سلطان شخص فاشل بكل المقاييس .. توه متخرج من الثانوية وما دخل الكلية .. كان همه الوحيد هوة الكمبيوتر ..من كان عمره 13 كان يعشق الكمبيوتر .. وكان الكمبيوتر صديقه الوحيد .. بدا سلطان عالم الانترنت وعمره 14 وكان يدخل الشات من أول ما يرجع من المدرسة حتى بالليل حتى كل الناس حفظته وصارت تعرفه .. ومره وحده دخل عليه صاحب الموقع وجلس يشكره ويقوله أنت مداوم معنا 24 ساعة شرايك أخليك ماستر بالشات ؟ سلطان عجبه لأنه أول مره بيصير ماستر و لأنه راح كتشف شي جديد .. بعد ما صار سلطان ماستر والكل عرف سلطان .. وحتى البنات حاولن يتحرشن فيه عشان يصيرن مشرفات بالشات ..بس سلطان كان ما يعرف سوالف الحب وهذه الخرابيط يعني باختصار فاشل بالحب ودفش وغبي ... بعد ما كمل سلطان سنه بالشات .. وصار معروف بهذاك الموقع .. دخل عليه واحد وقاله تعال أبيك بموقعي .. تجيب لي زوار للمنتدى وراح أخليك أدمن بالمنتدى .. وأنت عليك تجيب لي الزوار والأعضاء .. وسلطان وافق قال بيجرب شي جديد .. وأول ما دخل المنتدى جلس يتعلم على المنتدى حتى عرف له وصار ينزل مواضيع ويرد عليها يعني هذا الفاشل تطور .. المهم سلطان كان ما يهتم بالحب وكان ما يكلم البنات .. ههه لأنه دفش .. صار عمره 16 وبدا يتعلم الرمنسيه من القصص بس ما جربها .. المهم حب يجرب علاقات الحب .. وتعرف على البنات وصار يتكلم كلام رمنسي .. والسبب القصص تأثر وايد بالقصص .. بس ما كان يحس بالحب اتجاه إي وحده .. كان يسولف ويضحك معاهم .. وكان ينطق كلمة احبك بدون ما يحس فيها لأنه فاشل .. بعد ما دخل الثانوية وبالتحديد صف 3 ثانوي أعجب بوحدة بالمنتدى كان لقبها اسمه عاشقة ..كانت بنت عاقله .. وسلطان معروف دفش مع البنات إلي ما يعرفهم .. فكانت عاشقة تعارض سلطان بكل شي .. وسلطان تنح عليها قال إنا راح أخليها تعرف من سلطان .. فكان سلطان يصمم تواقيع حق الأعضاء .. وكانت هيه دش على الموضوع وتجلس تقوله رائها بالتصميم انه موب حلو وناقص كذي وكذي ... المهم سلطان قال لها يلا عاشقة أنتي صممي التواقيع وجلست تصمم التواقيع للأعضاء .. المهم شاف إن تواقيعها حلوه .. قال ريحتني ..وبيوم من الأيام كان سلطان راجع من المدرسة وصار له حادث وتعور انكسرت رجولة .. وطبعا الخبر انتشر بالمنتدى ان سلطان صار له حادث اليم .. بس ماحد يعرف تفاصيل .. وما دخل أسبوعين .. وأول ما دخل شاف 5 رسايل بالمنتدى من عدوتة عاشقه تسئل عنه و تطمن عليه .. المهم قال وأخيرا هذه تحس .. ورد عليها سلطان الفاشل .. وأخيرا طلع فيك قلب وإحساس كل مره كنتي ضدي والله عبالي انك شريرة .. وردت عليه يالدفش بدل ما تشكرني ويرد عليها سلطان والله من الفرحة خخ لأول جالس أقول هذه مثل أم بلوتو ههه ما عندها إحساس ..