الاخو: اركبن السيارة وكل وحده تنتبه عن لا تصك الباب على عباتها.


((وبمجرد ما انقفل باب السيارة.. بدأ الاستوديو التحليلي))


الأولى: شو فيج اشعنه اتأخرتي؟

الثانية: ساعة ادور عباتي.. عنبوهن الحريم ما شفتيهن كيف يتظاربن على العبي ولخبطوهن.

الثالثة: والله جان زين لو ماسرنا العرس.

الاخو: ليش؟

الثالثة: عفانا الله زحمه عرسهم.. واليهالوه يتفارون بالبرتقال ويلعبون بالماي.

الأولى: ههههههههههه شفتي اللي تقهوي يوم صبت القهوة على العيوز اللي راقده!!

الثالثه: حلفي!! لا ماشفتها.. اصلن انا ماشفت شي من العرس طول الوقت وانا ادور جوتي بنتي.

الثانية: شرايكم في فستان (......).

الأولى: اخخخ مب ذاك الزود.. مجلوع عليها والسحاب شوي وبينفتح من متنها.. انا عيبني مكياج (...) تقول انه حرمة خالها يايبتلها ياه من باريس.

الثالثة: باريييس! ماعليج منها خراطه عوده تلاقينها شارتنه من محلات بو عبود.


(( الغريب والعجيب انهم وأثناء حديثهم فالسيارة يقولون لبعضهم خلا ص يابنات صخو مايستوي نتكلم على الناس))


الثانية: صح والله صدقج ختي.. بس شفتي الحرمه اللي كانت يالسه عندي عالعشا وتقطع لي لحم!! ايش مشكلتها هذي!!

الأولى: ايوه شفتها.. شكلها ناويه عليج تبا تخطبج لولدها.

الثانيه: وجع يوجعها هي وولدها.. تقطع لي اللحم الني وتاكل الزين اونها عاد تنقيلي!!

الاخو: عاد شو العشا زين ولالا؟

الثالثة: الله يزيد النعمه.. دسم وكله شحوووم غثا على جبودنا.

الثانية: اصلا في حريم ما تعشو واعليه.. يوم انكم مب قد الخساير اشعنه تعزمون خلق الله بعد!!

الثالثة: بس خلااااااااص يا بنات عيب عليكن.


(( وأخيرا وصلو البيت))

الاخو: شوفو لي حبتين بندول اكستراااااا صدعت الله يبلاكن ويبلا اللي يسولف وياكن

هذول الحريم
اما البنات بيقولو:
شفتوا فستان العروس حلو صح..؟ بس اللي كان لابسته اختها احلى
والعريس ما حلو وايد ووووو
سوالف ما تخلص .. ميت عله وعله بتطلع..

تسلم عالموضوع الحلو..

حلووووووووووووووووو حيل الموضوع


تحياتي


http://www.zzrz.com/mlion.htm

مشكور البرهان عبى الموضوع وسوالفهن ما تخلص تراهن معروفات

سوالفهن تصدع الراس آخر شيء الريال اخذ حبة بندول

الله يعينهن ما نشاء الله عليهن تبارك الله ما يتعبن من السوالف

ههههههههههههههههههه

سوالف جميله ....

شكرا ياطارح الموووووضووووع...

تسلم الزعيم عالمرور

والله انه كلامك كله صحيح لانه الحريم بشكل عام ما وراهن الا عوار الراس

بس مثل ما يقولوا لكل قاعده شواذ لانه اكيد مو كلههن.....................