منتديات جعلان > جعلان للشعر والترفيه > جعلان للقصص والروايات | ||
من بد كل الخلايق حبيته.. |
الملاحظات |
|
أدوات الموضوع | انواع عرض الموضوع |
جعلاني فعال
غير متواجد
|
><><><><><><><><><><><><><><><><><><><><><><><><><
(ملاحظه: هالشخص المتكلم مب محمد..راح تعرفو من هو بالنهايه!!) وقفت سيارتي جريب البحر ونزلت بخطوات ثقيله..كن ريولي مب متحمله ثقل جسمي.. سرت ع شاطئ والنسيم البارد يداعب ويهي بس ماكانت برودته بالقدر الي يبرد هاللعين الي ساكن بصدري.. آآآآه ضاقت بي الدنيا..حاس أنه حياتي انقلبت فوق حدر من بعد ماأعلنت فراقها عني... كنت متمني يجمعنا بيت واحد.. كانت تسكن فكل حلم احلم به يصير فمستقبلي... دائما كنت اضم حبي لها عن الكل،، كنت اظن لو أني بحت بجزء من الي احسبه لأي احد، بتنمس رجولتي! بس ألحين صار هالحب كاتم على نفسي..وأني حيل محتاي أحد يسمع مني.. "جربت من الماي أكثر..رفعت ثوبي ودخلت ريولي بالبحر..".ااااحح البحر حار وايد كأنه يشاركني حرارة يـــ(ج)ــوفي..تشوفت ع ساعتي الي احطها دايم باليمين *فانصدمت* معقول صارت ساعه 3؟؟ غريبه الوقت عدا بسرعه مندون ماحس به، كيف احسبه واني فاقد قلبي! كيف احسبه وعقلي مب راضي يفكر بغيرها،،؟ آآآآه يادنيا الي تذلي الواحد ذل "طلعت ريولي من البحر ورجعت علي ورا أكثر، صرت اراقب لمعان النجوم بالبحر..واتخيل شكلها لما كانت صغيره كانت حليوه(ابتسمت مثل المينون لما تخيلتها جدامي) ههه صدق هبل،، حركت راسي ابا اخفي صورتها من بالي بس بدون فايده.." ايوه صح! صرت مثل العشاق فالقصص والمسلسلات..يحبون ويحبون ولما يضيقون يبوحون لك..لك أنته ياالبحر.. آآآه "عقيت ثقل جسمي علي التراب المسكين،، وغمضت عيوني وتخيلتها عندي (والله إذا كنت ماطولها اجدر اتخيلها،، ولاحتى فالخيال حد بيزابني عليها؟ ) صراحه الخيال خيالي محد له خص فيه،، توافقوني على هالراي ولأ لا؟؟ " اووووووف اوووووف صدق اني ادور اي شي ابرد فيه حرتي.. قطع عليه حبل افكر صوت تيلفون..دخلت ايدي بمخبايه وطلعته، كان(......) ياخي مهيسلك بارض..اووف نزلته علي جهة اليمين فالتراب بس بعدني قابضنه، لفيت بجسمي صوبه*أرد عليه ولأ اطنش؟؟ برد ايوه احسن ارد* : ألووو : هلا الحبيب :هلا..خلصني هيش تبا ألحين متصل؟ : والله قبل شويه كنت ثاير، قلت بما أني ثاير خليني انحس عليك ههههه : والله أنك متفيج! انزين غيب.. غيب عني.. : هاهاهاي أذيه كل رجاد مسويبك كيه؟؟ عيل يوم بتعرس بتقولي معرفك ولأ.... قاطعته..لأنه ماكان لي نفس اسمعه اكثر: أقول بوشهاب مب كنك كثرت سوالف، تراه والله مصدع راسي وأن زدت كلمه وحده زياده بعطيك كف يعدل مخك زين.. ..:ههههه شيمه كل شي ولأ اتضارب معك..أحسلي ابند بدال مشوفك ألحين بقبك جدام بيتنا هههه تراك تسويـــ..... "بندت فويهه واني كاره حياتي بالمره..ميكفيني هي منقصه لي حياتي، يا هو وزاد الطين بله،، فالنهايه قلت أحسلي اسير بيتنا اكاون الرجاد قبل مايأذن صبح ،،، شليت مصري الي بالأرض وتيلفوني الي ترسته تراب من الغيض..ركبت سيارتي بس ماحركتهي..لأنه بدأ عقلي يناقش قلبي..وأني ساكت اسمعهم علي هيش بيرسو؟ (مصر<< غطره أو شماغ) :وبعدين معك؟ يعني مب راضي تنساها؟ سوي احسن شي لعمرك وانساها؟ ترى خلاص مستحيل تطولها! :انساها بكل سهوله كيه؟ وسنين عمري الي ضيعتهي بتفكير فيها؟ انساها؟ :يعني هيش بتفيدك حرقت قلبك عليها؟ : معرف..أهم شي اعرفه انها مستحيل تغيب عن بالي :وأني عقلك..أقولك اتعبتني من تفكير انساها وخلصني..ترى والله ميفيدك التفكير فيها : من قالك يمكن تنقلب الموازين بالنهايه وتصير لي.. : هاهاي تضحك علي من أنته؟ مستحـــ.... :تشب اقولك..تشب أنته عليك تفكر وبس وأني الي اقرر انساها ولأ لا.. "هههه مثل ماتوقعت قلبي انتصر علي عقلي،، لأنه هو اساس هالحب..هو الي دخلني بهالدوامه وهو الي بيطلعني منها،،، ياصاحي ولأ مينون" رددت بصوت عالي: توكلت على الله "تحركت بسيارتي وأني معرف هين بروح،، لأنه عقلي مب راضي يفكر! اونه ترك زمام الأمور للغالي الي يحتضنها" ><><><><><><><><><><><><><><><><><><><><><><><><><
|
جعلاني فعال
غير متواجد
|
الجزء الثامن..
