مشكله لا جات حاجتك بيديـن البخيـل
مايفكـك ليـن تدفـع كثـر مايدفـعـه

ومشكله لا صرت مطعون بكفوف الدخيل
في ظهرك اربع خناجر وبالصدر اربعـه

ومشكله لا ضاق بالوقت رجـالً ثقيـل
يطلب احبابـه وعيـا زمانـه ينفعـه

ليت ربي مايحاسب خليـلً مـن خليـل
دام مال الحظ فزعـه وللوجـه اقنعـه

ودام مال العذل تالي ومابالحيـل حيـل
الغـلا سمـاً نذوقـه ومـرً نجـرعـه

نحتري فيه القا والحصيل هو الحصيـل
مثل حلمـاً ماتحقـق وعيـت اقطعـه

كني اللي حط بشفاه من جمـر المليـل
لا قـدر يرميـه للنـاس وزرا يبلعـه

والظروف اللي حدتني لنيـران وفتيـل
عرضت دمع المحاجـر لشـيً يجزعـه

والمدامـع بالغـلا لا تحـال ولا تحيـل
والمشاكل كل ماجـات جـات مجمعـه





أحـــمد الــصانع

إنت من صجّك ؟ من العالم تغار !!
ياحبيب [ العين ] .. غيرك ماتبي

إيه أحبك كثر ( بلقيس و نزار )
وكثر ما تاهات حروف بـ مكتبي

مهما قالوا .. يبقى في إيدي قرار :
عمره : الصيّاد مـ إختاره : ظبي !

لا يهمك شيء .. لو حولي : كثار
ما ملك غيرك : هواي و " مركبي "

تدري ليش القلب لك عنده : وقار ؟
لأنه فيك أشياء ..، تسبيني سبي

وتدري ليش أحب قربك بـ إختصار :
لأنك .. أنبَل شخص مَر بـ كوكبي
و
تدري ليش أشوفهم ، جداً صغار ؟
لأني ، حيل [ بعيد عَنْهُم ] يا غبي


" علــي الخــوار "