حبك قدر وأنا على دين الاسلام
مكتوب في وجه الجبين ورضيتك

لك في الضمير الود والحشمه أتوام
ولي في ضميرك مثل ما أنا بغيتك

ولك منزل في نايف القلب وخيام
وذود الغلا ترعاه ولا شكيتك

يفطر عليك القلب وإن فارقك صام
والله لو إنك شوك سدره كليتك

القلب طير لادعي للهوى حام
.وإلا أنت وكره من كثر ماهويتك

كن العيون من النظر عقبك أيتام
وكني ماريت إلا أنت من يوم ريتك

وكنك معي وأنا فقدتك من أعوام
مع الخيال ألقاك كني لقيتك