المشاركة الأصلية كتبت بواسطة Oooجعـــلانيه طـــرOooo اكييييييييييد المهرررررررررررررررر مايييييحدد قيمة الفتاه وولوو كان يحدد جان مهوور بناااااااااات الرسوول وزوجاته من أغلى المهووووووووررر والمهرررر اصلن يحدد قوامة الررجل على المررااءة فقط ويااماا في نااس من عهد الرسوول تزوجووا بماا يحفظوون من القررااءن

كلام راااائع اختيـ جعلانيه طرر

اقلـ المهوووور اكثرهن بركه
بس احنا معنا لا الفخر والشياكه المظاهر اهم شي عدنا


تسلمـ المنصوووور

والله بصراحه لااااااااااااااااا
واتمنى من البنات والأهالي يقتدون بالحبيب المصطفى
يسلمووووووو المنصور عالموضوع الفنان

لالالالا فرسول _صلى الله عليه وسلم قال_اقلهنا مهرا اكثرهن بركه
وشكرا

حبيت اشارككم


اذا الريال من البداية ماقدر يصرف على البنت اللي يباها او اللي اختارها .. كيف راح تكمل حياتها البنت مع هالريال ,, "اللي اقصده من الناحية الاقتصادية
هذا تفكير ابائنــا واهالينــا ..

والسبب انهم يخافون على بناتهم ,, ويبون يزوجون بنتهم للريال الكفؤ اللي يقدر يتحمل مصاريف الحرمة والبيت والعيال في المستقبل

يعني يكون مجرد اختبار , , والبيزات طبعا مما بتدخل في جيب امها او ابوها ,,
طبعا راح تكون في جيبها ,, يعني هيه اللي راح تصرف البيزات في الزهبة ولوازمها

امم ,, انا ماقول اني ضد او مع هالشي ,,
ضد.. ان المهر يكون زيادة عن حده لدرجة ان الريال ييعجز انه ييب بيزات المهر..ويفقد الامل
مع ,, ان البنت لازم ياخذها واحد مستعد يستحمل مصاريفها ومصاريف عيالها ولوازم البيت

وفي النهاية ,, اذا الريال ماشالله عليه خلق واخلاق ,, اكيد الاهالي مستحيل يضيعون على بنتهم هالفرصة ,,,


مادري شو اقول ,, بس احس اني تفلسفت وايد
هذا رايي وتقبلوه

تسلم المنصور على طرح الموضوع

مثل ما قال الرسول صلى الله عليه وسلم فالحديث (اقلهن مهورا اكثرهن بركة) في معنى الحديث

فانه المهر ما يدل على قيمة البنت

بس للاسف في ناس وايد قليلة عقل تفكر هالتفكير كل ما كان المهر كبير كل ما كانت البنت اغلى وافضل من بنت ثانية

ومثل ما طرح فالموضوع انه ممكن البعض يعتقد ان الريال بيزيد احترامه للبنت واهتمامه بها على اسا انه دافع لها مهر وايد

فانا اشوف العكس
احس ان الريال ممكن ياخذ فباله على هيش مغلية نفسها او ممكن ياخذها نقطة انه يفرض نفسه عليها على اساس انه دافع لها مهر كبير فهذا يعطيه الحق انه يتسلط عليها


وفالنهاية الامر بايد الاهل وكلن يتصرف حسب عقليته

التعليق عالموضوع:
كل ما انقال من تعليقات صحيح واتفق فيه بس ليش ما نتكلم بالواقع اللي نحن عايشينه؟
سؤالي للفتيات: من فيكن بهالوقت بترضى تعرس بلا ملابس عرس آخر موضه او مجوهرات وبدون حفلة تلبيس دبله وبدون حفلة زفاف وبتصدى لكلام الناس وربيعاتها؟ بالذمة تتوقعوا هالشغلات والحفلات ما تبا مصاريف؟
انا من مؤيدي المهر القليل لي ما غيرت فكرتي مره بسبب كان فيه عرس لحد من الاهل وكنت اقترح عليهم لا يطلبوا مهر كبير ولقيت معارضه شديدة من الاهل، عموما صار المهر 4500ريال لا بعد وتكاليف الحفل عالمعرس . لمن بلشوا فمشتريات العرس خلص المهر وهمه موب ملحقين. ف يات الوالده طول الله بعمرها قالت تعال انت الحين كمل اللي ناقص وبالفعل هذا اللي صار.
ف ياجماعة الخير الدهر تغير والغلاء اصبح بكل شي وسلوك الناس تغير ولا بد ناخذ هالشي بالحسبان.
عذراً عالاطاله بس باقي شوي:
اقتراحي بأن يكون المهر قليل (وطبعا لابد تكون فيه قناعه عند كل الاطراف والمجتمع) والمؤخر اكبر!!! ليش؟
عشان لو الريال فكر يستخف بمراته يحسب الف حساب للجبل اللي وراها وبنفس الوقت هالمؤخر الكبير راح يكون كمعيل للمراة لو صار اي انفصال
ولو المرأة اهي اللي تتمرد على الريل وتبا منه الانفصال تتنازل عن الجبل اللي تملكه وتطلع من المولد بلا حمص.