(يوم الأثنين يوم ماينتسي) كنت جالسه بهاليوم فالليوان وحدي..حاطه كوب الشاهي~الي قرب يبرد~ جدامي.. وكنت احوس بسبابتي ع حواف الكوب، واقضم ظفور ايدي اليسار بثمي،، كنت سارحه باتصال ساره بارحه: حبيبتي اصلا باين من صوتج أنج مب موافقه ع زواج أختج! أحلام: لا والله..صح فالبدايهــ(سكت، معرفت هيش اقولي! اصلا معرفت حقيقة مشاعري انها بعدها تحب سلوم ولأ لا؟) انتبهت علي صوتها لما قالت: أحلام وينج؟ أحلام: هاه ساره: أقول شكلج مب معي ابد ! (قالت بخبث) لايكون في احد شاغل بالج؟ أنا قايلتلج من البدايه أنا مب لاقيه احد احسن منج حق يدي سعيد أبتسمت: ليش في احد قالك أني بضاعه كاسده؟ ساره: لاحشاج بس يدي غاوي وبيسعدج هههههه ((مب مهم عودها ألحين، المهم "أنــــــي"..وهيش أحس اتجاه هالعرس،، صدق ياأحلام انك نسيتي؟ ولأ تبي تتناسي؟ اووووه نقع فؤادي من كثر التفكير طز فيهم هو وشيخوه! أني مب جاتله عمري من الحره عشانهم،، بدور اي شي عشان اغيضهم <<< خخخخخ يومتي شريره حييــــــل.. منتبهت للي دخل غير لما قال: بس بس والله انك مخسره خويه الي داخل نادر عليكن بهالعزبه. "رفعت نظري له ع اساس مافهمت" (خلي ايده فثمه، اونه يقلدني لما اقضم ظفوري)وقال: يوم انك يوعانه طيحي مطبخ امك.. وكلي الي تبيه أحلام: مالت عليك يالحاف..خايف علي فلوس خوك يعني.. مب علي جمال ايدي؟ صالح: جمال هيش؟ يحليلك مصدقه عمرك وايد..اصلا أنتي من فوق لتحت مب جميله يعني بتفرق أذيه اليادي اليربانه؟ ههههههه قرصت عيوني وزميت شفايفي: صدق حقير صالح يتلفت يمين ويسار وهو يضحك: هين أمك؟؟ (بحكم انه امي شاهده ولادة صلوح فهي ماتتغشاه) قلت بغيض: لاتسألني صالح: ههههههههههههه صدق أنك مشكله (تجدم صوبي وجلس مجابلني) الحلم لاتزعلي احسن لك تراه عندي لك مفاجأه.. قفزت من مكاني وجربت منه،مسكت طرف دشداشته: هيـــــــــش عندك قـــول بسرعه؟ صالح يحرك رأسه: والله أنه محد يعرف يصلبك غيري خخخ (رفعت صبعي (سبابه) ودفعت رأسه من جبهته): بتقول ولأ لا؟ تم يتفلسف عليه،وبدأ يمثل كنه فحلقه تاريخيه: بما أنني رأيت الحزن يجتاح أسوار قلبك بعد أن علمتي بأن أختك شيخونه(وأشر بأيده بطريقه تضحك) ها أختك شيخونه سوف تنطق على قلبها وتتزوج قبلكـــ.... أحلام: ياالله خلصنا بسرعه صالح: بتسكتي ولأ اعيد الخطاب من البدايه؟ حطيت ايدي ع ثمي: لاخلص شيمه لاتعيد صالح: اين كنا؟ اه نعم تتزوج قبلك..أسرعت وانقذتك واتيتك بأذاك الريال..إنما أيه؟ دبدوبا محد مثله ياالله ياأحلام بس لو تأخذيه..أضمنلك100% أنه ضلوعك من اول يوم بتصبح كلها منطحنه.. صرخت:حمــــــار ( وفتحت ثمي ذراعين بأذيك الضحكه الي تهز بيتنا هز) هههههـــهههههههههههههههههههههههههههههههههههههههههه هههههههههههههههههه فهاللحظه طلعت أمي من المطبخ وهي تنازع: قصري حسك بنت اللذين.. حشى أني مب يايبه صبي واحد فأذيه البيت يابه ثنينه،أقولك أنتي متخيلي علي ويهك قطعي نسمك لا بارك الله فيك صالح هو يضحك: خليها علي راحتهي أم يمعه أمي: أنته سكت سكت..