وردت عليه مشكور يالدب انا ام بلوتو يا استاذ شطيره.. ومن ذيك اليوم صاروا أحباب .. وكانوا متواصلين بالرسايل بالمنتدى كل ساعة يتراسلوا ويردو على بعض بالمنتدى .. فطلب سلطان من عاشقة أيميلها فرفضت ..وصار مع سلطان ظرف مادش المنتدى لمده اسبوع وعاشقة تفكره انه زعلان .. وكانت تدخل المنتدى تشوف المتواجدون وتطلع .. بعد أسبوع دخل سلطان وحصل المسجات فيهم عتاب .. ماكنت شي وشلونا زعل لفرقاك عادي وجودك كان أو رحت عادي جايز اكون أول تعاطفت وياك لكن فبالي كان تركك وكادي لا تنفعل و لا تثور و لا تبرر خطاك ما ينفع الغرقان مد الأيادي .. أول ما شاف سلطان هذه رسالة كتب لها .. والله أسف بس صار عندي ظرف وبتخصار اخوي عصب علي وسحب الكمبيوتر عني وكنت أدش المسن من تلفون وكان ودي اخبر احد يخبرك بس مآبي احد يعرف إنا نسولف مع بعض .. وردت عليه عاشقه هههههههههههه خوفتني عليك وصح انك ولد صغير ياخذو الكمبيوتر منك .. سلطان ايش أقولك عاد ترا اخوي مرات يصير تنح بس خليها على الله شخبارك أنتي .. وترد عليه إنا بخير بس صدج صدج حسيت بفراغ وكنت كل ساعة ادخل المنتدى وما أحصلك واطلع .. ويرد عليها سلطان كح كح طلع لنا معجبين لول .. وترد عليه لول بعينك إي معجبين أنت وراسك ... سلطان زين عشوقه يلا أبي أيميلك تعرفي اخوي تنح ويمكن يصير الموقف مره ثانيه .. وترد عليه زين لا تاذيني أنت وراسك .. وعاشقه عطت سلطان الايميل .. وضافها .. وتعرفوا على بعض .. عاشقه طلع اسمها سارة وأول سنه بالجامعة .. وسلطان كان بالثانوية يعني سارة اكبر من سلطان بسنه .. وكانت تعايره بهذه سنه وتقول له إلي اكبر منك بيوم أعقل منك بسنه عاد كيف إلي اكبر منك بسنه ؟ يقولها سلطان ترا كل البنات ناقصات عقل وما ينطبق عليهم هذا الكلام ... المهم سلطان تعلق بسارة وسارة تعلقت بسلطان .. وكان بكل كتبه يكتب اسم سارة .. وهيه بكل كتبها كانت تكتب سلطان .. وسلطان خلص الثانوية وجاب نسبه 70 % بس مداخل إي مكان ماله حظ .. وكان متضايق .. وحصل إعلان بالجريدة في معهد يعمل دوارت كمبيوتر وعاد سلطان ما صدق وسجل فيهم .. وخبر سارة .. وشجعته .. وبدا داوم سلطان بالمعهد وسار ه بدأت السنة الثانية بالجامع .. وسلطان بدا بالمعهد وكان ما عنده كمبيوتر لأنه ساكن مع أخوه .. وما عنده انترنت .. فكان يدخل يوم الأربعاء والخميس من كل أسبوع .. وكان يدش الماسنجر يوميا .. عشان يكلم سارة بس كانت شبكه زفته ...وكان الكلام يعلق وما يوصل بسرعة .. وسارة معصبه عليه .. وصار سلطان يروح مقهى الانترنت عشان يكلم سارة .. ومرات يحصل زحمة بالمقهى ويجلس ينتظر فتره .. بالأخر قال لها خلاص ما بروح .. شرايك تعطيني رقمك عشان نتواصل ؟



