السلام عليكمـ،،

شو الأخبـار؟؟

جايبتلكمـ سالفة حول شباب اليوم وعن شو يسولفون وقتـ الرمسه

طبعا خلينا نقول أبطال القصة
ابو جاسر
خالد
خميس
محمد
سالم
ناصر
ابو جاسر وربعة شله يتجمعوا كل خميس فقط كلهمـ بسبب ضرو الحياه طبعاً

اليوم الخميس وجاء فبالي احط فملابس اخوي ابو جاسر جهاز تنصت من باب الفضول عن شو يسولفون الشباب وقت الرمسه لأنه بس يرجع ابو جاسر ع البيت نحصل اخبار الدار كلها معاه

طبعاً اول ما طلع ابو جاسر راح الدكان اشتراله ديو وجلس عند الدكان وبعدها انطلق إلى المكان اللي يترمسوا فيه وحصل الكل جاي وينتظروا ابو جاسر

خميس::اهلا بو جاسر شخبارك؟؟ اوهو ياي من يوم الثلاثاء ومحد يشوفك ليش يا ابن الحلال ولا الجامعة كبرت براسك؟
أبو جاسر:: حرام عليك يا ابو الشباب والله مب كذيه السالفة
ناصر:: غريبه ابو جاسر ليش ياي من يوم الثلاثاء عسى المانع خير
ابو جاسر:: الشر ما اييك بس والله زهقت من اذيك الدار جلت مالي غير جعلان ورديت
ناصر:: بس أعتقد انه امس (الاربعاء) ماعك أختبار؟؟
ابو جاسر:: الشباب كلهم مطنشين محد مداوم امس اصلا يلعن اذاك الدكتور اللي معنا مال بنات .. اه محمد اخبـــار الشرق الاوسط والهندسه ماعك ع بالي ما بترد جعلان هالاسبوع ليش رديت؟؟
محمد:: هو اني رحت مسقط عشان ارد؟؟ ياتني الصوله وجلست ف بيت وقلت لأهلي عندنا اسبوع ثقافي مب لازم اداوم لأنه اصلا ماكو دوام.
ابو جاسر:: هاه ناصر انت شخبارك مع الدار قلنالك يا ابن الحلال دورلك شغل مشي فايدة فيك الله يسامحك؟؟
نــاصر:: والله الدار زينه كل يوم اركب سيارتك وشغل ميحد حمد وداور ف الشوارع ومن تشبع دوارة روح انخمد ... عاد امس رحت تفتلت بالسيارة قدام المدرسه ةشفتلك بنت اتطير العصفور من السماء طاحت غشاتها فجأة وشفتها.. وعاد انا زفيتها لحد باب بيتهمـ عاد تعرفوا هالبنت أخت من ؟؟
سالم :: الله يرجك قول أخت من؟؟
ناصر:: أخت خالد؟؟
سالمـ:: من خالد؟؟
ناصر خالد ود فايل ما تعرفة؟؟
سالمـ :: اها ترى حتى اختها تدرس معنا بالتقنيه وحدة دبدوبه ما تقدر تشل عمرها..
أبو جاسر :: حن معنا بجامعة نزوى بنت فلان غير المكياج فاعل فعلة والطحين مخلصتنه حشى الويه ما شاء الله مستوي قوس قزح واليدين سوووووود الله لا راواك إياهن،،
خميس:: والله عليكم سوالف عاد عندكم خبر انه جاسم بيعرس ؟؟
ابو جاسر:: لا والله ومن بياخذ ان شاء الله؟؟
جميس :: بنت فلان وحدة معلمة متخرجة العام الماضي من كويت وادرس صور( يشتغل الاخ فـ الاف بي اي)
ابو جاسر:: عاد تصدق انه اختها ماعنا ف نزوى غير الله يستر من بنات اليوم فالدار شكل وبرى الدار شكل ثاني الله يستر بس عاد تصدق بنات حارتنا كلهن هناك فنزوى جلسنا نعدهن اني وشباب جعلان حصلناهن اكثر من 100 بنت وكلهم تخصصهن صيدله وادارة اعمال
سالم:: انتوا محضوضين بيكون ماعكم سيدات اعمال
خميس:: والله وانت الصادق قو سيدات منازل مب سيدات اعمال.. الاه بيدمرلنا بلادنا
ابو جاسر:: صدق والله اني يوم الثلاثاء وحدة رقمتني بس بطريقة شرعيه(وكيف شكلها هالطريقة الشرعيه)
خميس:: عليك حايه شو شايفة فيك قولنا الطريقة؟؟
ابو جاسر:: طال عمرك انا وياه ندرس بنفس الكلاس وقال الدكتور كل طالب وطالبه يعملو مشروع وما اسمع إلا البنت تقول انا وابو جاسر (تشليخ كله ماشي منه) وبعد المحاضرة عطتني رقمها ويوب اتصلت بها قالت ما اريد اخسرك وبعدين اتصلت بروحها اوين تريدنا نتفق شو نسوي للمشروع؟
نـــاصر:: وعاد ع شو اتفقتو؟؟
ابو جاسر:: أتفقنا نتعرف على بعض وانها معجبه فيني ؟
نــاصر:: طيب عطيني رقمها خلينا نجرب حضنا معها
ابو جاسر فورطة:: لا لا مب حلوة البنت تثق فيني واروح اعطي رقمها حج شخص الثاني ..
نــاصر عطنــــا يا ابن الحلال بلاه هالكلام اللحين
ابو جاسر :: طفى موبايله اصلا موبايلي ما فيه شحن يالله استاذنكم بروح البيت تعبــــاااان اريد انخمد
الشبــاب .. تو الناس يا ابن الحلال خلك
ابو جاسر:: مشكورين صدقوني مب فاضي يلا باي(يبي يخلص نفسه من الورطة اللتي حط نفسه فيها)

