اليِـِـِوم جبت لڪم روَايــﮧ ڪويتيه وَانشاللــﮧ تنِـِـِـِإل علِـِـِے إعجابڪم , القصِــِـِـﮧ يغلِــِـِب عليهِـِـِإ الفڪاهِـِـِـﮧ وفيهِـِـِإ بعض الدرامِــِـِـِا
إلمهِـِـِم ^^
اترڪڪم مِـِع الروايــﮧ الفڪإهيــﮧ و الرومانسيــﮧ والتيـے نرويها على لسان البطلــﮧ . .
< وَبنـِـِـِـزل لڪـم جـزء جـزء . . . .





هاي جميعا اول شي احب اعرفكم على نفسي انا اسمي شوق وعمري 16 سنه في مرحلة الثانويه .
الدراسه لا تسألوني عنها لاني وبفخر
فاشلـــــــــــــــــــــــــــــــــــه
الصراحه بقولكم شي عني انا بنت غير محظوووظه < لا يختي مبروكه احسن
ومع اني مؤمنه بالله بس مع القصه بتعرفون ليش حظي كذا .
شسوي بحظي اللي منسدح ورافض قطعيا انه يقوم ^^

على قولت الشاعر :
.. ياحظي المنسدح وشفيك مشقيني ... قم يا مال الوجع قم غير احوالي ..
صح لسانه

يؤؤ يؤؤ نسيت اعرفكم بعايلتي ::
ماتشوفون اختي الصغيره تحشر نفسها بالكيمره
اعرفكم بأكبر العايله ..
امي حفضها الله ورعاها ..
*الجازي عمرها 37 سنه مطلقه من خمس سنوات .
< بسبب ان ابوي يبي ولد وامي كل ذريتها بنات .

المهم
*هند اختي الكبيره عمرها 20 سنه
عزباء اللي عنده رجال يفكنا منها تدرس في كليه اساسيه تخصص رياض اطفال..
*نوره الثانيه 18 سنه هم عزباء تدرس سكرتاريه ,, اعقل وحده في البيت << معصي

*البندري 14 سنه خوية دربي في كل شي خبال , مغامرات ..... إلخ
*هيونه (هيا) 8 سنين ,, قعدت البيت يعني اخر العنقود سكر معقود .

بعد ما عرفت عن عايلتي المصونه التي تسكن في شقه في بيت خوالي .
سكناها عقب ما ابوي طلق امي وتركنا لا يسأل عنا ولا شي الله يسامحه .

المهم بعرفكم بخوالي ...
*جدتي (ام محمد) العمر غير مصرح به <<< تعدى العداد
*خالتي عنود 35 سنه ,, عندها ولدين وبنت (خالد 9 ومنيره 7 ودحومي 3)
*خالي محمد 31 سنه زوجته عبير 28 سنه وعندهم ولد ناصر << كريه ومزعج .

ترى مالهم دور بالقصه بس عرفتكم عليهم

هذا تعريف بسيط عن عايلتنا طبعا لي عمان 6 وعمات 2
واما العلاقه معهم ميح بسب ضروف عايليه صعبه سالفه معقده ومانعرفهم لان ابوي كان يمنع امي من زيارتهم .

وابوي تزوج على طول يوم طلق امي يعني من خمس سنوات وعنده ولدين توؤم 3 سنوات نواف ونايف .
بس عمري ماشفتهم < احسن لاني بنقهر لا شفتهم

المهم اللحين بندخل في القصه ....

