شباب وشابات
صبحكم الله بالخير
اليوم احس نفسي ابا اعزمكم على كوب شاي
شو رايكم?
تراه اليووووووود بالفوسفور قصدي بالمايوووود
وانا انسان ما عندي الا ابريق كهربائي للماء بس
بس عندنا خفايف تاكلوها على الشاي
اهم شي الشباب ماشي لحيه والبنات ماشي عضاضات هههههه

مضبي تااااااايم يمي يمي

حي الله بالجماعه الطيبه.
من زمان ما دخلنا المنتدى.
كنت ادش من الفون شغل جلدي ملدي.
بس الحين من لاب توبي.
هالاسبوع كان مليان شوي.
يوم السبت رحت مسقط مع اخوي.
رحت الشركه سلمنا عالربع
وكلمت المدير شوي موضوع مهم ما اخذ دقيقتين هههه.
هناك يوم بتواحي عق كلامك وطش ولا بيرسلوك الدوام,
ما يحبوا يشوفونا في المكتب.
نزلت عند الايتي عطيتهم لابي سووله ابجراد لويندوز سفن.
طلعت عنهم رحت الشقه ريحت وعصر طلعت مع اخوي نغير جو
ونتشرى اغراض.
يوم الاحد رحت مفكز مسقط لعلاج العيون بالليزر
وفحصت عنوناتي عشان ابا اسوي عملية ليزر.
حطولي قطرات ما تخليك تشوف دربك رتأثيرها يتم يوم كامل.
عاد كل ما جاتني رساله او اتصال اخلي اخويه يقرالي.
يوم الاثنين اتصل فيه الدكتور وقال ابا اكلمك في موضوع
قلت قول اللي فخاطرك كله امبونك لا تخيل وسرك كبير.
قالي ليش تبى تسوت عمليه نطرك مب ضعيف وايد.
قلت والله هايته ضعيف وراوني الفرق في النظر قبل وبعد العمليه
وقال ما بالك عمليه خليك على نظارات اصلا عينك ما تبذل جهد وايد عشان تشوف وانته تفتكر انه ضعيف
وتفركشت العمليه الحمدلله عاد رجعت لهم بالاربعاء وخذت قياسات النظارات.
يوم الاتنين لعبنا بولينج بس خبصناها خبص انا العب لود خالي وهو يجمع نقط عالفاضي.
يوم الاربعاء رحت المكتب شليت لابي وحصلت ربيعي الباكستاني.
راسل عنده تلفوني موتورلا يصلحه لي من باكسكان على قول بنت اخوي.

هالتلفون وايد عزيز عليه مع انه ما يسوى عشرين ريال بس احبه.
المهم بالاربعاء ظهر طلعنا من مسقط نكنا نتابع مباراة عمان عالراديو.
وصلت ورحت السوق نظارات نعيم عشان النظارات.
ومشيت سوق التلفونات ادور على واير شرش للموتورلا ما حصلت الا في اخر دكان.
لما شرشت الفون وشغلته لوحة المفاتيح ما تشتغل :(
منحووووووووس.
الحين لازم ارسله مكان ثاني عشان لوحة المفاتيح اهي اهي.

انا ابا شاهي بس عصر
الحين بتغدي
وبلبس عضاضة سويلنا استثناء

هلااااااااااااااوي
كل ما اذكر الماضي اجلس اضحك واللي يشوفني يقول اكيد فيه شي.
بخبركم عن جنوني من زمان.
لما كنت فنيوزلاند بعد ما تمينا تسع شهور متواصله فيها
وكانت لي اول سنه برع عمان
كان موعد رجوعنا لعمان تاريخ ٦/٦/٢٠٠٦
وعاد انا ابا اطلع فيها.
قلت لربيعي الرحله طويله اكثر من ٢٤ ساعه
فليش ما نظل سهرانين اليوم اللي قبل عشان نرجد فالطائره
وتمر الرحله ونحصل نفسنا في عمان
هو وافق سواء بغى او لا.
وتمينا سهرانين اذاك اليوم فالكمبيوتر لاب
وقريب الفجر كل واحد يتثاوب من صوب.
المهم رحنا المطار وطلعنا من نيوزلاند صوب سنغافوره
ولا رجدنا البر الرحله تمت ١١ ساعه
ترانزيت ٣ ساعات وبعدها دبي ٦ ساعات وترانزيت ٦ ساعات
وبعدها عمان والاهل فالمطار ورحت البيت ونمت الساعه ١٠ الليل
يعني اكثر من 48 ساعه بدون نوم
وربيعي يقول اللي يسمع شورك مره ثانيه
هههههههه
لما رحت ابا ارجد حتى ما اشوف طريقي من التعب
وقوموني من نومي الساعه ٥ يعني من بعد الفجر ما في نوم
وايد مواقف عندي كل ما اشوف نفسي ملان بنفصح عنهن