اصلا محد مضيعنهي غيرك.. (كنت حاطه ياديه علي ثمي وكتوفي تهتز من الضحك علي شكل أمي المعصبه) صالح: قلتلكم ماتبوها تبرو منهي روحي بربيها (رفعت ايدي وضربته علي رأسه): ههه ضم أشوارك الخايسه لعمرك أمي بعصبيه: اها أذيه يوم بخليها عندك..اسمنها بتصيع صــــــــيياعه ومحد بيجدر يشكمهي.. (هنيه فجرت ضحكه قويه علي شكل صلوح المنصدم..ومحسيت غير بذاك المقراف الي يا صوبي وفلع راسي والوعيان الي تفر بالهوي"هنيه صدق أمي عصبت" ههه سحبت صلوح داخل الحجره بعد ماقذفته أمي فظهره بقلاس الماي الحديد خخخخخ ) صالح وهو يمسح ظهره بظهر كفه ويقرص عيونه وخشمه من العوق: والله أنه أمك عدائيه حيل(ويضحك) لا وبعده تعرف تصوب..لو أنها تشتغل فالجيش والله بتفيدهم هههه قلت بضحكه خفيفه خوفا من أمي تسمعني: سمي..الله أكبر عليك لاتأكلهي.. صالح: أقول أني بهرب قبل لا تي القوات الأمريكيه وتقصفنا ههههه (روح يركض لبرا وهو يضحك من قلبه، والله فديته هالصلوح مالي عليه دنيتي، أحسني كل ماسيطر عليه الهم ألقاه جدام وفي عز الطلب،، ينكت ويضيق ع أمي ويضحكني " يعلني ما أبكيك ياعمي يانور عيني ياسندي وعزي،،" *خذتلي ثوب مخور ودخلت اتسبح.. مشطت شعري وحطيت ميك اب خفيف وطلعت ع بيت عمي لأني كنت مشتاقه لرحامي الدبه الي تدل بيت خالتهي بس بيتنا مادله.. وأني طالعه من بيتنا سمعت صوت عمي بوراشد وبويه فمجلسنا،عجدت حياني ومديت شفايفي بحركة استغراب " غريبه هيش عندهم؟ بالعاده عمي ألحين يجلس بالرايح عند الشوبه، هيش يابه بيتنا؟؟ اووووه أني اش دخلني فيهم" طلعت وسرت صوب بيت عمي الي يبعد عنا مسافة 19 خطوه <<< والله مب سهله يابنت حاسبتنها بالخطوات خخخخ المهم قبل مدخل لاقيت جاسم ولد عمي "الصغنون" عند الباب (جسوم عمره تقريبا مايتجاوز 6سنوات..) شديت قنوزه(خدوده) المنتفخه بقوو ..: جاسمني من قنوزك يادب جاسم يبعد ياديه بقوته: محد دب غيرك..يالسحلفانه.. ضحكت من قلبي ورديت عليه بتمصخيره: كيف استوي دب وانته تقول اني سحلفانه علي قولتك ياالغبي جاسم مد بوزه شبرين: إذ أني غبي أنتي هيش ياالبومه؟ أحلام: ههههههههههههههههههههههههههههههههه شكلك بتسوي مني حديقة حيوانات أن مادخلت عنك ألحين.. جاسم يركض صوب الحصى الي برا بيتهم يبا يمسك أكبرهن عشان يفرها علي رأسي<< كنه مب كافني مقاريف أمي ياي يكملها عليه حضرته.. رفعت ثوبي بطريقه تضحك وقفزت مثل المينونه داخل، وركض ركض لين صتدمت بشخص جداميـــ... . . . . . . . . . . . . . ><><><><><><><><><><><><><><><><><><><><><><><><><><><><><><><><><><>< جاسم يركض صوب الحصى الي برا بيتهم يبا يمسك أكبرهن عشان يفرها علي رأسي<< كنه مب كافيني مقاريف أمي ياي يكملها عليه حضرته.. رفعت ثوبي بطريقه تضحك وقفزت مثل المينونه داخل، وركض ركض لين اصتدمت بشخص جدامي "حشى مب صدر تقولو يـ(ج)ـبل حفيت بكبره،، خخخخ" اني فالبدايه كنت مثلكم توقعته راشد بس طلع شخص غريب.. ياربي من أذيه؟؟ بعدت عنه وأني أحاول اتذكره لأنه.. هالشكل مب غريب عليه بس عقلي مب راضي يتذكر من؟؟ من؟؟ قطع تفكيري صوته لما ابتسم وقال: هذي أنتي ياالخبله!.. ماتبين تتغيرين أبد..