الله على الخيال الجميل والقصه اللي شبيهه بالواقع صراحه هذه قصه جميلة جداً وبدون مجامله


وودنا نشوف تكملتها أحسها كانها واقعيه ولما قريتها بالبدايه تاثرت بالقصه ودمعت العين :)

هذا الشي يدل على انه اللي كاتبه هذه الروايه مبدعه ونتمنى إنه نشوف قصصك بالواقع في المسلسلات وليش لا مادام هذه روايه من رواياتك

إلى الأمام وبإنتظار كل جديد ونتمنى لك مستقبل زاهر في مجال الروايات

~ô§ô~كبريــاء انـثى~ô§ô~
ღღღღღالجزء الثانيღღღღღ
~ô§ô~كبريــاء انـثى~ô§ô~

بعد 3اسابيع...اليوم بتطلع النتايج وبتنزل على موقع الوزارة بالنت او عن طريق المسج بالموبايل...ومريم على اعصابها متوترة ومن الصبح على التلفون تكلم ربيعاتها..وكانت تنتظر على موبايل ابوها واخوها صالح..وعلى موبايل اسما...ماخلت حد ماطرشت من تلفونه عشان تعرف نتيجتها... والساعه 11 ياتها اسما البيت..ولاقتها مريم عند الباب: هلا اسوم نور بيتنا وشارعنا وجعلان كلها...ههههههههههه
اسما: ياعيني ياعيني هيش آالترحيب؟!....اللي بيقول مايي بيتكم ابد!!
مريم: تراه لك اكثر من شهرين ماطحتي بيتنا
اسما: ماكنك نسيتي تنشديني عن شي؟
مريم: انزيني انتي دخلي وبعدين بنشدك
ودخلت مع بنت عمها وحصلت ام مريم (عايشه) ف الصالة جالسة...ودخلت تسلم عليها
مريم: السلام عليكم خالوه كيف حالك؟
عايشه: وعليكم السلام...هلا ببنتي اسوم...كيف شراك عيني؟
مريم: الحمدلله بخير خالوه
عايشه: زين يوم بتطلعي من بيتكم...وبتينا...ولو انه مريوم كل يوم والثاني معك حتى ماتخليك تواحي تشتاقيها
مريم تدلع على امها: امااااااااااااااه...حراااااااام...تراني ماروح غير بيت عمي...وبعدين ملللللل من يوم خلصت الدراسة
اسما: فديتها الريم مرحبا بها ف أي وقت
مريم توها تتذكر...صرخت ونقزت اللي معها: النتيجة... اسومي؟؟ كيف طلعت؟
عايشه واسما يضحكن عليها.... واسما: اصريك نشدتيني عنها لين اقولك؟
مريم: تراك انتي من ييتي والكل يرحب بك ونسيتينا النتيجة....بس ادري بها ماطلعت تشوفيني ماسكة تلفون ابويه وللحين ماطاع يصيح باي مسج..متعيم
اسما وهي تبتسم: واذا قلتلك انها طلعت!!
مريم وهي تصارخ وتمسك بنت عمها: قووووولي والله
عايشه: هاه اسوم بشرينا كم؟
اسما وهي تناظر مريم وتغايظها: كم بتعطيني؟
مريم: بتييك كرخه على راسك اذا ماتكلمتي
اسما: ههههههههه زين زين بقول...حشا بتاكليني
مريم واعصابها تالفة خلاص: قولي بسرعه ذبحيتني ببرودك
اسما: 97
مريم وعيونها طلعت على برى وتقول شكلي سمعت غلط: كم كم؟
