[poem font="Simplified Arabic,6,darkblue,bold,normal" bkcolor="transparent" bkimage="http://www.jalaan.com/forum/images/toolbox/backgrounds/17.gif" border="double,5,darkred" type=2 line=0 align=center use=ex num="0,black"]



وش بقا للناس من حلو الوصايف=
وأنته اللي ماخذ كل الوصوف
من يشوفك هموم وكلايف=
قام يحلم بك وهو عينه تشوف
وين تنظر مالقا بالزين زايف=
الله اللي كملك صيتِ وشوف
لون شعرك عتمه الليل النصايف=
صاب قلبي من حلا شوفه حتوف
ذا حبيبك ولا ذا بدر المصايف=
لا التقى بالشمس يحصل له كسوف
أحور العينين ورموش صايف=
عين صقر حد وحجاج عطوف
لا تعب حالي وشفت الوقت هايف=
اتظلل بالرموش اللي وقوف
ورد خدك جنة زهور وقطايف=
مالخزامى والنفل وأحلى الصوف
وأظهرن من مبسمك بيضِ لطايف=
مثل حبات البرد قامت تطوف
في كلامك يالفيلسوف لحن وأشعار رهايف=
وفي سكوتك كن صاب الكون خوف
من كرام الناس يا أعز الولايف=
زادني طيبك على شوقي شغوف
ومرجان اليوم مار بطيفك طوف=
ويشكرك ع الوصف والتوصيف
يا جميل بالحلا حزت الوصايف=
وش بقا للناس من حلو الوصايف[/poem]