أظن في شي يسمونه تهواد..الاوادم مايهدو ع اناس جذا.. (فتحت ثمي بستغراب..يعرفني؟ كيف؟ بعدين اشعرفه أني دائما ادخل بيت عمي من دون ماأهود لحظــــــــــــه لحظــــــــــــــــــــــــه لحظــــــــــــــــــــــــــــــــــــــــــه اصلا كيف عرفني؟؟؟ " هني تــــــذكــــــرت! صدق أني هبله نسيت ارد غشوتي بعد مافتحتها عند جسوم...ألحين شافني الريال مديت ايدي بسرعه عشان اتغشى عنه بس الي صدمني صوت الأسد الثائر الي صدر من وراه " ...: أحــــــــــــــــــــــــلام (كان صوته كله غضب وغيض طالع من القلب نطق أسمي من بين ضروسه وكأن عروقه رأسه بتنبط من العصبيه، كان من النادر أشوف راشد بأذيه الحاله.. راشد يكتم ويكتم..بس لما ينفجر يدمر كل الي حوله.. أكذب عليكم إذا قلت لكم أني خفت.. لأني صدق ماخفت إلا متت وشبعت موت من الخوف.. بعكس الشاب الي سحب عمره بهدوء وابتسامه وطلع برا تارك وراه عاصفه من نار...تارك وراه راشــــــد راشـــــــــــــــــــــد والمعصب بعد "ياربي هيش أسوي ألحين؟ شافني مجابله واحد ماعرف من هين طلعلي والله يذبحني والله يذبحني.. ياربي هين عمتي موزه تي تنقذني منه..أخر شي كنت اتوقعه أني اموت هنيه وسط حوش عمي وعلي ايد من؟ ايد راشد.. حاولت اصرخ ابكي بس جسمي كان متشدد من الخوف..) تجدم مني ووقف ع بعد خطوه مني.. والله أني حسيت أنه هالخطوه شبر وأني اسمع انفاسه الثايره وهي تطلع من أنفه كل ثانيه.. كنت متيبسه فمكاني انتظر مصيري هيش بيكون؟؟ ونصدمت بأيده اليمين توقف فالهوا جدامي وهو يحكم قبضته تصورت أنه بيعطيني بكس يطيرني فالسما بس ماصار شي.. ماصار شي.. كان راشد محتار بين أنه يكفخني ويبرد حرته فيه وبين أنه يكتم غيظه فقلبه..الي لو كتمه أكيد بيموت قهر.. المشكله أني متحركت من مكاني كنت بس أتأمل ملامح الضيق والغضب الي بانت عليه حتى أني نسيت أنه هو بعد لازم اتغطى عنه، بعد ثواني تأمل من عيونه الواسعه المليان عصبيه، نزل ايده على ويهه ومسحه بطئ شديد وصار يفرك دقمته(لحيته) بقو وقال وشياطين الدنيا كلها فوق رأسه: زولي من جدام..بسرعه ترا واللــــــه...... (سكت..خذ نفس عميق بعدها صرخ لين كل شعر جسمي وقف) زولـــــــــــي وآخيرا نطقت بكلمات متقطعه: راشـــ....ـد واللــــــه مـ...ــب قصدي اجابلــ...ـــه.. راشد يأشر بياديه بعصبيه واضحه: أحلام حمدي ربك أني ماسك أعصابي لين ألحين لاتخليني أتصرف معك تصرف ثاني...أحلام شلي عمرك وروحي من جدامي بسرعه أحلام: والله أني فتحته عند جاسم بس نسيت ارده ع ويـــــ.... عطاني ظهره بهدوء بس بان علي صوته أنه بعده معصب: قلت روحي من هنيه قبل ماأفجر كل الي بقلبي فيك..روحي ( حمدت ربي أني سلمت منه..وقلت أحسن شي اسمع كلامه واذلف علي بيتنا بدال ماييني كف يطيرني له.. وطلعت بسرعه البرق)
|
جعلاني فعال
غير متواجد
|