اسما: اقولك 97
عايشه: مريوم مبروك حبيبتي..الحمدلله الحمدلله
مريم وهي تتنطط وتداور ببنت عمها وتصارخ: قولي والله...قولي والله
اسما وهي تضحك على خبال بنت عمها: والله انك يبتي 97 والله...ويا توقعي ف محله.. تتذكري لما كنت اقولك بتيبي فوق ال95؟
مريم وهي شبه تخبلت تضحك والدموع ف عيونها وتصارخ: الحمدلله الحمدلله... وتبوس بنت عمها ف خدودها وتحضنها: الحمدلله والشكر...والله بصلي ركعتين شكر..ماكنت متوقعه هالنتيجة...فديتك بنت عمي فديييييييييييييييييييييييييييتك على البشاره
وراحت ف حضن امها وتبوس امها,,,,وامها تحمد الله وتبكي على النتيجة المشرفة اللي يابتها بنتها وكانو متاكدين انها بتييب نتيجة اكثر من كذيه لولا المصيبة اللي ياتهم
اسوم جلست عدالهم: انزين الريم ماقلتيلي هيش بشارتي؟
مريم: عيوني لك...انتي امري تدللي
اسما: انزين عطيني عيونك
مريم وهي تضحك: هههههه...عاد انتي ماصدقتي
وهنيه دخل صالح (اخو مريم العود بعد موزه اختهم...وهو طويل وعليه جسم ضخم...وشكله حلو.. بس متعقد من شي اسمه زواج...بعد الذل اللي شافه من بنت عمته)... من برى ومستغرب على الحشرة والاصوات اللي طالعه من بيتهم...وهو داخل شاف حد عند امه واخته
صالح: اوه..حد عندكم...السموحه بطلع
عايشه: تعال ياصالح....محد غريب..اذيه اسما بنت عمك
صالح وهو يقرب منهم ومنزل راسه عن بنت عمه: هيش صاير؟؟ وليش حاشرين الدنيا؟؟ وانتي مريوم حسوسك طالعه برى......... التفت على اخته وشافها مبتسمة والفرحة شاقة ويهها...وقفت وقربت يمه: صلوحي بارك لي بارك لي... يبت 97
صالح: صدج؟
مريم: اها صدج
صالح وهو يبتسم ويحط ايده على راس اخته الحبيبة الى قلبه ودلوعة البيت: مبروك مريوم تستاهلي...قدها والله...بس ماياني مسج للحين بنتيجتك... من خبرك؟
مريم وهي تناظر بنت عمها: اسوم...فديتها
هنيه انتبه صالح لبنت عمه وكانت لابسة عبايه ومتغشية ومنزلة راسها...ويقول من متى ماشفتك يابنت عمي ظنتي من قبل ماتتغشي...سنين والله
صالح: اسما كيف حالك؟ وكيف حال عمي وحال محمد؟
اسما بصوت هادي وخافت: الحمدلله كلنا بخير....اشحالك؟
صالح: الحمدلله بخير
صالح لامه: اماه مبروكة على نسبة مريوم......... وهو يربت على كتف اخته
عايشه: الله يبارك فيك.... مريوم بيضت لنا ويوهنا....تستاهل
مريم: اووووووووووووووه صح بمشي ابشر بويه...وببشر ربيعاتي...
وروحت مريم تبشر ابوها واختها موزه وفاطمه...واخوها حمد بمسقط... وربيعاتها

