السلام عليكم ورحمة الله وبركاته

كنت نايمه.. وبعالم الأحلام هايمه..
مادري في شو كنت أحلم
مره احس اني اسوق سياره..
ومره اقول كنت مضيفه طياره..
كان الجو بارد..
وكنت متغطيه وشارده..
رن التلفون
وقلت ياترى من يكون؟؟
هذا المزعج هل هو صديق ولا مزيون..
هل هو عاقل ولا مجنون؟؟
رديت عليه وانا كلي شك وظنون!!
وبـرقه بعد ماكنت عصبي انا انسان حنون..
سمعت صوت ماتوقعته.. :
ولا في خيالي تخيلته..
ولا حتى بحلمي سمعته..
ولد.. <<
قلت هلا
وقال اهلين..
محمد موجود؟؟
قلت وأنا صوتي رايحه فيها..
لحظه شوي بناديه..
وجلست أصوت واقول محمد .. يامن محمد يلاقيه..
ورديت للسماعه وقلت مادري وين راح الله يهديه..
بس دقيقة ماعندنا محمد!!
وبادر الولد خوف!!
قال آسف غلطان..
قلت ولا يهمك عادي لا تكون زعلان؟؟
مايهم اذا ماعندنا بالاسم فلان..
وقال شكلك كنت نايم..
قلت لا.. توني قايمه..
قال تدرسي ؟؟

قلت الدراسه خلاص باح..
انته شكلك تدرس؟؟
كيف اختباراتك ؟؟ عسى أنكم مرتاحين..
قال باقي لنا ونخلص يومين
وخايف والله من مادتين..
قلت من الاختبارات لآ تخاف..
دامك الليل تذاكر..
وعلى الله تعتمد..
واللي يزرع جح ( بطيخ ) ما يحصد يقطين..
أهم شي انك ماتنسى..
قبل الاختبار الله تدعي..
ومن إبليس تتعوذ..
خلقه من نار وخلقنا من طين.. وجلسنا نسولف في أمور..
من شو اسمك الين غلاء المهور..
قال اسمي (جلال) وقلت له انا نوال..
وقال صدفه غريبه اسامينا ما فيها حرف الدال..
وجلسنا نسولف في بحور الشعر والموال..
وماهمنا كلام الناس والعذال..
وفجاءة خلصت السوالف ولا لقينا اللي ينقال؟؟
وسكتنا..
وبدلع..قال أنت تشجعي النصر؟؟
قلت في قلبي.. مادري أجاوبك بكف ولا بنعال..
بالله عليك هذا سؤال؟؟
قلت أنا هلالي.. وما يهمني القيل والقال.. <<<< احلى

هذا حبه طاح في القلب ولا ينشال..
وال مايغطيه مشخال..
قال شمعنى الهلال!!..
قلت يا ولد.. الهلال فن ولعب ويفوز باللي حضر..
وجمهوره له كلمة وامر..
ياولد..لا تغريني بالكثير..
لو تضرب مليون بصفر تساوي صفر.. <<<< احم
و حتشرنا وشبينا.. بس بسرعه انطفينا..
الظاهر بعضنا هوينا..
وبدرب الحب ابتدينا..
قال.. نوال..
قلت آمر يا جلال..
قال اوصف لي شكلك..
هذا وين توهقنا..
شوف العرب لونهم واحد
ولسانهم واحد.. واحلف بالله ولا غيره أحد
أني ماني طويله ولا قصير..
شعري ناعم مثل الحرير..
قال والعيون..
قلت العيون شبرين في ثلاثه اشبار
قال اسد..
قلت شكرا يا احلى شهد
المهم ان تواعدنا..
والموعد باجك في المول قررنا..
بين خوف وامل تواعدنا..
وقضيت ليلتي في حيرة..
وش البس؟؟ جنز ولا جلابيه والله حيرة..
مافي غيرها يفك الحيرة.. شيشه و تعميرة..
ورجعت للبيت اعاتب امسي وابتسم لغدي..
وبصعوبة
نمت.. قعدت اتقلب وون..
يا قلبي قلي شو اللي من الحب اهون؟؟
غريبه هالدنيا غريبة..
وراحت ليلتي.. وزادت بلوتي..
اليوم موعدي.. انا والحب بنلتقي..
وكشخت
لبست فوق راسي لحافي..
في مكان اللقاء تغيرت حتى خطوتي..
صرت ارتجف واترنح بمشيتي..
كائني انساق للموت وهاذي نهايتي..
مب سوالف شجاعة.. هذي اكبر بطولاتي..
ايذا خسرت بتضيع احلى امنياتي..
جلست ادور والف وحول المكان اطوف..
وين هذيك العين اللي عليها قلبي ملهوف..
جلال؟؟ ياليت الناس تجي وتشوف..
وفجاءة..
وصلني مسج..
يقول..
سويتها فيك
ردي بيتكم وخل عنك هسوالف ياتـعبانه
روحي نامي ..
تعيشي وتاكلي غيرها
و سويتها فيك ..
الوالده
هههههههههه ههههههه فنانه يا شباب والبنات تعيشن وتأكلن غيرها


((عاشق تطفير البنات))