الجزء الأول ::

هند جالسه في الصاله ومعاها ( كتاب كيف تحللين شخصية الذي امامك )
وكانت تطبق على اختي هيونه << فار تجارب البيت
امي جالسه قدام التلفزيون وتكتب من هالخلطات اللي في الشات
انا ونوره والبندري نلعب جنجفه < مبزره

امي .تصيح: بناااااااات قصروا صوتكم ماني قادره اركز
انا: يماااااا شوفي نوره جالسه تغش
امي وهي تطالع التلفزيون: نوره بسك غش
نوره وتسوي حركة بتذبحني : ان شالله يوما

هند تصيح بوجه هيونه : ركزي ركزي معاي
هيونه: والله انتي مجنونه مدري شتقولين انا اقوم احسن لاني ان قعدت بنجن اكثر

البندري : هيه فزت فزت هياه ,, وقامت تغني وانتصرنا والناصر الله
انا: نعيد اللعب كله غش
البندري: للحين عندك امل يبا كسرت راسك خلاص ماكو لعب وككككككوووووووكككككككك
انا : معصبه واللقط بقايا وجهي اثر هزيمتي الشنيعه من قبل البندري
نوره تطبط عل كتفي: تعيشي يختش وتفوزي بغيرها هاردلك
انا : تهي تهي تهي تهي خلاص قررت اني اعتزل اللعب
البندري: خلاص بنقيم لك حفل اعتزال غدا هههههههه
انا : معصبه هجمت على ظهر البندري وامتطيته كما يمتطي الفارس حماره أأأ اقصد حصانه
البندري : يماااا هعههههههه شوفيها
امي تقوم خلاص وصلت حدها بالكتاب تصقع فيه راسي : أأأأأأيييييي
امي: بسكم ازعااج
انا : يماا اح والله تعور
امي: ذلفي غرفتك
انا: الله والغرفه ترى الشقه كلها غرفه ومطبخ وحمام وصاله وين غرفتي اهاا قصدك زريبة العزابيه
امي تطقني بنفس الكتاب : أأأأأأأأأأأأي خلاص اقصد قصر بيكهام ولا تزعلين
امي: انا شيقعدني عندكم انزل عند امي ابرك لي
وتطلع امي من الشقه متوجهه عند جدتي تشتكي لها الحال .. طبعا جدتي تزيد من الطيب بله وتحرشها علينا
مثل وانا امج وديهم عند ابوهم خلاص انتي ماقصرتي ..... إلخ
بس امي قلبها ما يطاوعها ما تستحمل دون ازعاجنا ..؟

نعـود للشقه ::
انا : امي وراحت والشقه مافيها غيرك نيهااهااهااي من بيفكك مني تعالي
البندري: شوق تعوذي من نفسك يماا ذلفي عني
انا: هااهااهااهااهااي تعالي << فلم رعب
البندري تدور في الشقه: تكفون يالربع الفزعا خويتكم بتموت ياربي دخيلكم ياربعي يا أحبتي
نوره : شباب هوب هوب كل واحد يصلح سيارة الثاني
انا: بو حمود ما تشوفه شفيه علي
البندري: هااه بدينا بالكذب بو جسوم
نوره: شباب خلاص حبوا خشوم بعض
انا: خشمك
البندري: خشمك .. تك<< حبت الخشم

هند . تطالعنا وهي ناقده : مدري ليش الوالد طلق امي مع ان عنده اقدع عرابجه بو حمود وبو جسوم
نوره .:يابنات في حشرات هنا دابله كبدي وحامصتن مرارتي تسمحون نلعن جدفها
هند: لا هيه شنو شقلت انا ماعرفكم
انا: نوره ابشري بعزك ما طلبتي شي
وشمرت عن ايدي وبدينا في طق وتدغيغ هند ..
هيونه واقفه عند الكنبه : عاشو عاشو يمين يسار .. وتلفح بشعرها روح روح

وفجأه يقطع علينا الهوشه صوت التلفون
طبعا مثل كل مره الخمسه هجوم على التلفون ومن ايد وحده لين ايد الثانيه .. طبعا ينتج عن ذالك اصابات بليغه ومنهم في غرفة الانعاش ومنهم تحت الانقاذ .. والناجيه دايما انا لأني عصله فأزرق بينهم

مشهد التلفون ::