صالح: اني بروح حجرتي...برتاح لين صلاة الظهر
عايشه: صحيح صالح؟.... اشوفك طالع من وقت من شغلك؟
صالح: اها... عندي شوية اشغال هنيه ف جعلان ابا اخلصهن...استاذنت من الشغل
عايشه:انزين بويه روح ارتاح
صالح: لعاد اترخص اني
عايشه: الله يحفظك

مريم بعد ماكلمت ابوها واخواتها وحمد اخوها وبعض ر بيعاتها.... واخر شي اتصلت بربيعتها المقربة لها ف المدرسة ايمان بنت سيف...وتصير بنت عم سعيد (مريم يصيرسعيد ولد عمتها غاليه)
مريم:: هلا ايماني
ايمان: هلا وغلا بريومي
مريم: هاه بشري طلعت نتيجتك؟
ايمان: اها طلعت...وانتي؟
مريم بابتسامة عريضة: طلعت...كم يبتي؟
ايمان: انتي قولي قبل
مريم: مابا....اني سالتك قبل...جاوبي انتي وبعدين بقولك
ايمان: انتي قولي
مريم: انتي قولي
ايمان: يوووووووووووه اشوفها السالفة مابتخلص
مريم: جاوبي وبجاوب وريحي عمرك
ايمان: اعرفك عناديه...مب تكلمي
مريم: ايماني يالله قولي
ايمان بحزن : 94
مريم: مبروكة حبيبتي...تستاهلي..قولي الحمدلله
ايمان: الحمدلله.... بس كنت اباها اكثر
مريم: والله نسبتك حلوة....الحين متصلة على فاطمة اختي بالوافي وهي معلمة مثل ماتعرفي وقالت لي أن النسب منخفضة بصفه عامة ف السلطنة
ايمان: اهاااااااااه... انزين كم يبتي انتي؟
مريم بفخر: 97
ايمان فرحت لربيعتها رغم حزنها على نتيجتها: والله...كللللللوووووووووووووويييييييييييش....مبروك ة ريومي
مريم: الله يبارك ف حياتك ايماني...الحين متى التسجيل؟ بعد اسبوع؟
ايمان: لا..التسجيل يوم السبت..واليوم الثلوث يعني بعد 3 ايام بالضبط...كيف بعدك على حلمك؟؟
مريم: اااااااااااااه يا ايماني تعرفيني اتمنى اني اتخصص هندسة....بس ادعي انهم يوافقو
ايمان وهي تدري بمحافظة اهل مريم وتعقدهم ف هالسوالف: أن شاء الله يوافقو...وتحققي حلمك
مريم: كيف؟ وانتي مصرة على الانجليزي؟؟
ايمان: اكييييييييييييييييييد....بس اخاف مايقبلوني بالجامعه بهالنسبة
مريم: لاتخافي....ترى النسب منخفضة
ايمان: حتى لو ماقبلوني بالجامعه...بدرس بالكليات...اهم شي احقق حلمي
مريم: أن شاء الله... زين الحين بخليك...لان اسومي عندنا وبروح اقعد عندها
ايمان: اوكي.... سلمي عليها وعلى امك..يالله مع السلامة
مريم: الله يسلمك ويسلم غاليك... باي
ايمان: لحظة لحظة...ماكنك نسيتي شي؟
مريم: اوووووووووه صح...اليوم النتايج مدورة بروسنا
ايمان: صدجك
مريم: امووووووووووواه
ايمان: اموااااااااااااااااااااه
وضحكن على خبالهن
مريم: يالله باي
ايمان: بااااااااااااااااي

راحت مريم صوب امها واسما...وجلست
عايشه: اتصلتي بابوك؟
مريم: اها...ووايد فرح...وقال لي هديتك بتكون اللي تبيها...انتي اختاري...واني اكيد بختار اخر موديل من التلفونات ببطاقته
اسما: ياعيني...من قدك؟ وبشارتي...ماكنك نسيتيها؟
مريم: ههههههه .... لامانسيتها...وبويه قال قولي لاسما البشارة عليه..يعني انتي من قدك دام ابويه بيعطيك
اسما: احم احم...اكيد...ههههه
مريم: ههههههه
عايشه:هههههههه... انزين واتصلتي بخواتك وحمد؟
مريم: اكييييييييييد.... عشان كلهم يجهزو هداياهم... وتسلم عليك فطوم تقول بيونا يوم الخميس...تقول مصدعنها عيالها بنمشي بيت عودوه...وقال ابوهم بنشلكم يوم الخميس
عايشه: ذكرتيني...خالد ود موزه كم ياب؟ نسيناه مسكين
مريم: تراني يايتنك ف السالفة.... تسلم عليك موزه وخلود ياب 88 .... وخبرتها أن فطوم بتينا وقلتلها هاتي الشلة كلهم...مشتاقه لحمودي
عايشه: زين يوم ياب 88... ترى خالد على قلة مذاكرته بس شاطر
مريم تتفشر: اكييييييييييد طالع على خالته
اسما: ههههههههه....يافشااااااااااااار!...شوي شوي على عمرك
مريم: اكيد بتفشر.... اذا اني بمدرستي يايبه اعلى نسبة
عايشه وهي قايمة: نسيتني بخروفتكن اتشوف درمينيا هيش سوت ف الغدا ...اسما حبتي بتغدي معنا اليوم
اسما: لا ماقدر خالوه...عذريني... بويه وحده تعرفي... بقول لو معه محمد
عايشة: ابوك خليه عليه.... بتصل به وبخليه يي يتغدي معنا
اسما: على شورك خالوه