فسارة وافقت على طول لأنها واثقة بسلطان وصارت سنه يعرفوا بعض .. وأول اتصال كان بينهم ... كان الكل ساكت .. مثل الأغبياء ماحد يتكلم كل واحد يسمع ثاني ينفع بالتلفون مستحي .. وعاد سلطان قال خلاص بتكلم .. قال حق سارة شخبارك يأكل الذوق شخبارك يا عسل .وسارة ماتت من الضحك تقول هذا إلي مستحي ههه يا حلاتك وأنت مستحي بس .. يرد عليها سلطان ايش أسوي إنا سنه كاملة ومحتفظ بهذا الكلام لك .. بصراحة ما اعرف ايش إلي صار لي وانجذبت لك .وكان سلطان يتصل بسارة بكل وقت ..وكانت سارة إذا معها محاضره كانت تراسل سلطان ... يعني صاروا مدمنين على بعض .. وبدا المهرجان مسقط .. وسلطان قال حق سارة تعالي عشان أشوفك بالمهرجان .. وسارة وافقت وجاءت مع أختها و أولا أختها .. وبالصدفة التقاء سلطان مع سارة تحت شجرة القرم بنص الحديقة وجلسوا يشوفوا بعض وكل واحد منهم منصدم تقولوا شايفين جني لأنهم أول مره يشوفوا بعض بالحقيقة بدون الصور ... بعد 5دقايق انتبه كل واحد فيهم .. وبدأت الشمس تغيب .. وصار الجو رمنسي .. واتفق سلطان مع سارة أنهم يشوفوا بعض بعد صلاه مع المسجد .. بجانب إسطبل الخيول .. وراحت سارة تلاقي سلطان تستغل الفرصة لان أختها جالسه تأكل أولادها .. ومسك سلطان يد سارة وجلس يسولف لها وهيه مستحييه ودموع بعيونها .. مسح سلطان بيدينه دموع سارة وقال لها احبك ...وبدون شعور صرخ سلطان احبك سارة وكل االناس جلسوا يشوفوا عليه يقولوا ايش هذا المجنون .. وسارة بدون شعور ترفع يدها وتحطها على فم سلطان وتقوله احبك وفاضحتنا .. وراحت حق أختها ورجعوا بيت أختها .. وعاد سلطان اتصل فيها يمدحها ويتذكر الموقف وسارة تضحك تقوله والله انك مجنون يرد عليها سلطان من عرفتك وإنا صرت مجنون بحبك وأنتي تعرفي إن الجنون فنون وجلسوا يسولفو حتى صباح .. ويهدوا بعضهم البعض كلمات الأغاني والإشعار.. وعاد بصباح صحت ساره على مسج من سلطان مكتوب فيه على الوفاء باقي وعنك هوه بسالي لك عهد والعهد عندي مايشينا لاتظن انساك يالغالي محالي لين الروح والعمر عندي يحينا لين جسمي يندفن تحت الرمالي وارتحل من دنيتي واصبح دفينا صباحك ورد ياحياتي .. وفرحة كثير سارة .. ووردت عليه سارة خذني بروف الله ولحسان ياويلي الله لي به جنون لنسان يترفق بالنسان ويرعى العهود الحب ويصون ..وبعد أسبوع بدأت أجازه سارة .. وقالت بروح البلد وصعبه نتكلم ونتراسل هناك .. وكانت تبكي ومتضايقة وسلطان يهديها ويقول لها خلاص حياتو كلها أسبوع ونرجع لبعض .. وسارة تقول إذا أفارقت دقيقه أموت كيف أسبوع ؟ وسلطان يقولها والله إنا معاك وإذا اشتقتي لي راح تحسي بوجودي معا ك لأني داخل قلبك وسارة تقول اخوي ينتظرني سلطان احبك ... تسكر تلفون .. وهيه تبكي .. وسلطان الدمعة على خده ما يقدر على فراق سارة .. وسلطان وسارة كل دقيقه تمر عليهم كأنها سنه وكل واحد يشوف تلفونه ويشوف الوقت وما صار على فراقهم نص ساعة .. ويفتح سلطان تلفونه ويكتب رسالة فيها اخترتك من بين الناس ياراقي الذوق والاحساس ياجوهرة مكنون وبريق الالماس احبك ولو اختلفت الاجناس .. وسارة كانت متضايقة ومعتفس حالها .. وتسمع رسالة بتلفونها وتفتح شنطه بسرعة وتفتح رسالة وشافتها من عند سلطان .. وفرحت كثير وأخوها استغرب سارة شو فيك وارتبكت سارة ... قالت ماشي وأخوها ما اهتم بسالفة ... وترد سارة برسالة على سلطان قولوله حبه في دمي يسري قولوله احبه بجنون وربي إنا لو أسافر سنين مو يوم لايمكن للحظة انسى حبي .. وسارة مشتاقة حق سلطان بس ماتقدر طرش له .. لأنه إخوانها معاها بكل وقت .. وسلطان حاير وجالس ينتظر ساره ترجع واطمنه عنها .. وسلطان ومن ضيق طلع يتمشى بسياره وهوه سرحان بساره .. ومشغل اغنيه محمد عبده .. طال السفر والمنتظر مل صبره ... وكان سرحان وما انتبه الا وناقه تقطع قدامه ودعمها .. وتعور سلطان وجاءت الشرطة والاسعاف واخذوا سلطان للمستشفى وساره كانت جالسه مع اخونها وحست بإحساس غريب وصرخة بقوه سلطااااااان لا ... ويشوفو عليها اخونها ساره ايش فيك ؟ خير ايش فيك قولي .. ساره تبكي وماحد يعرف شو الي صاير فيها .. ساره حست ان سلطان صار له شي .. وراحت تركض لغرفتها .. واخوانها وراها .. ودخلت الغرفه وكان هناك سلطان ولد اختها كان عمره سنتين واول ماشافها جايتنه تركض جلس يبكي وحضنته ساره و اخوانها قالو ايش فيك قالت حسيت ان سلطان يبكي كانه صار له شي .. وجيت اركض ودموع بعيونها .. واخوانها اطمنو عليها وخلوها ... وراحو وساره راحة تتصل بسلطان وماكان يرد عليها وهيه تبكي .. ورد اخوه سلطان وساره تبكي الو سلطان ارجوك طمني عنك سلطان فيك شي .. ويرد اخو سلطان عفوا سلطان عمل حادث بس هوه بخير الحين .. وراح يكلمك بعد مايطلع من الاشعه .. بس هوه بخير مافيه الا جرح واحد .. وساره تبكي تنتظر سلطان يتصل واول ماطلع من غرفة الاشعه جاءه اخوه يخبره ان ساره .. اتصلت فيه ... واتصل سلطان فيها وطمنها عليه وهيه تبكي .. وسلطان يهديها ... وجلس يسولف معها .. ويقولها دبه تراك لك وحشة والله اشتقت لك .. وساره تقوله والله كل اخواني أناديهم باسمك .. سلطان احبك .. وقال لها ساره بخبرك شي .. ساره تقول خير ايش فيك سلطان ؟ قال لها سلطان سار ه انا احبك .. وتقول له ساره احبك موت سلطاني .. ومابقى من اجازه سار هالا 3 ايام . ويوم الاربعاء اجتمعت عائله ساره مع بعض .. وساره كانت تضحك وتسولف مع البنات وهيه فرحانه لان اجازتها بتخلص بعد يومين .. ودخل ابو ساره على البنات وقال ساره مبرروك عليك بنتي ولد عمك خطبك الحين ومهرك 5 الاف وبعد شهرين زواجك وساره منصدمه ..وصارت تبكي وراحت تركض لغرفتها . واهلها يفكرون انها تبكي من الفرحة ومايعرفو انها تبكي من القهر .وساره تتصل بسلطان وهيه تبكي .. ويرد عليها سلطان ايوا حياتي خير ايش فيك تبكي ..؟ قولي ايش فيك وساره تبكي ومايعرف سلطان ايش فيها .. ساره حياتي ايش فيك قولي لي وساره وهيه تبكي . سلطان انا انخطبت ولد عمي خطبني ..


