السلااام عليكم ورحمه الله وبركاتهــ

<< حيااكمـــ

عيايز يالسات يسولفن شوي و يحشن فالناس شوي

تعالوا نسمع سوالفهن:

اقولكم شفتوا ام فلان شو لابسه فالعرس وع اونها متشببه

تبى اتخلي عمرها نفس حليسه (تقصد اليسا).

----------------------------------------------------------

اليوم العصر قلت حق ولدي ودني هذا مالكم شو اسمه يا ربي

ميرنا........مورانو.......ماريو (تقصد المارينا مول) نبى نشتري اغراض خالتك قالت لي حلو(خالته عمرها 22 سنة).

واقولكم يوم وصلت.......المكان زحمة.......المهم دخلت وطلع ما فيه شي كله غالي....
و انا كنت اتحرى بنحصل دلال و وعيان رخيصة بس الي لقيته بس هالسراريح و الشلوع

وردينا على طول البيت و اتصلت حق اختي و هزبتها هزاب الين ما لاعت جبدها.

------------------------------------------------------------

سمعن....ياني ولدي اليوم و قالي الخايس امي ابى اسافر يوم العيد اغير جو ويا ربعي.

قلت له الله يحفظك بس وين بسير..........قالي بسير بانكوك.........جان اعصب عليه و ير له

البرقع و قلت له لو سرت لا انا امك ولا انت ولدي.

عقب اشوي ياني و قالي خلاص امي كله و لا زعلج ما بنسير بانكوك بنسير مكان ثاني.

قلت له وين..............قالي بنسير تايلند............جان اقوله زين احسن من البلاد الخايسة الي

كنت بتسيرها الله يحفظك واذا حصلت قطع و لا

نعال لا تنسى امك انزين غناتي.

..... (( سوالف ترى لاحد يفسرها شي ثاني


هههــــههههههــ والله انهـــــــــــن سوااااااالف

ملطوووووووووووووووووش الموضوع