وبعد الغدا....جلسو العرب بالمجلس يتثقلو وهم متسدحين
ناصر: كيف مريم هين ناويه تدخل؟
محمد: اكيد الجامعه... وبتصير مدرسة
صالح: بس بعده مانشدناها هيش بتخصص؟
ناصر: زين... الله يوفقها
محمد: ابويه صالح...ابا عمك ف كلمة راس
صالح وهو قايم: بروحي ابا استاذن...مواعد علي الاقيه برى... يالله.. ف خواطركم شي؟
ناصر: سلامتك صالح
محمد: الله معك...وسلم على علي
صالح وهو واقف: أن شاء الله يبلغ السلام...ف امان الله
وبعد ماراح صالح...محمد قعد وقعد معه ناصر
ناصر: هيش ف خاطرك بوصالح؟
محمد: والله من زمان افكر ف حمد واسما...من سنة ابا اكلمك عنهم..بس عاشه قالت خلي البنت تتخرج وبعدين تكلم
ناصر: اهااااه....زين كمل
محمد: تعرف من زمان وحن قايلين حمد لاسما
كمل ناصر: ومحمد لمريم
محمد: الحين محمد ومريم بنخليهم على صوب....خلينا نتخرف ف سالفة حمد واسما
ناصر بحزن: بس للحين المرحومة ماكملت شهرين
محمد: صالحه الله يرحمها..بس الحي ابقى من الميت....وانا ماقولك ان بنخليهم يعرسو الحين....بس ابا ااكد لك الحجز ونقدر نخليهم يعرسو ف اجازة نص السنة...يعني عقب 5، 6 شهور...وحن مابنسوي عرس وطبل...بس بنعزم الاهل
ناصر وهو يفكر ف بنته الوحيده اذا راحت عنه: خير لين اذاك الوقت....الله يسهل لهم

************************************************

************************************************
يوم الخميس...ف بيت محمد (بوصالح) التمت العايله...موزه وعيالها وريلها سالم.. وفاطمه وعيالها وريلها علي.. و ناصر وعياله اسما ومحمد...وغداهم عرسيه (اكله جعلانيه) بمناسبة نجاح مريم وخالد ف الثانوية...والكل كان يبارك لمريم وخالد على نسبهم
الحريم ملتمات ف مجلس الحريم....والعرب ف المجلس....واليهال ف الصالة على البلي ستيشن
ف مجلس الحريم (عايشه، موزه وبناتها(منال، منى)، فاطمه، اسما، مريم) :
منال: هاه مريوم..على هيش نويتي؟
مريم وهي تجس نبض امها: هندسه
عايشه: هيش هندسه نابه؟ مدرسة وماشي غير مدرسة
فاطمه: يامي الناس تطورو... خلوها تاخذ التخصص اللي تباه
عايشه: والناس هيش بيقولو عنا؟ مخلين بنتهم ف الهندسة
فاطمه: حن هيش علينا من الناس.. والله شغل المعلمة اتعب شغل
موزه: اسمع منال تتشكي من الحين
منال: عودتي....كلامهم صحيح....والله أن المعلمة تكد من الصبح لين فالليل..محد يرحمها
موزه: بس حتى لو اقتنعت امي...مستحيل ابويه يقتنع انا اعرفه
مريم: لا والله على كيفكم يعني؟؟...حرام عليكم تحرموني من حلمي
موزه: حن عادي عندنا...بس خلي الشوبه يوافقو قبل
مريم: ماعليكم من بويه....انا اعرف كيف اقنعه
منى تغايض خالتها: اونها دلوعة ابوها... يؤيؤ
مريم: دلوعة ابويه وامي والجميع...حرررررررررررررررة على العذال
منى تستعبط: وينكم يالعذال تسمعوها؟
مريم: محد غيرك انتي يامنوه
منى وتخلي عمرها مستغربة: افااااااااااااا.....اني؟؟...افا عليك خالتي..هي هي هي هي (وتمثل انها تبكي)...ماحسبتها تيي منك
والكل يضحك على اسلوب مريم ومنى ونجرتهن وتنكيتهن اللي مايخلص لما يتلاقن