.. وسكرت تلفون وسلطان منصدم ويحاول يتصل فيها .. وساره ماترد عليه .. وسلطان يتصل ودخلت بنت عم ساره حنان غرفة ساره لانها هيه صديقتها الوحيده بالعائله . وكاتمه اسرارها .. وحنان تسمع تلفون يرن وساره ماترد .. وكل مره يرن التلفون ساره تبكي اكثر .. وحنان تاخذ تلفون وتشوف 95 مكالمه لم يرد عليها ..وحنان تسئل ساره من هذا ساره .. ساره تبكي تقول هذا سلطان حبيبي الي خبرتك عنه نحب بعض والحين راح ندخل بالسنه الثالثه ..حنان خلاص ساره انتي انخطبتي من محمد .. وخلاص هوه بيصير زوجك انسي سلطان .. وترد ساره كيف انسى سلطان ؟ وانا اموت فيه .. مستحيل اتزوج محمد مستحيل . حنان خلاص ساره زواجك بعد شهرين ساره حنان انا بحلم الحين واول ما اصحى راح ينتهي هذا الحلم .. وراح اتزوج سلطان .. وحنان تقولها ساره انتي خلاص بتصيري زوجة محمد .. ودخل اخو ساره وشاف ساره تبكي وسمع سالفه سلطان .. وشاف مكالماته و سلطان يتصل وصل عدد المكالمات التي لم يرد عليها 115 واخو ساره يعصب ويضرب ساره ويخبر ابوه عن سالفه وويعصب ابو ساره ويضربها وقال لها الاسبوع الجاي عرسك ويسحب تلفون منها ويتصل بسلطان وجلس ينازعة وقال له خلاص ساره راح تتزوج واخر مره تتصل او راح اشتكي عليك .. وساره تعبت نفسيتها .. وصارت مريضه وسلطان صار مثل المجنون يفكر بساره واعتفس حاله .. وجاء موعد العرس .. وحنان اتصلت بسلطان تقوله ان ساره تعبانه ومريضه وتفكر فيك وهيه اليوم ملكتها .. وساره تريد تكلمك ... وساره تاخذ تلفون حنان وهيه تبكي تقول حق سلطان والله احبك ومستحيل احد يلمسني غيرك سلطان الناس تزغرط في فبيتنا .. وانا مثل الذبيحه الي جاء وقت ذباحها سلطان مابي اتزوج تعال لي بيتنا بهرب معاك .. وسلطان يحاول يهدي ساره وهوه يبكي .. وساره تقوله والله اذا لمسني محمد بنتحر وانا حلفت .. وسلطان يحاول يهدي ساره وساره تبكي .. وحنان اخذت تلفون من عند ساره وسلطان يكلمها ويقول لها حنان ارجوك اهتمي بساره لاتتهور ويصير شي لها .. وتدخل ام ساره وتقول حق ساره يلا المعرس وصل وساره تسمع زغاريط .. وهيه تبكي .. وراحت تجلس بالكوشه مع محمد .. وبنات ترقص والحريم تزغرط .. والشباب ينتظرو الزفه .. وانتهاء العرس وساره تحس انها مثل الذبيحه رايحه للمسلخ .. وبعد ما صارت الزفه وساره ومحمد بسيارتهم .. رايحين للفندق .. جاء واحد سكران ودعم سياره محمد وساره .. وساره ما انبتهت الا بعد اسبوع وهيه بالمستشفى وتشوف الاجهزه حواليها من كل صوب واهلها معها .. وهم فرحانين لان ساره فتحت عيونها وهيه تسئلهم وين انا وايش صار ؟ ويرد ابوها ويقول لها ساره ارضي بالمكتوب محمد عطاك عمره ..