هيونه : ألو من معاي
المتصل:هذا بيت ام هند ؟!
هند في رقه لم نعهدها من قبل: هند تحت امركم هي وعايلتها
البندري راكبه فوقها تبي تاخذ التلفون .
هند تصيح: أأأأأأأأأأأأأأأأأاي <<<< فجرت أذن المتصل
البندري: خير وش عندك داق
المتصل: بسم الله شسالفه
نوره تبكي : ابي اكلم كلكم كلمتم الا انا
البندري عطفت عليها وعطتها .
نوره: انت من تبي يؤؤؤ جيبيه جيبيه شووق

اخيرا استقر التلفون بيدي .
المتصل: لحظه هذا بيت ولا مستشفى الطب النفسي ؟!
انا: لا وانت الصاج مقبره
الاخوات: ههههههههههههههههههههههههههههه
المتصل: اعوذ بالله انزين التلفون اللحين بيد منو عشان اقدر اتفاهم
انا: معاي انا اولا عرف عن نفسك والبطاقه الشخصيه وان لم تجد فالجواز ينفع ولماذا متصل ولما تريد امي وهل ربحنا بمسابقه ؟؟!!
المتصل: اقول اسمك بالخير
انا: وشعليك بتخطبني قل لا يكثر هرجك
المتصل: يابنت امي تسلم عليك وتقول حبا حبا علي
انا:يعني أللحين انت قاط نكته يابنات اضحكوا عشانه
حطيت السماعه على افواههم : هههههههههههههههههههاي

المتصل: ههههههههه والله مجانين انزين انا سلطان ولد عمكم صالح بغيت الوالده ضروري
لحظه صمت طويله دامت 30 ثانيه
انا مستحيه : الوالده تحت اتصل بعد خمس دقايق تلاقيها
سلطان: اوكي بعد ربع ساعه بتصل مع السلامه
انا خبط من غير لا قول مع السلامه
هند: علام وجهك قام يلقط الوان منو هذا لايكون بيخطبني
انا: شايفه وجهك اول عشان يخطبك شوفي اذا وضحه بنت جارنا تزوجت انتي تتزوجين
هند وتغطي وجهاا بيدينها: لالالالا تهي تهي تهي
نوره: منو هذا الشاب الوسيم
البندري: شدراك انه وسيم
نوره: صوته جبار وبدت تغني قباااااااار قبااااااااار<<< فاكره نفسها عبدالحليم على غفله
انا: جب جب انزين تتوقعون منو هذا؟
هيونه: امممممممممم يمكن بيعطونا فلوس ربحنا مسابقه صح؟
انا: والله صج انطمي وروحي نادي امي قولي لها تلفون
هيونه. يؤؤؤؤ كل انا
انا ابقق عيوني : يالله روحي
هيونه: انزين .. وهي معصبه
هند: منو خلصينا
انا: سلطان ولد عمي صالح
الكل: هااااااااااااااااااااااه < وجعــــــااااه
انا: ولد عمي
هند: شذكرهم فينا شيبون هذولا
انا: مدري
امي تدخل علينا بسرعه : هااه منو يبيني
انا: اللحين بيتصل
امي: رجال؟
انا: ايه
امي مستغربه: خير اللهم اجعله خير

بعد عشرة دقايق رن التلفون امي شالت السماعه
وحنا متجمعين حولها ورازين اذننا عندها عشـان نسمع عدل
امي وتدزنا بيدها لانا ضايقناهاا ,, تعبت منا اخذ التلفون وراحت غرفتنا وقفلت الباب وكلمت ولد عمي .


<<< بسس . . اذإ عجبتڪـم بنـِـِـِـِزل الأجِـِـِـِزااء البـأإقـيــﮧ /:

تسلموا ع القصه

تسلموا ع القصه

اللِـِـه يسلمـك . !

مِـِـإ قلت رايــك فالقصــه .

ولـإ ما قريتهـــإ . ^^

مـرررة حلـووة القصــة ..

صرااحـة عجبتنــي وأإيــد ..

احلي شي الشخصيــأإت ^^..

نتريــأإ بـأإقي الأجـزأإء ..

يسلموووو خذأإني الشــوق ..

