مرحبا ملااااااايين اخواني وانا اشكركم انكم استضفتوني معكم

انا من صور (فديت ترابهاا) وهي طبعا تعتبر عاصمة الشرقيه
وهي منطقه وااااااااااايد حلوه وتجنن في الصيف
يكون الجو بارد واايد لدرجه انكم ما تحتاجوا للمكيفات
ههههه لاا مو لهدرجه وهي مشهوره بالشاطي وصيد الاسماك
كما يوجد بها مصنع لصناعة السفن وفيها ميناء لتصدير البضائع
وفيها حصون وقلاع وااايد
منها حصن سنيسله وحصن بلاد صور واكيد فيها ثلاث فنادق
وشقق مفروشه للسياح وعاد ما شاء الله عليهم السياح في وقت
تلقاهم في صور احم احم وعاد المطاعم اشكثرهن في كل مكان والاكل
يجنن يفتح الشهيه ماشاء عليهم.ويوجد بيت كبير للسلطان يقيم فيه لما يزور صور.
امممممممممم وبعد فيها مجمع الشبابي يسووا فيه المهرجانات . طبعا السلطان
احتفل في المجمع بالعيد الوطني في عام 1996
وفي الصيف يستغلوا المجمع لتنمية مواهب الشباب والشابات
وفي (قلهات) مدينه تابعه لصور يصدروا ويستوردوا السفن المحمله بالنفط
والغاز من شركة الغاز .
اتمنى اني قلت لكم كل شي عن صور واي حد عنده اسئله ما يستحي عادي
thanks so mush
والوعد قـــــدام

************************************
انا عندي اسئله ياليت تجاوبي عليهن

************************************

1 اشهر المدن في صور
_________________________________________________

2القبائل المشهوره
_________________________________________________

3احسن الاماكن السياحيه
_________________________________________________

4ماهي الفنون التقليديه
_________________________________________________

5ماهي الاشياء التي تميزها عن باقي مناطق السلطنه
_________________________________________________

6 احسن الاسواق المشهوره
_________________________________________________

7خطط مستقبليه او تحت الانشاء

مشكوره العنود على هذه المعلومات

عندي أستفساريين
1- إبي معلومات عن منطقة رأس الحد
2- إبي معلومات عن منطقة طيوي وسمعت يقول فيها وادي وااااايد حلوه بس للاسف ما أتذكر ويش أسمه


ودمتم سااااااااااااالمين

صور تنقسم لمنطقتين
بلاد والساحل وسموها الساحل لانه تطل عالشاطي وعلىساحل خليج عمان
واشهر المناطق في الساحل الشريه ومخا وجبل عيد وسنيسله والمرتفع والعيجه
وفي بلاد السيح المطار لانه فيها مطار صغير تنطلق منه الطايرات (مطار صغير يمشي الحال) وحسى وصباخ والبر والمصنع.
والقبايل المشهوره (طبعا ما راح اذكرهن كلهن) المسكري والغيلاني والمخيني
والعلوي والداودي والخضيري والاسماعيلي والفلاحي والعريمي والنجادي ووووو

شاطي صور واايد حلو ومشي احلى منه هههههه
واشهر الفنون : الرزحه وليوا مال البحريه وبو الزلف هااللي اعرفه
السوق عندنا صغير بس كل شي متوفر مثل سوق الساحل وسوق الذهب
وفيه محلات كبيرة بس مو ذاك الزود وعندنا محل كبير اللي هو كمجيز ومفتوح الحين
ما صار له واااايد


والخطط المستقبليه ماعرف شي لاني ما اشتغل في البلديه خخخخ
بس ان شاء الله تطور صور من الافضل للافضل والله يطول في عمر السلطان قابوس
ويخليه لنا ويطول فعمرالشيخ مبارك بهوان واخوانه ما مقصرين فحق اهالي صور
خاصه واهل السلطنه عامه

ان شاء الله اشوفك في صور يا بو هاجر
لاني تعبت من كثر ما اكتب
لااا اتغشمر معاك
شاكره لك مرورك

مشكوره خيتووووووو العنود على هذه المعلومات القيمه عن صور العفيه

وننتظر المزيد من الاخوه والاخوات اذا عندهم

تحياتي لكم بالتوفيق
اسير الصحراء

اسير الليالي ماعرف معلومات واايد عن الحد
بس بقولك اللي اعرفه عنها
وهو كالاتي:(اونه عاد عربيه فصحى)
راس الجد منطقه واااايد واااايد واااااايد وااااايد
حلوه
ولا في الخيال الصراحه انا رحت لها في الصيف تقريبا خمس مرات
وطبعا فالليل الحد تجنن وهي مشهوره بالسلاحف وعاد انت لما اتيي تعال
فالليل لانه السلاحف تطلع وتشوفهن وهن يطلعن من البحر ويدفنن البيض
وبحرها نظيف ما شاء الله عالبلديه
وطيوي منطقه جبليه تهبل وهي كلها خضراء النخيل والاشجار مغطتنها
والوادي اسمه وادي شاب والسياح يروحون له عبر الثيبر (القارب)
هذا كل اللي اعرفه عن طيوي

اختي العنود عندي سؤال واحد فقط


طبعاً نعلم ان صور مشهوره بصناعة السفن

ما هي انواع السفن الي يصنعوها , وايش اشهر السفن الموجوده ؟ اسمها يعني

اشهر سفينه صنعت في صور
هي سفينة فتح الخير ومصنوعه من زمان
طبعا بس الحين اعادوا ترميمها وخلوها على الشاطئ
كرمز لصور ويقبل عليها سياح واايد عشان يشوفوها من
داخل ومسموح لهم طبعا لاي حد سايح ياي صور

مشكوره اختي العنود على ردك على اسئلة الاعضاء واشكرك كل الشكر

اخواني واخواتي الاعضاء راح نستضيف اختنا عطر النسيان ونسالها عن منطقتها

واتمنى من كل الاعضاء المشاركه في طرح الاسئله لسيدة نساء الارض عطر النسيان