ف مجلس العرب (محمد وعياله(صالح، حمد)، ناصر وولده(محمد)، سالم ريل موزه وولده(خالد)، علي ريل فاطمه)
محمد (بوصالح) : هاه خالد...على هيش ناوي؟
خالد: ناوي اقدم على منحة لبريطانبا...مثل ماسوى خالي صالح وعمي علي
علي: زين والله...واي جامعه ناوي؟
صالح: ابا لك جامعة اكسفورد... يمكن تخصص قانون
خالد: اني افكر كذيه
سالم وهو يناظر ولده بكل فخر: وحتى لو مادخل اكسفورد...الجامعات ف بريطانيا معظمهن معترف بهن...وفيهن تخصصات وايده
ناصر: تستاهل ياخالد....ماتكاسلت مثل غيرك.... وهو يناظر محمد وحمد
حمد: ياعمي هيش لنا بالتعب والمكده...حن ماصدقنا نخلص دراسة المدارس...تبونا ندرس مرة ثانية
محمد (بوصالح) : انت احمد ربك يوم لقينالك شغل بشهادة ثانوية...وغيرك يحوط ف الشوارع مامحصلين شغل
محمد: والله حقه عمي محمد...نعمه أن حصلنا شغل بشهادة الثانوية...وانا ناوي أن شاء الله اكمل انتساب ف مصر
صالح: زين والله...اي جامعه ناوي؟
محمد: جامعة القاهرة...واقول اتخصص ادارة اعمال
علي: حلو...انزين الشغل وافقو على دراستك؟
محمد: اها الحمد الله...وتكفلو بمصاريف الدراسة
صالح: نعمة والله....قليل تحصل هالشي
ناصر: وانت ياحمد ماناوي تكمل دراستك؟
حمد: ياعمي هيش لي بتعب الراس....كذيه انا مرتاح
محمد (بوصالح) : ياناصر اذيه راسه يابس...دوم نقوله وعلى حسابي اذا يبا...... بس ماشي فايده
صالح: خليه....يوم بيشوف اللي حوله يترقو وهو قاعد مكانه اذاك اليوم بيقول بكمل دراستي
حمد: ياخي ذبحتوني...دراسة ودراسة....اقول العرسي بيحترق...قومو بنعكسه
سالم: كنه يبا يتهرب؟!!
علي: شكله كيه
وضحك الجميع...وقامو الشباب صوب العرسيه ف الحوش...وبدو عكس....وكلن يتفاخر بقوته ف العكس...بس اكثر شي كانو ينكتو على سالم...لان يقول بعدني شباب...واقدر اعكس اكثر عنكم ياليهال............. وبعدين غرفو العرسية
والجميع تغدي

