لا تصد حولك تراك انته مجننهم *** لك عين سبحان ربي كيف نهّابه
اصدقني القول ولاّ قوم واسألهم *** بتشوف قوة عيونك كيف جذّابه




فهــد الســعــدي

خذها من لساني عبارة فصيحة
ما كل من عاش الليالي تسرة

درب العمر لابد ما فية طيحة
واللي يعيش النفس لازم تغرة

منهو عشق وشلون داوى جريحة
وانا جروحي داخلي مستقرة

تعبت ادور و الاماني لحيحة
تدفع طموحي بالامل كل مرة

لا مات رجال ابتدو في مديحة
وان كان حي ٍ واجهوه ابمضرة

اواه من حزني ومن ما اصيحة
في كل ليلة عالي الصوت اجرة

لما يشع النور واكشف لميحة
ادعي لمن شرع بحكم المجرة

" خميــس المقيمــي "