سلـآآم عليكَم ورحمةَ الله وبركاتهَ
صباحكمَ / مسائكم
.......... سعادةةةة أبديهَ





( صورَة من تصويركَ )
نفسَ الفكرهَ .. جب لنا صورةَ من تصويركَ لكنَ ( لها سالفه )
وينَ آلتقطتها ؟!
وليشَ آلتقطتهاَ ؟!
" يعنيَ آسدحوا كل شَئ كل شَئ عن الصورةةَ
أو عندكَ صورة قديمهَ ولها ذكرى عندكَ .. آسدحهاَ وخلناَ نشارككَ الذكرىَ
آو عندكَ صورة قديمةَ آنت مصورها ومالها مناسبةَ آو حدثَ .. وبخاطركَ تكتبَ عليها أبياتَ
مانقولَ لاااااا .. بس كل شَئ من تصويركَ والأبياتَ آو الكلماتَ من تأليفكَ
شغلَ النسخَ واللصقَ مرفوضَ تممممممممماماً !

إن شاء الله وضحتَ الفكرهَ
بس لها شروطَ عشانَ يصيرَ الموضوعَ مُرتبَ ويكملَ جمال الموضوعَ ->


,


شروطنآ |


* إجباري تنزل الصورة ومعها سالفهَ .. صورةَ بدونَ تعليقَ مرفوض
* يُستحبَ آنكم تحطَون آسآميكمَ على الصورَ ..| حفاظاً للحقوقَ
* حجمَ الصورةَ مايكونَ كبيرَ
* الإقتباسَ .. آقتبسوا الردَ وعلّقوا على الصورة وسالفتهاَ , عشانَ مايخربَ رونق الموضوعَ





:*


وخلّونا نستمتعَ ب سواليفكَم وصوركمَ
وبَ تعاونكمَ نرتقيَ
مودتي:لمسات الحنين

هذي الصوره التقطتها لما كنت في نيوزلاند
مع العائله اللي كنت عايش معها
البنت الصغيره كانت مشاغبه
وكانت دائما تدخل الغرفه عليه وتدوسني
عمووووو سي سو ويك اب
تباني الاعبهم
لاعبنهم كمين يوم بعدين طفروا بنا
بعدين تمت تجيني وانا اخلي نفسي ما احس لما تدوسني
لين تطفر وتطلع من الغرفه

هههههه.. يا حلاتها..امبين انها مشاغبهـ

دام انك فتحت لها باب بتجيك دوم هههه

المشاركة الأصلية كتبت بواسطة seesaw هذي الصوره التقطتها لما كنت في نيوزلاند مع العائله اللي كنت عايش معها البنت الصغيره كانت مشاغبه وكانت دائما تدخل الغرفه عليه وتدوسني عمووووو سي سو ويك اب تباني الاعبهم لاعبنهم كمين يوم بعدين طفروا بنا بعدين تمت تجيني وانا اخلي نفسي ما احس لما تدوسني لين تطفر وتطلع من الغرفه

يحليك يدوسوك وصاابر هههههه
بس مستغربه انت ربشه كيف مثلت أنك راجد
ماربشتهم ههههههه

موضووع حمااسي بس أنا مرح أجدر أشاركم معي مشكله
فصور مايطيعن يلصقن^_^

شو هي المشكلة ؟
حملي الصور من هالموقع http://www.arab-x.com/

سهل ويحمل أكثر من صورة في وقت واحد

على فكره كانت تقول عمووووو
مب مترجمه يعني
كانوا عايشتن فتره في ابوظبي فيعرفوا عموووو

اهاا.حلو والله...

تسلم على مشاركتك سي سو.ونتريا سالفه جديده من صورة جديده

هالصورة سالفتها " مسابقه افضل صور فالكلية " بمناسبه اسبوع السياحه

طبعا مطروحات عده مواضيع..العام الي قبله فزت بالمسابقه طلعت الاولى وانا ماشاركت بشي من عندي
ههههه ربيعتي جمعت صور من عندها ووزعتهن لنا .فزت بالصدفه سبحان الله..

المهم المررة الثانية رحت اصور ..ورحنا هالمكان اسمه بطحاء.كان وقت العصر والجو حلو والمكان رووعه

سالفه هالورده الي تشوفوها ...احب هالورد وايد..لما فالسكن كانت تجينا بنت مب ساكنه بس تريح معنا فالبريكات..شفت معها ورد عاد عرفت اني احب هالورد... بعد يومين تقريبا..لما رجعت من المحاضرة طرشت لي مسج قالت روحي فتحي الثلاجه بتحصلي شي لج..توقعته ككاو او بيبسي..لما فتحتها شفت الورده...تفاجأت فيها واحتفظت فيها

الله يسلمكم
هذي الصوره كانت في دبي
كنا رايحين نحن وزملائنا في الصف رحله على حساب الشركه لدبي
المهم قررنا نبات هناك بس على حسابنا
الشركه ما تتحمل السكن
فحجزنا على هوليداي ان غرفتين لستة اشخاص
بس نحن كنا سبعه
واحد شغل تهريب
المهم بتنا في هذي الغرفه نمنا اربعه
انا وسعودي وبرازيلي واندونيسي.
السعودي والبرازيلي في الكرفايه
انا في الارض
والاندونيسي على الكنبه
المهم انا قمت الفجر عشان اصلي
توضيت ومحد حس بي
لنت لابس شورت فتعايزت البس بنطلون عشان اصلي
فقلت بتفوط وبصلي
الفوطه كانت بيضاء
القبله صوب الكنبه
قبل لا اقول الله اكبر
قام الاندونيسي اشاف الفوطه
قال اااااااااه هو ايز ذيس
خاااااف يفكرني شبح
ويوقف من الكنبه ويروح ينخش بين السعودي والبرازيلي
والله نقعت من الضحك وما قدرت اصلي
كل ما جيت اصلي اضحك
وعى البرازيلي من نومه يضحك
زين اني قدري اكمل صلاتي
ما حصلت صوره للغرفه
فسوينا ماسك للوجه السعودي