><><><><><><><><><><><><><><><><><>< ><><><><><>< ><><>< فتحت عيوني شوي شوي، الغرفه كلها هاديه مافيها صوت غير صوت أنفاسي وانفاسه.. آ آآآه أحس جسمي كله متكسر.. انقلبت لصوب الثاني شفته غاط فسابع نومه..تأملت ملامحه الحاده الجذابه للحظات وأني اتذكر الي صار بارحه . . . . . . "خلصت صلاتي والدموع اربع اربع...معرفني خايفه علي عمري ولأ عليه.. (فجأه)سمعت صوت مفاتيح علي باب الشقه..روحت ركض ووقفت جدام الباب حرسته يفتح واشوفه بعد هالساعات.. حسيت أنه المنقذ الوحيد لي بعد ساعات الخوف الي عشتها.. حسيت أني محتاجه افرغ عن الي بنفسي لأحد "يـــــارب يكون هو! يارب يـــــكـــــون هــــــــــو! " وأخيرا انفتح الباب بهدوء ودخل بخطوات كلها شموخ وهيبه وهدوء طغا ع المكان..وهو حاط التيلفون علي صماخه. "بعد كل هالوقت الي قضيته معهم! مشبعت منهم؟" قلتها بغيظ وحراره شابه فقلبي..والدموع بدت تتجمع بعيوني بس حاولت احبسهن ولأ ابين له أني خايفه مندونه.. بس والله يقهر كل اذيه الوقت واني احرسه وخايفه ومشي عن اذوب من الخوف ،، وحضرته حتى وهو داخل يكلم ربعه.. كني مب مهمه عنده، بالطقاق الي يطقني علي قولتهم.. راشد انصدم بشكلي ونزل تيلفون شوي شوي وبنده.. تشوف عليه بنظرات تساؤل وخوف بان بعيوني.. قفل الباب ،، (ونطق بعد لحظات صمت): أحلام؟ صاير شي؟ أنتي تعبانه؟ حاولت أخلي صوتي أكثر ثقه وثبات: يعني مخليني وحدي فالفندق لين ساعه خمس وبعدك تقول صاير شي؟ ادقلك وادقلك وادقلك ولا ترد وفالأخير..تقول صاير شي؟ أنته معندك مسؤوليه.. إذا ماهمك أحيا ولأ اموت ليش خذتني من بيت هلي؟ كان هناك.......... (تجدم صوبي وحط ايده علي ثمي..وقال بهدوء غامض): أني مروحت اتسلي عنك.. كان شغل ضروري..وبعدين انتي مادقيتي واني مارديت عليك.. كان تيلفوني مبند ويوم لقيت منك وينك حاولت اتصل فيك بس تيلفونك مبند.. (بعدت ايده عني..وضربته علي صدره بخفه..وبدت دموعي تنزل شوي شوي): وأن شاء الله مييتني ركض.. " تشوف عليه وابتسم ابتسامه جذابه تـــــذبــــــــــح..بس اني بادلته بعصبيه حاده": اها ضحك ضحك تراك قلتها يعجبك يوم اعصب.. بس الغلط مني الي جالسه احرسك ومـــ....... (مجدرت اكمل..لأني دخلت فنوبة بكاء من العيار الثقيل بس حتى البكى ماجدرت أكمله لأنه راشد فاجأني بحركته.. مد ايدينه بسرعه وحضن وجهي بين كفيه..وهمسلي بهدوء وعينه بعيني): تبكي؟ الحلم لاتبكي...ماتعودت منك كل هالضعف مسحت دموعي بظهر كفي: ليش أني مب انسانه؟ مب انسانه لها مشاعر وأحاسيس؟ ولأ حضرتك تباني أكون جماد ولا انطق بحرف؟ سحبني وجلسني قباله ع الكنبه: ألحين أنتي ليش شاكه بقيمتك عندي؟ ابا افهــــم؟؟؟ اني مقصر معك بشي عشان يكون عندك هالأحساس؟؟ (كنت بقول له اها..مقصر وايد مقصر في انك تحسسني بهالقيمه الي تقول عنها.. مقصر من صوب مشاعري وقلبي.. أني منكر أنه سالم ماغاب عن عقل ولأ يوم! بس كله بسببه حسسني أني محتاجه لأحضان ادفئ من أحضانه.. حسسني أني غلطت يوم قلت لازم انسى سالم واحط راشد مكانه.. حسسني أني غلطت بكل شي ~بعدم مصارحتي لشيخه، بموافقتي عليه،بقربي منه~ غلطت بكل شي...كل شي ) (بس شي غريب..شي من داخلي قالي* لا..راشد مايستاهل تجرحيه بهالطريقه*) وبسرعه هزيت له رأسي بلا وثرت واقفه ابا اهرب من جدامه لأنه خلاص ماأجدر اتحكم فأعصابي..