يتبع

بالحادث وانتي الحمدالله الحين بخير .. تقول ابوي احس بوجع فبطني .. ترد امها ساره صار لك فشل كلوي .. واحد فاعل خير تبرع بالكلى لك .. وانتي الحين الحمدالله بخير .. وساره فرحانه انه محمد مادخل عليها .. ودخلت حنان على ساره تسلم عليها .. وتعزيها .. ودخلت خالة ساره تقول لها راح تدخلي العده لان زوجك عطاك عمره .. والعده تعرفيها 4 اشهر و15 يوم .. وساره فرحانه لانها تخلصت من محمد .. وهيه تقول وينك ياسلطان وتسئل حنان سلطان ما اتصل فيني ؟ وترد حنان لا ماكلمته من يوم الملكة ... وساره تقول من اخلص العده بتصل فيه بس بليز حنان خبريه عن الي صار لي .. وحنان تقول ان شاء الله .. وبعد فتره طلعت ساره من المستشفى راحت البيت وساره تسئل حنان .. بشري شو قالك سلطان ؟ حنان تقول مايرد علي .. ما اعرف ايش فيه .. وساره صارت تفكر بسلطان وتحاتيه وبعد ماخلصت العده اتصلت ساره بسلطان ورد عليها .. وخبرته سالفه .. وقال لها سلطان خلاص ساره .. انا بجي اخطبك وبعد اسبوع سلطان خطب ساره .. واهلها وافقوا عليه .. وبعدين اسبوع ملك سلطان على ساره .. وصارت الزفه وساره فرحانه لانها مع سلطان مع حبيبها .. وهم رايحين الفندق .. وداخلين الغرفه .. تسئل سلطان شوفيك حاسه ان فيك شي .. يقولها سلطان لا مافيني شوي بس حاس بألم فبطني يمكن اكلت وايد ويضحك .. وساره تضحك تقوله خليني اشوف وين مكان الالم .. ولما شافته شافت عمليه في بطنه .. تقولك ايش هذا سلطان يقول لها هه حبيت قلدك مايصير انتي مسويه عمليه وانا لا وجلس يضحك سلطان .. وساره تقولك صدج قول ايش فيك .. قال لها تذكري الحادث ؟ هذه اثار الحادث .. وباليوم الثاني سافرو سلطان وساره شهر العسل .. وساره تشوف ان سلطان تعبان .. وبطنه يعوره وايد تقوله ايش فيك سلطان يقولها .. تعرفي برد وياثر علي خخ تعرفيني بدوي مامتعود على البرد والثلج وهيه تضحك .. واول مارجعو من شهر العسل وهم فرحانين واستقبلوهم الاهل بالمطار .. والكل يشوف ان سلطان تعبان وايد .. وساره تقوله سلطان روح المستشفى باكر .. ويرد عليها سلطان ان شاء الله حياتي .. كم سارونه معاي .. وساره تضحك تقوله والله حاسه اني بحلم .. مابي اصحى منه .. يقولها سلطان ساره هذه حقيقه خلاص موب حلم .. بس ترا انتو كذي بالبنات ههه كل شي معاكم حلم ... وجلس سلطان يذكر ساره بأيام المنتدى وهم يضحكو وباليوم الثاني راح سلطان للمستشفى ... وقال لساره البسي ..بنروح البحر من ارجع .. وبعد ساعة دخل ابو ساره وامها و اخوانها .. وتقول لهم ساره خير ايش فيكم وليش شكلكم كذي ؟ خير قولو ... وساره تشوف على امها .. وام ساره تبكي .. ويقول ابو ساره حق ساره .. يابنتي هذا قدر ومكتوب سلطان عطاك عمره .. وارضي بالواقع .. وتصرخ ساره لا سلطان قال لي بيرجع بعد ساعه .. وراح يرجع .. انتو تكذبوا علي ماتحبو سلطان .. سلطان بيرجع وبيوديني البحر .. وهيه تبكي .. ويقول لها ابوها .. ساره سلطان عطاك عمره والحين بنروح نجهز انفسنا و اخوانه يخلصو اجراءات من المستشفى .. سلطان توفى لانه صار له فشل كلوي لان الكلى توقفت عنه .. سلطان هوه من تبرع لك بالكلى .. وتوفى هوه بالكلى واول ماسمعت ساره هذا الكلام حتى راحت تركض للمستشفى .. حافيه بدون نعال .. وهيه تدوس سجاير المرميه بشارع وتحرقها برجلها .. والزجاج يجرحها برجلها وهيه ماتحس .. بشي ساره تبكي وتقول يارب خليني اصحى من هذا الحلم .. واول ماوصلت المستشفى راحت تركض للغرفة الي فيها سلطان وشافت جثه سلطان مغطايه بغطاء ابيض وحضنت جثته وهيه تبوسه وتقول سلطان اصحى بسك لعب اصحى والله مابيك توديني البحر ابي اشووفك معاي سلطان ارجوك اصحى واتكلم وقول للجميع انك موب ميت سلطان ارجوك .. ويدخل اخو سلطان وهوه يبكي ويقول ساره اذكري ربك .. هذا قضاء الله وقدره .. سلطان توفى وعطاك عمره .. وساره تصارخ وتقول انا السبب انا السبب .. وجاء ابو ساره واخذ ساره للبيت .. وبعدين راح للمقبره عشان يدفنو سلطان. وساره صارت تبكي حتى صارت ما تشوف .. فقدت البصر صارت عمياء من كثر البكاء .. وبعد شهر توفت ساره من كثر الحزن على سلطان .. وانتهت قصة حب طاهره مثل باقي القصص ..