وراح ابو جاسر وتفرق الشمل على ان يلتقوا الخميس القادم

جاري قراءة القصة ^_^

هههههههه

صج انك دبة طلعتيني حرامي ^~^

ههه

ما انكر انه اغلبنا فينا هالاطباع مقاربة نوعا ماء كونا شباب

بس انا من النوع اللي ما احب انقل الاخبار الشينة عن البنات وخاصة الكليات

لانه تهمني سمعتهن ^_^

هع هع

لا تحاول تتهرب اللحين

انت اخوي وأعرفك زين هاي مب سوالفك

بس ما فيني اقول اسماء اشخاص حقيقين

يعني إذا انت زعلت عادي براضيك بحلاوه

بس إذا ولد جيرانا زعل يا ويلي بيجيب الحارة كلها تهاوشني

يجوز اختي ^_^

سكتواااا الشيمة

عاد احنا كليتنا مرة الكلام عن البناااات فيهاااا ضارب توب


لدرجة ان الشباب يجوا كلية يشوفوا البنااااات


لااااا حوللللللللللل

بنـــــوته يسـلمو ع المرور


وكل السالفة مجرد مزحة ^_^

هه اممممممم

بنوته اكيد كلية الخليج انتي ^_^

هيش اذيه هواته؟؟

جييه سوالفك بوجاسر؟؟ افاا بس افاا

بناااااااااااااات

مب مبجي بنت غير مرقمنهاااا؟؟

ههههههههه
بس صدج صدج كل اذيه الاسماء اسامي ربعي...

خميس وسالم وناصر وجاسم بس خالد مسافر الله يرده بالسلامه

هـــــــــــــــــــــــــــــــــــذه حالت ارغووووووووووود

مشي عندهم سالفة غير بنات خلق الله الله يهديهم بهدايته


ويتمنووووووووووووووو انهم يحصلوا رقـــــــــــــم بنت بس للاسف يطلعلهم سواحليااااااااااات هع هع هع

يسلموووووو ع الطرح