ارجو ان تكونوا قد استمتعتم مع امل اللقاء بكم في مواعيد قادمه
والسلام عليكم ورحمه الله وبركاته
مقدم البرنامج سي سو الهاشمي

عاش عاش دريولنا عاش عاش اقصد الهاشمي عاش عاش ههههههه..

نتريا مفاجأآت اكثر

[mark=#0033ff]

حياكم الله وبياكم زوار مدونتي المتواضعه.
المعذره منكم تراه ما عندي كنبات وتلفزيون ال سي دي
على حيل هالحصير والراديو.
احب اتفاعل مع ضيوفي ما ابا التلفزيون والاشياء الثانيه تشغلهم عني.
بسني خرده
ما اذكر التاريخ بالضبط
بس من ضمن ايام نيوزلاند.
انا كنت ساكن مع عيوز وعندها ولدين واحد عمره ٢١ والثاني ١٦
وكانوا ساكنين معنا سعوديين.
المهم يوم من الايام كانت عندي طاقه ما عرفت كيف احولها
الى طاقه كهربائيه فقلت احسن نتخلص منها وبنسوق سيكل.
شليت سيكل الولد الاصغر بود ما استئذنت طبعا.
وقمت اسوق فالحي.
عاد ربيعي السعودي كان برع البيت يغير جو وكان مقابل البيت
فقلت بسوي حركه بجي بسرعه وبصرخ بقول محمد وقبل لا ادعمه بضرب بريك
وجيت مسرع ٢٢٠ وقلت محمد
توقعوا ويش صار?????????????

ضربت البريك اللي قدام عن الخلف وضربت الرصيف
وانقلبت رأسا على عقب
طبعا اياديه تعورت فيهن والدم غطاهن.
وربيعي السعودي منذهل
اللي صار بعدين في عائله اجنبيه كانت ماره بالقرب وشافوا اللي صار
فانا قلت مب زين اخلي نفسي متعور وجلست اضحك والسعودي
منهبل يقول كيف يضحك وكذا صايره حالتي
بعدين شلتني العيوز داخل وسوتلي بلاستر
بس عانيت اسبوع لما اسبح والبس وجلس على ايدي
جنون سي سو كان هنا :)

[/mark]

كم اكررررررررررهك ايتها المتعجرفه
كم اكرهك ايتها..........................ما اريد اوسخ لساني
كم اكرهك يا عمان موبايل
كل يوم تجيني رسائلهم بعروضهم البايخه
كل ما اسمع التلفون يرن افرح اقول حد راسل لي واخر شي تطلع عمان موبايل
اليوم رسلت نكته لكمين نفر من العائله بعدها بشوي رن الفون
قلت اكيد حد يعلق على النكته
طلعت عمان موبايل
اكرررررهك حد الثماله يا عمان موبايل

امس طول اليوم كنت عايش بعدسه وحده
مشيت اصلي الفجر وحاط نظاراتي على صوب
بعد ما خلصنا واحد قام واقول فخاطري لا يكون داس النطارات.
بس ما عطيته انتباه
طلعت من المسجد ونسيت النظاره
من وصلت الدوام ذكرتها.
فاتصلت فربيعي قلت وانت جاي هات النظاره معك بتحصلها في المسجد
المهم جابها الما جيت انظف النظارات اشوف العدسه اليمين مب موجوده
قلت له كيف كذيه تأكس من مخباه ما حصلنا العدسه
اتصلت فربيعي قلت شوف بتلقى شي عدسه في المسجد قالي ما حصلت
المهم كملت يومي وانا لابس النظاره بعدسه وحده
لانه عيني اليسار اضعف وايد من اليمين.
لما رجعت السكن حصلناها في المسجد
وركبتها والحين عندي عدوستين :)