يسللمووووووووو حبوبه ع القصه الجميله


وننتظر الاجزاا الباقيه


مع كل تحياتي وحترامي

مـرررة حلـووة القصــة .. صرااحـة عجبتنــي وأإيــد .. احلي شي الشخصيــأإت ^^.. نتريــأإ بـأإقي الأجـزأإء .. يسلموووو خذأإني الشــوق ..

عيونِــِـِج الحلِـِـِوَوَهـ غِـِلـإي . .

وعشِـِـِإن خِـِإطرج بكِـِـِرهـ بنِـِـزل الجِـِـزء الثانِـِي .. ^^


اللِـِـِه يسلمِـج من كِـِل شِـِـِرر . .

يسللمووووووووو حبوبه ع القصه الجميله وننتظر الاجزاا الباقيه مع كل تحياتي وحترامي

اللِـِـِه يسلمِـِـج غِـِـِلـأي . .

لِـِإ هنتي عِـِ المِـِـِرور الغِـِـإووي .

روواية حلووووة وممتعـة

ننتظر باقي الاجزااء

تسلمين خذاني الشووق

روواية حلووووة وممتعـة ننتظر باقي الاجزااء تسلمين خذاني الشووق

الأحلِـِـِى مِـِـرورك ..

يايتنــك الأجِــِـِزإء .. .

وَلعيونڪــِم هِـِإذا الجِــِـِزء الثإنِـِـي »¬


وَالسسموحِــِـﮧ طولِـِـت عليڪـِم . .






الجزء الثانـي ::

على الباب
هند : أي دستي على رجلي نوره وخري عني
نوره: مو انتي ماخذه كل المكان
انا: تسمعون شي؟
البندري. ليش ما طفيتي المكيف ما نسمع شي
هند : اوووووووووووووووف خلاص بروح ومصير امي تعلمناا
رحنا كلنا جلسنا قدام التلفزيون وطالعنا مسلسلنا اللي نتابعه
هند: شوفو شحلات مكايجها
نوره: ولا بدلتها شلون مربطه عليها الفيونكات قمت الذرابه
انا: ووووووع موحلو ما عجبني
هند.. شعرفك انتي بالذوق انتي حدك ملابس سوري على دينار
انا: وشفيها ساتراتنا هالملابس اللي مو عاجبتك
وقطع علينا حوارنا الشيق حول الملابس والمكياج وقلت لهم مقرره انزل مكياج بأسمي مو احسن مني خبراء التجميل .

امي وهي ماسكه التلفون .
كلنا: هااه يما شيبي؟
امي: شقول لكم بعد
كلنا: يما شسالفه
امي: ابوكم مريض من 6 شهور ويبي يشوفكم قبل ما تتدهور حالته ومايشوفكم
كلنا قمنا نطالع بعض مستغربين وشعور ماله وصوف هو خوف هو حزن هو فرح شعور ما ينوصف
هند: خلاص بنات قوموا نلبس نروح لبونا
امي: لا لا ابوك مو بالكويت ابوك بلندن يعالج
نوره: وشلون نشوفه
امي: ولد عمكم بياخذكم هناك عند ابوكم والسفره بعد خمس ايام
انا نقزت على طول لغرفتي وقمت اطلع ملابسي
امي: صبر صبر شفيك بيمرنا ولد عمكم اليوم ويسوي جواز لهيونه ويجدد جواز شوق
انا: لا هذا وقته ينتهي جوازي
امي: ماتبين تصورين ؟
انا: واااو اصور
ورحت احط مكياج واطلع احسن ملفع عندنا عشان تطلع الصوره جنان
امي: بس شرطي ماتحطين مكياج بس كحل وخفيف بعد
انا: لا ليش هالتحكم
امي: هذا شرطي
انا: يؤؤؤؤ .. ورحت لبست أي شي حتى كحل ما حطيت

ورحنا صورنا انا وهيونه طبعا صار فلم عند المصور تهاوشت انا وهيونه من يصور قبل لولا تدارك المصوره للامر وحل النزاع بعمل قرعه كان تلاقينها متشرده بالشارع لأنا بنكسر المحل .
طبعا صورنا صور مستعجله صورتي انا حدث ولا حرج تقول هنديه منحاشه من معزبتها ولاعنين خيرها المكتب من الطق .
عقب ما شفت صورتي ايقنت ان الجمال جمال الروح لا الوجه ..

