آمين
تسلمي غرور تطمنيني.
ههههههههه
داخله حرب.

عجلوا اسئلتكم باكر بروح عنكم.

طبعا طارح الاسئلة {مجهول}

1- كم عمرك؟

2- من وين انتي؟

3- حكمة تؤمني بها؟

4- شو رايج بالمنتدى؟

5- شو رايج باعضاء المنتدى؟


شكرا لطارح الاسئلة
ف انتظار المغتربة للاجابة على الاسئلة

انتظر الاسئلة من الاعضاء

الحمدلله على السلامة أخيرا وصلت أول دفعه.
زين لحقتوا علي قبل تنطلق الطايرة.
هع
المهم اذا في اسئلة ثانيه حطوها وان شاء الله برد عليكم اول ما اشوفها.





1- كم عمرك؟
20




2- من وين انتي؟
جعلان بوعلي





3- حكمة تؤمني بها؟
صديقك من يصارحك بأخطائك لا من يجملها ليكسب رضاءك






4- شو رايج بالمنتدى؟
ولا اروع
طبعا في الكثير من المنتديات الارقى والاجمل
بس بالنسبة لي هو منتداي المفضل ولا اشوف منتدى غيره بعيني.






5- شو رايج باعضاء المنتدى؟
ما شاء الله عليهم اعضاء حبوبين طيوبين ما عليهم زود الصراحه.



ان شاء الله وفيت باجوبتي.

انتظر الباقي.

هلا والله بتوأمي

الله يعينج على اللي يايج

طارح الاسئلة (مجهول الهوية)


1- من هو العضو تفرحي لوجوده ...... عضو تحسي واثق من نفسه ..... عضو داخل مزاجج .......


2- ايش رايج بالعادات والتقاليدفي العوائل لمن يقولون فلان لفلانه وهم صغار؟



3- ايش اكثر شيء تخااافي منه؟


4- موقف صار لج ما تنسينه طووول العمر ..؟


5- اذكري موقف طفولي وبعده موجوده في فالذاكرة

شكرا لطارح الاسئلة
ننتظرج غرووبة

1- من هو العضو تفرحي لوجوده ...وايد والله...
عضو تحسي واثق من نفسه ...بيج ويج ويازينها الثقه..
عضو داخل مزاجج ...الكل....


2- ايش رايج بالعادات والتقاليدفي العوائل لمن يقولون فلان لفلانه وهم صغار؟
هههههههههه
صايره معي
الصراحة مالهم الحق كذيه يقولوا
هم شو دراهم بكيف بتكون رغبة اليهال يوم بيكبروا
وشو بتكون الظروف
الانسان ما يعلم الغيب
وراه موت وراه ابتلاءات حوادث وامراض.
وهم جالسين يربطوا مصير اثنين بجهالة.
بصيح اهئ اهئ
احم احم
المهم نكمل.

3- ايش اكثر شيء تخااافي منه؟
اخاف من المناظر اللي فيها دم.
ومن الحيوانات اخاف من الثور والكلب وايد اخاف وااااااااااااااااايد
ومن الحشرات بشكل عام.
4- موقف صار لج ما تنسينه طووول العمر ..؟
5- اذكري موقف طفولي وبعده موجوده في فالذاكرة

4 و 5 نفس الاجابه تراني شي اسمه اذكري موقف ما احبه
كل الامور طيبه بس تذكرت شيء هالمره:
صف 3 كنا نلعب بالمدرسه فالفسحة نلعب دوري يعني محاوش وفالطابق الثاني بعد
نركض ونركض ونركض مستمتعين وعند الردج كان في عمود
المهم على كثر الركض وكنت ابى اطير من ربيعتي وانا لافه عنها لاقاني العمود يرحب
وعطاني اذيك الكرخه فراسي لين قلت بس
وسوالي كوكو جلست فوق اسبوع بغصب روحت
آح تعور وايد
ههههههههههههههه
في مواقف وايد للشغب
صح تذكرت صف 1 لما كنت ارجع من المدرسة ومن كثر ما كنت هاويه العب كنت احيانا انزل من الباص وانسى الشنطقة داخل
ههههههههههه والله مينووووووووونة.
هههههههههههههههههه




شو احـلى مكان عندج تحب تروحي له ؟
البحر
طبعا سواحل جعلان
وبعد كورنيش ابوظبي
أمواج الكاسر لي ذكريات من يوم صغيره.