شويه وبنهار.. راشد ثار واقف بسرعه..ومسك كتوفي وقال بصوت كل حب وولع وتطيب خاطر: لاتهرب مني..ترا مالك حد يشل همومك غير هالصدر (ومد ايدينه لظهري وحضني... فذيك اللحظه صار ويهي احمر، ودمي وقف بعروقي، ودموعي نشفت.. حسيت عمري غبيه يوم بكيت جدامه، بس قلت لا ياأحلام لاتندمي! لأنه موقف مثل أذيه يي من عند راشد بسنه حسنه..<استغليه..عادي هذا ريلك> معرف من هين ياتني الجرأه ومديت ايديني وطوقت رقبته، خذت نفس وهمست بصماخه اليمين: الله لايحرمني منك ) صراحه لين ألحين أحس ويهي شاب حراره من الأحراج:*وييه ياأحلام لو ثار ألحين هيش بيقول؟!، صدق أني قليلة ادب ماصدقت لانلي(رخت أعصابه) إلا نشبت بصدره..مــــــالــــــت لا لا لا مااجدر اواجه صراحه..يبالي اروح بيتنا اقعدلي شهر لين انسى..واتأقلم (بدت دموعي تنزل لما تذكرت بيتنا..) ياالله ابا أمــــي..ابا أحكيلها وابا اريح قلبي الي ماوقف شغل من بارحه..كله يدق يدق كنه مهندس خخخ* سحبت عمري ونزلت من الكرفايه صوب الحمام وأني اتمتم: يصلط ع أبليسك ياراشد طلعت رومانسي وأني معرف.. ><><><><><><><><><><><><><><><><><><><>< ><><><>< بعيد عن عمان واجوائها الي سحرته.. عمان أمه الثانيه.. ..عمره ماكان وجعه بفراق امه الحقيقيه اشد من وجعه بفراق ارضه ووطنهـ.. كان كل مايحس بالحزن والأختناق طلع صوبها صوب عمان الحبيبه...كان يحس بأنه هواها صافي ونقي.. يبرد قلبه الطيب.. كان شوقه لرجعته لها ولترابها يزداد سنه بعد سنه.. ماطاف رمضان إلا وكانت اول صلاة تراويح له فيها ولاطاف عليه عيد إلا جاء وعيد عليها.. 11سنه ولأ مر عليه أسبوع مندون مايكحل عيونه بشوف ترابها.. 11سنه ولأ مر عليه أسبوع مندون مايشم هواها.. 11سنه ولأ مر عليه يوم من دون مايحلم برجعته لأرضها.. <عمان> كانت كل شي بنسبه له..كل شي يحس عمره غريب على هالبلاد الي سكن فيها 11سنه..يحس عمره جسد بلا روح وهو بعيد عن بلاده الي نولد فيها.. . . . . . . انحنى على بنته الي صارله ساعه يحاول يسكتها وهي مو راضيه..وقبل يبهتها.. ماينكر أنه فهالعشر شهور طلعت له نخل فوق رأسه ~ بس هي يتيمة ولازم يتحملها لأنه مالها غيره..~ وخصوصا انه هو أكثر واحد حاس كيف يكون الأنسان بلا أم وهو صغير..!! كيف يتعتطش هالصغير لأحضان أمه الدافيه ومايلقى الي يروي عطشه! . . . "عذراء حبيبتي خلاص..خلاص بابا يننتيني ماعرف وش تبين..! أكل وعطيتج..ولعب ولاعبتج شو تبي بعد؟؟ " عذراء مازالت مستمره فالبكي الي حرق قلبه عليها.. (طفله مثل الملك تطلع على هالدنيا تلاقي أمها ميته وهي تولد فيها.. وتلاقي أب صغير عمره ماصار 28 يتحمل كل مسؤوليتها.. يطلع صبح الدوام، يرد الظهر هلكان يلاقيها قايمه وشايله الدنيا فوق رأسها من البكي، رغم انه فذيك اللحظه يكون محتاج لراحه ونوم.. بس ماكان يكلف ع مرت ابوه يأخذ بنته منها مندون مايتغدا ويطلع بها لغرفته..لتبدأ معاناته اليوميه معها.. لين تنام ع كتفه جريب العصر.. يحاول بعدها ينام دقيقتين ثلاث إلا يناديه ابوه عسب ينزل معه العزبه وهناك يتحمل غثا الشواب غصبا عنه.. "رغم تعبه وارهاقه بس عمره ماقال لأبوه لا" عكس أخوانه تمــــــــامــــا.. -أخوانه الي مايتوانون عن قول لا أحنا تعبانين ونبي نرتاح.. لا مانبي كذا ولا راح نسوي كذا..