي ف المنتدى اجوله

انت مزبوط ما في اسمع كلام نفر خربوط ههههه