البيت استنفار اللي تكتب شنو ناقصها من ملابس واللي ترتب ملابسها واللي تغسل ملابسها واللي تجمع ألعابها واللي تتصل بريفجاتها وتحرهم انها بتسافر في الصيف لندن .

واما امي فكانت محتاسه لانه ولد عمي بيجي وهي مستحيه منه ماهي عارفه شنو تسوي ؟

وصل ولد عمي اخذ الاوراق وسوى جوازاتنا وحنا انحلت ازمتنا خلصت كل وحده فينا جنطتها وحطتها عند الباب طبعا هالكلام قبل السفره بيوم .
امي تبكي اول مره بحياتها بتودعناا .
حنا طبعا ضحك وفرفشه وناسه بنروح لندن يعني اخر استهبال ناس اجانب مايفهمن لغتك
يعني بالعربي مصخره...
يوم السفره ::

اول وحده قايمه انا الساعه 7 الصبح رحت تسبحت ولبست ملابسي ولبست مانتو بيج مع نقابي ولفه بيج
وخواتي طبعا مثلي عدا البندري اللي مو منقبه وهيونه .
انا : شنو اروح لندن لابسه نقابي
امي: وصيه ما تقط نقابها هالبنت لاني اعرفها بتسوي بلاوي بلندن
هند. لا توصين حريص انا لها
نوره: شواقه حبيبتي ياقلبي حنا بنروح مع ولد عمي يعني فشله تقطين نقابك اصلن احمدي ربك مخلينك لابسه مانتو ولا مخلينك على عباة الراس
انا: عشان اول ما اوصل مطارهم الا انا بالسجن على طول حاطين مع قايمة المطلوبين
الكل: هههههههههههههههههههههههه
سمعنا صوت دقات هرن .. تيييييت تيييييت
امي: هذا ولد عمكم يالله نزلو تحت

نزلنا سلمنا على جدتي وطبعا وداعنا كان طويل حيل .. وعقبها ركبنا مع ولد عمي اول ماشفناه كلنا شهقنا ..
هند: يهبل شحلاته انا حاجزته
نوره: يالله عاد انا شفته قبلك
هند: بس انا اكبر
انا: والله مصخره هالحين رايحين حنا لندن عند جورج وتوم وتطالعون سليطين صج بنات فقر .
البنات استحوا على وجيههم وركبنا السياره .. كانت رنج روفر لونها سماوي

الكل: السلام عليكم
سلطان.. وعليكم السلام هاه كاملين نمشي
هند: ايه
ومشى سلطان فينا طبعا قام يسأل اسأله انتي منو وكم عمرك وش تدرسين
اسألة مليغ

انا: سلطان ناقص مقاس جوتيي ووزني ماعرفتهم
الكل: هههههههههههههههههههههههههه
سلطان: هااه اجل انتي شوق قالو لي والله عنك انك مو صاحيه وامك اكثر وحده تحذر منها انتي
انا.. لا حووووول وش بسوي انا يختك ذلونا انتي بتسوين بلاوي ينخاف منك يعني شنو بشرب خمر ياربي
الكل.. ههههههههههههههههههههههههههههه

وصلنا المطار
صح نسيت اقولكم ان ولد عمي سلطان طيار وهو اللي بيقود طيارتنا < بيقود شفتوا شلون جبتها الشاطر اللي يقول وين محلها من الاعراب..
نرجع لقصتنا

هيونه: يعني انت سواق الطياره يعني سايق
سلطان: احد يفهم هالبنت اني طيار
هند: هيا حبيبتي تعالي ومسكتها اختنا هند << اخيرا سوت حاجه فيها خير
وعقب اجراءات السفر والتذاكر قعدنا في استراحة نضحك ونعلق .. طبعا ولد عمي بعد عنا شوي وراح يكلم طاقم الطياره ويوصيهم علينا
وانا والبندري كنا نعلق على الناس ونشكك الواحد بنفسه