- ليرجع بالليل يلاقي الأزعاج اليومي بأنتظاره.. رغم أنه أيامه ماتخلا من الشغل والتعب..بس هالشي ماأنساه انه يسحب لنفسه ساعات فيهم يكحل عيونه بشوفت وطنه) ^ ^ ^ ^ ^ ^ ^ تحت فالصاله تدخل ركض وترمي شنطتها ع جنب وهي تصرخ: يمه لحقيني خلود بيقتلني.."وبسرعه تخبت ورا امها الي حطت الدله من ايدها وهي تصرخ بعصبيه": خويلد شو تبا بأختك؟؟ يقطع عمر عدوينك ماتيوز عن سوالفك انت؟ خالد يأشر بأيده: مايه سأليها شو قالت قبل..بعدين حرجي عليه! ام هيثم تلتفت لبنتها: شو مسويه يامسودة الويه؟؟ سولاف ببراءه: ماسويت شي..بس قلت له شو جابك أنت الجامعه لأني كنت أنتظر صقور يجيني.. خالد يحاول يود شعرها من ورا أمه: جذابه.. لاتجذبي على أمي.. مو أنتي الي قلتي "يقلد صوتها" أنا كنت أنتظر الوسيم شو يابك للجامعه ياشيفه..؟ "يوجه كلامه لأمه وهو يمسح وجه بكفه" مايه ألحين أنا شيفه؟؟ أم هيثم تلتفت لسولاف: سولافوه وش هالكلام الخايس الي تقولينه لأخوج؟؟..عيب عليج يابنت بطني! سولاف تبعد عن أمها: أنا ماقلت ألا صدق.. والله ياميه ماياتني الشهره بالجامعه إلا بعد ماشافو البنات صقر أخوي...(وهي ترقص حواجبها)فــــديته معذب قلوب العذارى.. خالد يرمي ثقل جسم ع الكنبه: مالت عليج أنتي ورفيجاتج.. انا ابا افهم بنات هالزمان شو يبون بواحد مستعمل..؟! عندهم انا يديد بقراطيسي..فديتني سولاف تأشر بأيدها بحالميه: حبيبي البنات مايبون واحد خبل مثلك..يبون واحد حليــــوو وثجيــــل ونــــاضــــج مثل صقور.. (وصلهم صوته الرجولي والعذاب..وهو نازل من فوق وشايل بنته ع ذراعه): وش فيه صقور؟ (وصلهم) ابا افهم انتو ماعندكم أحد تحشون فيه غيري؟؟ سولاف تفتح ذراعيها له: فــــديــــت خوي،، ولد حــــلال.. (بعدت شوي عسب تترك له مسافه بينها وبين أمها) تعال فديت روحك اجلس حذالي... (جلس حذالها وحط عذراء ع فخذها وهو يأخذ له نفس عميق): اوووف خذي بنت اخوج القشرا ، تعبت وانا احاول اسكتها.. جربي حظج وياها يمكن تصخ! هههه خالد: بنتك هذي مستحيل تسكت بالعه راديو.. أم هيثم تضربه ع رأسه من ورا: أذكر الله..لاتنضل الياهل! صقر بخوف: بسم بالله عليها.. إلا وأنت صادج البنت مب بالعه راديو ع قولتك..البنت طالعه على عمها الأثول خالد بفخر: ألها الشرف والله! صقر يلتفت على سولاف: ماقلتيلي شو كنتي تقولين عني..؟ خالد يمسح ذقنه: تقول سواد وجها..بس انا براويها..دوها عندي سولاف وهي تأشر بأيدها ع كل جزء تتكلم عنه بوجه صقر: وأنا ماقلت غير صدج.. هالعيون العسليه الكحيله.. وهالخشم كنه حد السيف وهالشعر الكثيف الأسود ولا و بعد ازيدك من شعر بيت هالبياض الغاوي.. بالله عليك يتقارن بك أنت؟؟ (قالت بقرف) و يا رأسك الي كنه تاير سياره هههه خالد بعصبيه مصطنعه: طيب طيب..كله مسجل بالحساب مدام سولاف.. عيل انا تقارنيني بهالشامي؟ يصير خير يصير خير ياسولافوه أم هيثم: خلود تهدد بنتي جدامي؟؟ قم قم ضف ويهك وروح حجرتك لابارك الله فيك.. (باللحظه الي قام فيها خالد واقف..دخل هيثم وشماغه ع كتفه ووجه معفوس كنه حلت عليه مصيبه) : السلام عليكم ...: وعليكم السلام ورحمه خالد: شرف الأخ..(يكلم هيثم) اقول أنت مأخذ اجازه عسب تشتغل دريول عند ام راسين؟ هيثم بعصبيه: حط لسانك بحلجك لأ يجيك كف يعدل لك هالمخ الكحيان خالد عقد حواجبه: أشفيكم علي؟ أحد قالكم أني كبش الفدا لهالعايله كلن يحط حرته فيه.. (وهو يطلع الدرج) عايله غريبه أم هيثم بحنان: يمه هيثم شو بلاك؟؟؟ حالك مايعجب أحد هيثم: سلامتج يمه شوية ارهاق بس (والتفت على صقر الي كان يسأل سولاف عن دراستها) صقور صقر التفت صوبه: آمــــر هيثم: مايآمر عليك عدو... بغيتك بكلمة رأس فديتك صقر: أن شاء الله.. أنت روح بدل وأنا بجيك بعد شوي هيثم : مالي خلق ابدل! تعال نروح غرفتي (صقر ترك بنته عند سولاف وطلع عند أخوه فوق) سولاف: ماماتي أشعنده هثوم؟ كل شوي صقور تعال صقور تعال.. أم هيثم تهز كتفها: والله مادري عنهم..تعرفيهم كل واحد سره عند الثاني كالعاده سولاف: خاطري أعرف شو عندهم.. (بخيبة أمل) بس مستحيل صقر يقولي تدري يمه انا ماشفت فحياتي أحد يحب هثوم كثر صقر .~. صرت أشك أنه يعزه أكثر مما تعزه زهره ><><><><><><><><><><><><><><><><><><><><><><><><><><><><><><><><><><>
|
جعلاني فعال
غير متواجد
|
توقعاتكم
عن الشخصيات اليديده... صقر و...... والعاشق اليديد؟؟؟؟ ومن هي الانسانه الي استملكت كيانه؟؟؟؟؟؟ تريونــــــــــــــــــ/////ـــــــــــــــــــــي
|
عضو شرف
غير متواجد
|
دار راسي تلخبطت
ههههههههههه قبل احلام تزوجت راشد والبارت اللي عقبه بعدها م تزوجت والبارت اللي عقبهن كانت متزوجه شكلي بعيد الروايه علشان افهم الغلا موفقه واهم شي دراستك برايه حن بنحرس ما ورانا شي
|
خَ'ـفـآيآ آلـ ـرُّـوـح |
مشاهدة ملفه الشخصي |
إرسال رسالة خاصة إلى خَ'ـفـآيآ آلـ ـرُّـوـح |
البحث عن كل مشاركات خَ'ـفـآيآ آلـ ـرُّـوـح |
عضو شرف
غير متواجد
|
هموسه الغلا عيدي على الجزء السابع واللي عقبه وفهميني السالفه
قبل معرفنا كيف تزوجت احلام وكيف كان عرس شيخه مب موضحه حسبتك بتتكلمي عنه عقب بس من التكمله واضح انه في جزء ناقص على حسب ما قريت وفهمت
|
خَ'ـفـآيآ آلـ ـرُّـوـح |
مشاهدة ملفه الشخصي |
إرسال رسالة خاصة إلى خَ'ـفـآيآ آلـ ـرُّـوـح |
البحث عن كل مشاركات خَ'ـفـآيآ آلـ ـرُّـوـح |
جعلاني فعال
غير متواجد
|
ههههههههههههه حبيبتي الجزء السابع هو عبارة عن رجوع بالذكريات لما قبل الزواج
يعني القصة فيها الانتقال فالزمن بين جدام و وراء فهمتي كيف؟؟؟ شكرا على المتابعة
|
عضو شرف
غير متواجد
|
هلا فيك والله ومرحب
ايوه الحين فهمت نتريا التكمله
|
خَ'ـفـآيآ آلـ ـرُّـوـح |
مشاهدة ملفه الشخصي |
إرسال رسالة خاصة إلى خَ'ـفـآيآ آلـ ـرُّـوـح |
البحث عن كل مشاركات خَ'ـفـآيآ آلـ ـرُّـوـح |
جعلاني فعال
غير متواجد
|
شكرا ع المتابعه
تريوني.....
|
انواع عرض الموضوع |
العرض العادي |
الانتقال إلى العرض المتطور |
الانتقال إلى العرض الشجري |
|
|