- يوم تكــون متضايجه وايد وين تروحي ؟
اي مكان بالبيت اهم شيء فاضي محد فيه.


- شو حلمج فالحيــاه وما تحقق لـين الحين؟
ومستحيل يتحقق.
اغمض وافتح واحصل نفسي عندي بيت وسيارة ووظيفة طبعا وعيال وابوهم كل شيء جاهز
ههههههههع


- شو آلشَـي اللي خلآج توآصلين فالمنتدى؟
حبي لجعلان وبعدي عنها
لما ادخل المنتدى احس نفسي قريبة وايد من اهلي.


- شو لونج آلمفضَـل ؟
الازرق الفاتح
البحري




- املآء الفرااغ بالعضو المناسب ..؟! خخخ
₪ عضو محبوب..ريم النواظر......
₪ عضو طيب...المتلثمه بحب ابوها......
₪ عضو هادئ..معسل التفاح...... هع.......
₪ عضو عصبي...معرف.......
₪عضو مفتقدتهـ..فالنسيا......

- ليش اخترتي هالنك بالذات؟
المغتربه:
امممممممممممممم الكل لما يشوفه يفكر ليش اني مغتربه عن جعلان
هو فالاصل لا
انا قصدي
الغربة عن الدين
بالنسبه لي أحس إنا وايد مقصرين في دينا ونجهل اشياء وايد
واذا حد طلب منا تفسير لشيء كأنا اول مره نسمع بالاسلام بس اسلامي بالاسم احس نفسي
فاحاول دوم اذكر نفسي
علشان كذيه اخترت الاسم
اهئ اهئ
ابى كلينكس
- هل ترين بعض المزايا في عضو او عضـوه و تتمـنين بأنك تكونين مثلها او مثله .. ؟
وايد
اهم شيء الرزانه والعقل
تراني مهبولة.
ههههه


- لو ربحتي مليــون شو بتسـوي فيهـن ؟
نفس السؤال ايام الدراسة لمادة الانجليزي وقالوا بينشروه في جريده
وبعدين معرف هيش صار بوني اهتم
المهم
والله وايد
طبعا بالصراحة
كل فرد من عايلتي له نصيب
الاقربون اولى بالمعروف.
بنرمم وبنوسع المسجد اللي في حارتنا
اللي قريب من بيتنا محتاج شوي تعديلات
بعدين بفكر اشتري الاشياء اللي اريدها وما كنت اقدر لها
ههههع احلام الفقراء ههه
الله يعيني على الأسئلة اليايه
لحد الحين فالسليم.

كالعادة طارح الاسئلة (مجهول الهوية)

شو احـلى مكان عندج تحب تروحي له ؟
- يوم تكــون متضايجه وايد وين تروحي ؟
- شو حلمج فالحيــاه وما تحقق لـين الحين؟
- شو آلشَـي اللي خلآج توآصلين فالمنتدى؟
- شو لونج آلمفضَـل ؟

- املآء الفرااغ بالعضو المناسب ..؟! خخخ
₪ عضو محبوب........
₪ عضو طيب.........
₪ عضو هادئ.........
₪ عضو عصبي..........
₪عضو مفتقدتهـ........

- ليش اخترتي هالنك بالذات؟
- هل ترين بعض المزايا في عضو او عضـوه و تتمـنين بأنك تكونين مثلها او مثله .. ؟
- لو ربحتي مليــون شو بتسـوي فيهـن ؟

الله يوفقك ع الاسئله اختي المغتربه --- ماشاء الله على المتلثمه دائما تفاجانا الله لايحرمنا منكم جميعا وبارك الله فيكم

تسلم اخوي خالد السيب2
الله يعطيك العافية

ف انتظار الاسئلة