بجووول رايي الشخصي بهالموضوع,,,,,,,,,
ابصرررااااحه المهر مايحدد مكانة المراه ولا جميتهاا ولاشي
المهر طبعا يختلف من مكااانه لمكان
يااامااا في بنااات سنعااات وذات جمااال وحسب ونسب بس مهروهن مب غاليه ذلك بسب ااعتااايد الاهالي او اهل القريه على سعر محدد ويلتزم فيه كل اهل ذي القريه
وطبعاا اقلهن مهراا اكثرهن بركه............ودمتم سااالميييين

موضوع من الواقع ويستحق المناقشه...
طبعا البنت ماهي سلعه ولا سياره تقدر قيمتها وقدرها بالفلوس اللي تندفع لها!!
يعني السياره كل مازاد سعرها بتعرف ان فيها مميزات زياده على اللي اقل منها وكل مازادت فيها قطعه زاد سعرها..لكن البنت اولا واخيرا يقيمها دينها واخلاقها
ومن ناحيه الاحترام اني احس ان الشاب اللي بيدفع دم قلبه وبيتسلف عشان يكمل مهر البنت مابتدوم رغبته فيها يعني بعد كم شهر او كم سنه وهو يتعذب بالدين اللي على راسه بيكره السبب اللي خلاه يتسلف....وفالمقابل لو كان المهر بسيط او خلنا نقوول مناسب لحاله هو وكان قادر عليه ومهر مب مبالغ فيه بيحترمها اكثر ومابيكون هناك هم اكبر عنه يحاتيه كل يوم وبيعيش ليومه ومستقبله ومستقبلها وعيالهم بس..
وبعدين مثل ماقالت جعلانيه طر لو المهر يساوي قدرها كان زوجات الرسول عليه الصلاه والسلام وزوجات اصحابه يستاهلن الدنيا بكبرها...
ومن الواقع اللي نعيشه..بنات الظاهره واظن ظفار بعد مهورهن خياليه و مهور بنات الشرقيه ماتساوي شي قدامهن مع ان الصراحه ان البنت اللي تتغطى اظن اغلى من اللي كاشفه وهذا مجرد مثال ولا حد يزعل مني ادري كل له عاداته وتقاليده..
وبالنسبه لكلام التفاحه...صحيح الواقع غير بس مادام حن نمثل الشباب والشابات حلو نسمع اراء بعض لعل وعسى (كلمه ينفع الله بها احدهم)..
وفي النهايه اقول الكلمه للاهل ومستحيل البنت تناقش وتطلب حق اقل او اكثر.... ويمكن يكون غلاء الاسعار سبب من الاسباب اللي تخلي الاهل يطلبو مهر كبير وبعدين البنت يعطوها مهرها ونصه اذا مب كله يروح فالذهب حتى لو كان بسيط..بس ارجع واقول لازم نقدر حاله الريال ولا نكلفه اذا يقدر كان بها واذا مايقدر (فمن ترك شئ لله عوضه الله خيرا منه)

والسمووووووووووووووحه على طولت عليـــــــكم ولعلعت واااااااايد...عسى بس تفهمو شي من كلامـــــي!!!

مشكــــــــــــــــــــــــور خوووووي المنصـــــــــــووووور وبـــــــــــــــــــــاركـ الله فيــــــــــــــكـ

شكرا لك ع المرووووووور الطيب

المهر يحدد وما يحدد قيمة البنت كيف يحدد انا الريال رايح يعرف قيمة المراة الي رايح يتزوجها خاصة اذا كان المهر كبير بس احيانا يحتقرها بسب الديون لكن خير الامور وسطها