قالت لي امي ياولدي شف [شبابك]

وارفق على نفسك ترا الناس شافوك


شافوك متغير وحاضر غيابك

ومتشتت فكرك وللهم [مملوك]


وقالت لي اسمع كنت احس بصوابك

ابكي دموعي هم واشكي على [ابوك ]


كنت ارتجي ظلك وماطر سحابك

ونسمة هواك اتشيل عن دربي [الشوك]


ارضى عذابي لجل اشتت عذابك

مابي تحس انك اذا طحت[ متروك]


عهد الطفولة كنت احضن ثيابك

لارحت تدرس وانتظرهم يردوك


واشرب بقايا مابقا من شرابك

لارحت مستعجل وخايف يخلوك


اساعدك تحفظ.. اجلد كتابك

[اضمك ] ان رديت متعب ومنهوك


اليوم ليش اليوم زاد اكتئابك

واللي يبونك.. من سواياك [عافوك ]


لاياولدي ارحم[ فؤاد] حيابك

لاتقطعه احزان. وجروح. وشكوك


قل لي علامك [قافل] اليوم بابك

عن ربعك وناسك كفا باب مصكوك


والناس اللي [تحرق لهم مابقابك]

مااظنهم كثر الذي فيك حبوك


ابسألك وانطر حبيبي جوابك

تدري بأن الناس [مافيوم حسوك]


امسح دموعك لا يخيب الرجابك

منت الذي يضعف [وينهار ارجوك ]




واقفت... وانا ساكت وفكري متشابك

وجسمي كأنه بالسياجات [مشبوك ]


ناديتها [ يمه ].. ذبحني عتابك ..

تكفين يمه.. [خلي الباب مصكوك





تحياتي لكم ...

ممـا أعجبني فنقلته لكمـ،،

تسلمين
ابيات روعه

تحيااااااااااااااااااااتي لج ملاك جعلان

يعطيك العافيه وكلمات رائعه
وعندك ذووق ف الانتقاء
تقبلي مروري

مشكووووووووووووووووووووووووووووووووووووووووووووووو وووووووووووووووووووووور

يسلملي الذوووووووووق
تسلمين اختي على التميز

يا سلاااااااااااااااااااااااااااااااااااااااااااام

صدق روووووووووووعه ابيات جدا حساسه وقمه في الذوق


يعطيك العافيه

الروعة فيـ،، مروركمـ،، أحبتي

لا تحرموني من تواجدكم بين صفحــاتي،،

نقل موفق اختي
وتسلمين والى الامام

ناديتها [ يمه ].. ذبحني عتابك ..

تكفين يمه.. [خلي الباب مصكوك

"""""""""""""""""""""""""""
قصيده مؤثره"اختي"

تسلمين ملاك جعلان
ابيات حزينه