أولا : دروس الترقيم
* الخطط القديمة : تقط رقم النقال او البيت
* الخطط الحديثه : توري البنت ان عندك نقال .. وتعطيها رقم البيجر
ولو حصل نصيب .. وسألتك ليش ما عطيتني رقم نقالك من البدايه قولها : احتياط ياقلبي مابي اهلج يشكون فيج وغير جذي رقم البيجر مايطلع اذا سوو برنت
"شفتوا شلون من بدايتها .. تكبر في عينها .. والي يبي شي يتحمل !!"

===

ثانيا : المغازلات

* فرضا البنت اعطتك ويه وكلمتها وكملتك شنو تسوي وشنو تقول ؟؟
راح اوريكم بعض الأسئلة والأجوبه...
===

سؤال : من مطربك المفضل ؟

الإجابه القديمه : محمد عبده ، راشد الماجد ، خالد عبد الرحمن .
الإجابه الحديثه : والله ياعيوني كل المطربين صاروا مثل بعض ولا في أحد متميز ..
بس اذا بغيت أسمع .. أسمع لـ ( سلين ديون ) و ( جورج مايكل ) و ( بارفآروتي )
" ترى هذا الأخير مطرب شعبي عندهم حق حفلات وعروس واوبرا . "
===

سؤال : هل تحب الشعر ؟

الإجابة القديمة : إيه أكيـــــــــد .
الإجابة الحديثه : بعد خالد الفيصل ونزار قباني وايليا ابو ماضي مابعدهم في شي اسمه شعر
" حلووووووه إليا أبو ماضي تصدقون ترى ما اعرف اهو ريال وله حرمه"
===

سؤال : وين تدرس ؟

الإجابة القديمة : كلية العلوم الإداريه ، كلية الحاسب .
الإجابة الحديثه : والله انا تخرجت .. وجايتني بعثه أدرس في ناسا بس متأجله علشان المشاكل
بين كوبا وامريكا والنجم اللي أبي ادرسه بالضبط بالضبط فوق سماء كوبا .. ومنتظر يحلون المشكله
* بتقولك : وانا بعد كان ودي أدرس النجوم ، طبعا اسمع من هني وطلع من هني كل شي ودهم يدرسونه
"تفلسف عليها بدورك وقول لها بإمكانك ياعمري تدرسين .. تو الفرصة مافاتتج .. خلك منتهاها .;>"
===

سؤال : شنو تحب تسوي بوقت الفراغ ؟

الإجابة القديمة : أطلع كشتات مع الشباب العب كورة ، كمبيوتر وانترنت .
الإجابة الحديثه : أطلع أخيم في البر ولا الصحراء وأصيد
"احلى شي الصيد ماشي سوقه .. تمام التمام كلّ صار يصيد
لا والصيد له ميزة ثانيه ان البنات ما يعرفون عنه شي يعني خذ راحتك وانصب على كيفك .. بس لا تبالغ وتقول صدت آخر مرة اسد وتخربها .. قول شي موجود بعمان"
===

سؤال : وين تسافر ؟

الإجابة القديمة : الصيف اوربا ولا امريكا ، الأعياد بيروت ولا القاهره ، غلط غلط بتقول لك : شرايك نتقابل هناك بتصك عليك
الإجابة الحديثه : الصيف روسيا عند ولد خالتي في السفارة هناك ونستأجر كوخ في غابات الصنوبر وفي اجازات الاعايد اروح الصين ولا هولندا
ولا جزر لانجرهانز ( هذي ترى في البنكرياس ) اي شي مشي عمرك حبيبي
"أنا عارفك حدّك ديسكوات سوريا في الصيف ترقص في الحفلات وفي الاعياد دبي البحرين وترد لنا نص صاحي"
===

س: هل عرفت بنات قبلي ؟

الإجابة القديمة : إيه وما صار نصيب افترقنا ، غلط غلط لا تقول هالجملة انتهت .
الإجابة الحديثه : اسمحي لي .. لكل انسان ماضي ، وكل ما شميت ريحة هالسؤال تألم وتنهد تنهيده قويه مثل أم كلثوم في انتي عمري
"ولا تسألها هالسؤال لأنك بتسمع إجابة ملفقه فاختصر على نفسك الوقت وانطم ودش بموضوع ثاني خلك زقرتي ودوخها بالأسئله"
===
سؤال : هل تقبل الزواج من بنت لها علاااقه ؟

هالسؤال هو اللي يكسر الظهر .. صج ياما شباب مثل العسل راحو وطي بسبب هالسؤال ولكن عندي الحل خخخ
الإجابه : اولا خلك هادي .. وشم شوية هوا وقول الي بقولك اياه بالحرف الواحد :" حياة كل انسان هي ملك له ! احنا ما نقدر نحاسب الناس على ماضيهم لأن كل منا له ماضي "، الحين يابطل شم هوا مره ثانيه وقول " اللي اطلبه من شريكة حياتي ان تكون مخلصة لي وتحبني لأني بكل ما اقدر بأكون مخلص لها ومحافظ عليها ولو ما قدرت تحبني اتمنى انها قولي "

ملاحظة : يمكنكم كتابة هالكلمتين في ورقة للي ما يحفظون زين ترى هالجمل تساوي وزنك ذهب .. ومجربه

* راح تقولك البنت بكل ذهول : ياااااااي ياليت كل الناس مثلك ، ولو ماقالتها لك اصبر ولا تتكلم ولو جابتلك طاري مجتمعات وتقاليد هنا :
كح ـ اعطس ـ اشرق ـ سو أي شي سوه يفكك من الموضوع نياهاهاهاهاهاها