لادغني في قدم رجلي اليسار
في تلايا الليل سمسومن صغير
بايت اتحكك وماعندي اختيار
غير أدور وينه ملعون الضمير
قمت أنفض دوشكي يمين ويسار
شفته يتمشى كما يمشي الأمير
قلت يالسمسوم من وين الديار
قال ساكن عندكم تحت الحصير
قلت وأهلك قال يالشاعر كثار
جيش ماينكف إذا الموقف عسير
قلت مالك عندنا حشمة ووقار
ياردي لفعال يالداني الحقير
قال حكمك قلت ما أملك خيار
غير إعدامك عشان أرقد بخير(هههههههه^^/