بسم الله الرحمن الرحيم

السلام عليكم ورحمة الله وبركاته

هلا بنات ..شحالكن.؟

في هالموضوع حبيت يكون لنا ركن خاص نحط فيه طبخاتنا اللي عملناها بإيدياتنا.>> مو أي حد

ثاني

ف شدو الهمه بنااات وورنا سنعكن وطبخاتكن اللي تسونها بالصور..سواء بالبيت او بالسكن

بالتوفيق بنااات..

غرور انثى وشموخ الورد

.

.

(عجينة بيتزا وفطائر مضمونة100%)


المقادير:


4كوب شاي طحين
2ملعقة ص خميرة فورية وملعقة ص ب : ب
وفنجان قهوة زيت
وعلبة روب
وملعقة ص ملح وسكر
وكوب ماء تقريبا زايد او ناقص

صباح الخيرات

ما شاء موضوع حلو

اما عليك افكار سنعه

حلوه العجينه ....
بيتزا هاه
اموت ف بيتزا

هذا البسكويت من إعدأأدي ...
المقادير ما اذكرها زين ..بتذكرها و بكتبها لكم

موضووع مفيد والله
تسلمين شموخ الورد ع هالافكار
ما شاء الله ،،، انتي وغرور ماسكاات القسم ومبدعااات فيه
بالتوفيق ان شاء الله

حررركآآآت غآآآويه..وفككككره روووعه

يسلموو جمووون متابعه واذا عندي شي بحطه لجن

هلا بخواتي الشطورات السنعات^^

مشكورات ع المرور والمشاركه..

ربي يحلي أيامكن^^

ننتظرك منكن زود..بارك الله فيكن^^

والله مشي حاليا هههه ..عياز وايد منه ههههه بس كل 5 ايام سوي كعك ههههه مطورة شوي لاه


نزين يعني كذي نبدع حركات كل يوم على حركه ننوع فالشكل

هلا لمسات منوره^^

هههه لا خلي عنك هاتيلنا طبخه نبي نذوق طبخك قصدي نشوف طبخك^^

عش البلبل أو فطيرة اللبنه بالعسل..رهيييبه تنفع للفطور والعشاء^^





مقادير العجينة (هشه وايد^^):

كاس ونصف ماي
3 م سكر
3 م حليب بودره
كوب شاي صغير زيت
م ك خميره فوريه
رشة ملح
ربع م ص بكنج بودر
طحين حسب العجن
تترك نصف ساعه تتخمر


الحشو:


لبنه
جبن موزريلا
عسل


الطريقة:


نفرد العجينة بالصينية
ثم نضع اللبنه ونكثر شوي
ثم نرش طبقه من الجبن
ثم ندخلها الفرن وبعد ما تحمر من تحت وفوق نطلعها و نضع عليها العسل وهي ساخنه~



.