واعتذر لكم لانه تمت الكتابه القصه بالعاميه واعتذر لكم عن الاخطاء الاملائيه .. واتمنى ان هذه القصه تنال على اعجابكم لانها اول قصه رمنسيه حزينه لي .. وجميع ماكتب من وحي الخيال وليس من الواقع الحقيقي .. انتهت قصه حب بالمنتدى بوفاة ابطالها سلطان وساره ..


سلطان

راح نقراااها ان شاء الله ونقولك راينا فيها ...وشي حو نقراه بالعااااااااميه حماس

يالله عاد اقريها عشان انزل القصص ثانيه ^_^ خخخ وبنتظار رائيك خيتو

ههههههههههههههههههههههههههه كتاب كامل مسوووي ههههه
عاد موب قصصة
خخخ
حلووهـ القصه
بس مو حلو الحب بالشات والمنتدى وغيرهـ المهم الحب من النت بكبرهـ مايصير خخخخ

تسلم اناملك ع القصه الخونفشاريه
ننتظر قصصك الجايه والاحلى بس كل مااختصرتها كانت احلى ونستفيد منها بععععد
يسلموووووو
انشاءالله عسااك ع القوه دوووم

ههههههههههههههههههههههههههه



والله جد جد انتي كسووووله



بالعكس القصة كبيره لان فيها احداث .. وكل حدث يخليك تعيش فيه ^_^


الحب عمره مايدق الباب الحب يدخل بدون استأذن ...


اشكرك ع المرور الرائع

ماشاءالله كل هذا اقراه هههـ

جاري قرايتها على حبه حبه , مابغي اموت هههـ


مشكور اخوي ويعطيك الف الف عــآفيه

نترقب كل يديد من صوبك


تحياتي لك

هههههههههههههه مثل مااقال اخونا الي فوووق هههههههههههه
قال ماابي امووت
ماابي ماابي مااابي مو لازم اقراهـ كله اخااف اخااف اني اموووت ههههههههههههههههههههه

اعجبكم هع
..
قريتها ع سريع قبلك يااسلطانووهـ وقبلهم كلهم :) هع هع

روكي ^_^ منور صفحتي ...



شوي شوي لاتموت علينا ...


واقراها حبه حبه على قلبي حبه حبه خخخ

المشاركة الأصلية كتبت بواسطة شموخ انثى هههههههههههههه مثل مااقال اخونا الي فوووق هههههههههههه قال ماابي امووت ماابي ماابي مااابي مو لازم اقراهـ كله اخااف اخااف اني اموووت ههههههههههههههههههههه اعجبكم هع .. قريتها ع سريع قبلك يااسلطانووهـ وقبلهم كلهم :) هع هع

اقولك نامي


صح صح قريتيها قبل ما اكتبها خخخ