إذا ناوي... - الصفحة 2



بسم الله الرحمن الرحيم

السلام عليكم ورحمة الله وبركاته

بعض القلوب تتعمد أن تلوّح بجرح الهجران وتهدد بالرحيل ، ظنا ً منها أن مثل هذه الأساليب قد تنفع مع الجميع ، ولكنها بإختصار لا تنفع معي...

إذا ناوي

إذا ناوي علـــــــى هجري ، نصيحه لاتسويها

أنا من أركب عنــــــــــــــادي ، أخرّبها..أخربها

بزلزلها على راســــــك وأجيب أعلاها واطيها

وأخلي دمعة عيونك أسيره فــــــــــي لهايبها

أنا ماني جبـــــــــــان ، وكلمة المنطق أبدّيها

وأكاذيب الحكي جـــــــــــــدام صاحبها أكذّبها

أجي واثق ولا أندم علــــــــــى حاجه أسويها

ولا ألعب أبد لعبه ، إذا مــــــــــــاكنت كاسبها

ولو هـ الدنيا تتحدى ، أنـــــــــــــا أقبل تحدّيها

بسيّرها علـــــــــى كيفي ، وألاعبها وأدعابها

نعم أقدر علـــــى كيفي ورغبـــــاتي أمشّيها

حشى ماتلوي ذراعي ، وربـــــــي راح أغلّبها

أبد لاتتبع ظنونك وتغرق فــــــــــــــــي أمانيها

قبل لا تركب براسك ، تعوّذ منهـــــــــا وإركبها

تعال وشوف بعيونك قبـــــــل لا الشك يعميها

وش مسوي غرامك في أحاسيس(ن) معذّبها

عطيتك بالوفا قلبي وهذي عــــــــــــــاد تاليها

تبي تبعد وتتركني ، وعشرتنــــــــــــــا تجنّبها

كثير قلوب أهدتني قبــــــــــــــل قلبك تجافيها

ولا أثّر تجافيها علــــــــــــــــى قلب(ن) مذوّبها

عيوني ماهي اللـــــــــــي تنتحب لاراح غاليها

وأوجاعي ترى صدك ، حبيبي مــــــاهو أصعبها

على كثر الجروح اللي تجـــــــي منك وأعدّيها

أبي تجلس مــع إحساسك وتذكرها وتحسبها

بعدها لــــــــــــو تبي تهجر ، عليك الله سوّيها

مدامك راكب عنادك ، أنا نــــــــــــــاوي أخرّبها

أحمد العلوي

للإستماع للقصيدة إضغط على الرابط
http://up.ftahilah.com/up//uploads/be8a84c6bf.mp3

لتحميل الأبيات أضغط على الرابط
http://up.ftahilah.com/up//download....ba49b0585b.mp3