نادوا على الطياره وركبا طبعا كلنا درجه اولى وااو كان شي جميل .
هند وهيونه جنب بعض قدامي انا والبندري اما نوره فكانت جنب حرمة كبيره
كنت انا صوب الممر وكان في الطرف الاخر في نفس مكان مقعدي شاب بالعشرين من عمره كان غايه في الشياكه والجمال ..
يطالعنا ويضحك على تعليقاتنا انا والبنات وعلى هيونه يوم قامت تصفق وتغني درويلنا عاش عاش دريولنا طيط طيط .
كان الموقف تحفه .
اما العقيديه اللي جنبي البندري فكانت مبحلقه بالدريشه وتتكلم بصوت عالي كأن الطياره باسم ابوهاا
مثال:
شوووووووق شوفي السحااب لونه ابيض
انا: بالله على بالي اخضر
هي: شووووووووووق شوفي اشوف الناس صغار
انا: فضحتينا الناس كلها عرفت اسمي
اما هيونه فكانت تصيح علي بصوت عالي: شووق متى بيجبون الاكل متى امي تقول بيعطونكم ملفوف
انا.. حشى كبد ملفوف بهالصبح توك ماكله مسرع ما جعتي
هيونه: بطني ولا بطنك كيفي
نوره تهمس للحرمه اللي جنبها: كيف اشغل التلفاز
الحرمه بكل كبر تسويه لنوره
نوره: مشكوره
طالعتها بنظره غريبه وحطت السماعات بأذنهاا

نوره تأشر لي: شواقه شواقه < (كلامنا كان بهمس )
انا: نعم شعندك
نوره : تبادلين اماكن هالحرمه مليغه حدها تصدقين مغروره
انا: يابنت انثبري مكانك ان غيرنا اماكنا بتصير صيحه وهواش تعرفين خواتك
المفضحاات حطي على الراديو واسمعي لك شي وانطمي
نوره.. تشكورات اختي كم الحساب
انا.. خمسطعشرين فلس
نوره.. أي لغه هذي

الشاب اللي جنبنا ميت ضحك على خبالنا ..؟
وصلت المضيفه وقامت توزع اكل
هيونه: هياا اكل اكل
هند: شفيك انتي تقولين مجوعينك بس انطمي فضحتينا
هيونه: كيفي دافعين فلوس
انا: ياعوب هالبنت جيبيها لي اطرمها لك
هند: لا فكينا من شرك
اختي نوره نايمه وقام يصدر من خشمها وانفها سمفونيات لم اسمع مثلها من قبل ولا مقسمه عدل
اللي جنبها منقرفه ومنزعجه ..

انا : نوره نوره نوره
نوره: طسي عن يور فيس
انا: بدايتها بدليات بالانقلش هذا وانتي احسن وحده فينا
نوره: وصلنا
انا: لا ريضين بس قومي صوت شخيرك واصل للطياره اللي جنبنا
نوره: انزين قمت قمت ياهم بلشه هالخوات .. اسمعي طلع معي بيت شعر
انا: قولي وش عندك
نوره: البطن فاضي والخوات قشرات..... والنوم محروم منا وألينا
انا: كم مره اقول لك لاعاد تكتبن قصيد كملي نومتك
بعد ساعه اركدوا خواتي لانهم جميعهم طخوا وناموا مو بس خواتي كل اللي معانا في الدرجه الاولى .
اما انا فمن الفرحه مانمت قعد اقرى مجله واسمع للراديو كان حاطين اغنية جميله حيل
(( شكواي للي يفتهم شكواي))
لاعت كبدي من هالوضع لاني ما احب اقعد كذا فاقمت استهبل على اختي البندري ادخل الكلينكس في خشمهاا واضحك عليهاا

واستمر هالحال لين قامت وقمنا نسولف ونقول نكت مليييغه حيييل
مثال:
البندري: في واحد تغدى وعقبها راح للحمام ليش :
انا: ليش << قلت شكلها داهيه
البندري: بيغسل ايدينه هههههههههههههههه
انا من ملاغتها قمت اضحك: هههههههههههه
انا: اجل بقول لك نكته في عنز مثلك وشرواك منسدحه على البحر ليش ؟
البندري: اممممممممممممم تتشمس
انا: لا ميته هههههههههههههههه اعلمك شلون الملاغه تكون

وقضينا وقتنا هذا سوالف ونكت مليغه وجانا ولد عمي يتطمن علينا اخذ هيونه وسوا لها جوله حول الطايرة وهي مصره انه سواق لين اقنعته انه سوااق..؟
وصلنا لندن ونزلنا من الطياره طبعا قعدنا اخر الناس نزلوا الركاب و حنا قعدنا لين جانا ولد عمي واخذنا معااه
سوينا اجراءات الوصول و...... إلخ
ومشينا ........

وحنا نمشي ما درينا ولا نشوف واحد جاي عند سلطان ويحظنه ويسلم عليه وقاموا يضحكون ويسولفون وبعدها عرفنا عليه طلع ولد عمنا متعب .
ركبنا سيارته وودانا للفندق اللي ساكنينه كان الفندق قريب من مستشفى ابوي يعني نروح ونجي له مشي على الاقدام عادي ويبعد عنه بشارع سوق مع هايدبارك .
اول ما وصلنا الفندق اقصد الشارع بعد ما استوحشنا المكان لان كل اللي نشوفهم
عرب وياكثرهم العرب فيه مطاعم محلات كافيهاات والخ .....
وصلنا الفندق راح متعب قدامنا اخذ مفاتيح السويت اللي حنا ساكنينه وامر القرسون انه ياخذ شناطنا منا .
كان شعور حلو وكأنك ملكه الله يا حظهم الاغنياء مستانسن بحياتهم .

المهم
وصلنا للسويت حقنا كان عباره عن غرفه كبيره مره مع كنبتين وقدامهم تلفزيون بلازما وحمام << الله على حمامهم ... ومطبخ تحظير صغير مره ..

متعب: بنات انا بالروم اللي جنبكم أي شي تبونه تعالوا لي وانا طبعا بجيكم كل شوي اتطمن عليكم
هند: انزين متى بنشوف ابونا
متعب: هو اللحين عنده فحوصات ماتخلص الا الساعه 5 العصر وطبعا راح يكون تعبان تشوفونه بكره احسن انتوا ارتاحوا وانشالله تشوفونه
راح متعب وخلانا وعطانا بعض التوضيحات ارقام مطاعم عربيه ورقم طوارئ ورقم الرسبشن
ورقمه هو ورقم مستشفى ابوي..

وجلسنا حنا نضحك ونسولف ونعلق وكنا جالسين بالبلكونه نشوف العالم ونضحك وكان اخر فله .
وعقبها تفرقنا اللي راحت تنام واللي تطالع التلفاز والي تلعب بعرايسها .
واما انا والبندري فلم يعجبنا الوضع فقررنا اننا نقول لمتعب بنتمشى شوي ونجي
رحنا لمتعب وطلع لنا ..
متعب: خير صاير شي
انا: لا والله بس ودنا نتمشى شوي بالحديقه ونرجع
متعب: هااه حديقه ..(وقام يفكر).. بس اخاف يصير لكم شي
انا: لا تخاف حنا سبااع ناكل الضباع ومحنا مبعدين كاهي الحديقه مو بعيد ان صار لنا شي اتصلنا فيك معانا تلفون ومعانا فلوس ومعانا ديو
متعب: ديو شنو
انا: بيبسي اوي ألبك
متعب: هههههههههه اوكي لكم ساعه ساعه وحده وبس وان مارجعتوا بدوركم بالحديقه انزين
انا: انزين ...........


يتبــــع »¬