وكانو بالليل مخططات الشابات يسون حفلة لمريم...مفاجأة لها على النتيجة الحلوة
موزه وفاطمه حاولن يشغلن مريم وجلسن يسولفن معها عن النتايج والتخصصات وهالسوالف ومعهن امهن..وبقية الشابات جلسن يرتبن المجلس ويحطن شموع وزينة وملصقات عليها عبارات عن النجاح والتفوق مسوتنها منى بالكمبيوتر...وخلن محمد وحمد يجيبو الاغراض من كيك وبسكويت وكاكاوات وشكليت وعصاير وغازيات...والهديه كانت من فاطمه وموزه عقد ذهب فيه حرف الإم والجهة الثانية مبروك
ولما خلصن التنظيم...اتصلت اسما بفاطمه ييبن مريم...ولما دخلت مريم المجلس حصلته مبند قالت: وينهن اللاه الينيات؟ وراه مبند ليت المجلس!!.... وفاطمه وموزه وعايشه من وراها يبتسمن
وصرخن الشابات: سربرااااااااااااااااااااااااااااااااااااااايس
وولعن الليت...مريم نقزت من مكانها: بسم الله...الخسفات نقزتني..... وبعدين انتبهت للزينة والشموع والكيك والاغراض
ويوها احمد وساره وشكلهم كان ملائكي..احمد لابس ثوب ابيض يمد لها علبة مغلفة...وسارة لابسة فستان ابيض رقيق وتمد لها وردة حمرا
تجمعت الدموع ف عين مريم....خاطرها تصيح على المفاجأة اللي مسونها لها...قربت من احمد وساره...وناظرت ساره وكانت تمد لها الورده: مريم ندوك الوردة.. تعالي بعطيك بوسة...... قربت مريم من سارة وباست سارة مريم على خدها: مبروك يااحلى خاله
احمد: هالوه...هالوه (خالوه)............. قبلت مريم على احمد وهي تبتسم: عمري....
وتشوفه يمد لها العلبه: دوك...منوه تدول اعتيك اديه (ندوك...منوه تقول اعطيك اذيه)...وتألي ببوثك (تعالي ببوسك)
الكل ضحك على كلام احمد....خذت الهديه وقربت من احمد عشان يبوسها...وحضنت سارة واحمد
الكل قال: مبروكه مريوم
انتبهت للشابات وكانن متكشخات ولابسات قمصان وتنانير تهبل وغيرن لبسهن الاولي...وقالت لهن: والله تعبتو حالكم...كان مايحتاي
منى وهي تنكت: وحن كم خاله عندنا بتييب 97؟؟
منال: اكيد بس خاله وحده
فاطمه: ماكنكن نسيتن خالتكن فاطمه؟ وكانت يايبه ف التسعينات
منى: خالتي فاطمة انتي عدي زمانك...الاول ماشي حفلات ومفاجأت
موزه: هههههههه....حن راحت علينا يافاطمه
فاطمه: لا والله...اني ارحم عنك....عالاقل خلوني اكمل دراستي ويبت الشهادة العودة...مب مثلك لين سادس وطلعوك
موزه: هههههههه...اني عاد مب مقصر فيه...مزوجني بنت 16 سنة ومطلعه من المدرسة
عايشه: كلكن ماقصرو فيكن...ويكفو ياموزه عيالك...هم بيبو لك الشهادة
منى: عودوه...امي عندها 5شهادات...اللي هم حن...تقدر تعلقنا ف الصالة وتقول اللاه شهاداتي

ضحك الجميع على كلام منى....وهنيه دخلو عمار ومعاذ وهم يتراكضو...
عمار: ويييييييييه انتو بعدكم ماقطعتو الكيكة ولاسويتو شي....خالد يقول ابا قسمي من الحفلة...اني بعد ناجح
معاذ: اماه..يالله بسرعه عطونا
فاطمه: زين زين...حشا حشرتونا....ماظنتي خالد قالكم... بروحكم مستعيلين على بطونكم
معاذ: لا اماه...خالد قال مشو لهن وتشوفوهن هيش يسوون؟ وييبو لنا قسمنا
عايشه: يالله بنات حطن لخوتكن وهلكن...اكيد يتريو
موزه: أن شاء الله اماه
مريم: كلهم هناك؟؟
عمار: لا...محمد وحمد طالعين...هناك عودي محمد وعودي ناصر وبويه وعمي علي وخالي صالح وخالد واني ومعاذ
وحطو للعرب وخلو الخدامات يشلن لهم
احمد: ماما ابا بيبثي وهواوه (بيبسي وحلاوه)
موزه: لا ماشي بيبسي....عصير بس
احمد وهو بادي يبكي: هالوه ابا بيبثي وهوواه
مريم تنزل لمستوى احمد وتمسك ويهه بين ايدينها: من عيوني حمودي...واني عندي كم حمودي؟
موزه: مريم لاتعوديه عالبيبسي...مب زين له
مريم: بس بعطيه شوي
اسما: هاه الريم...هيش رايك فالحفلة؟
مريم: والله رهييييييييييييييييييييبة...وماتوقعتكم تسوو لي...مع اني استغربت غيبتكن من بعد المغرب....ولما سالت موزه وفطوم عنكن قالن انكن تبن ترجد فالمجلس...وانا وحليلي انضحك عليه
منال: وحن كنا مخططين وجالسين نرتب
مريم: والله ماقصرتو...فديييييييييييييييييتكم كلكم
منى: مانروم....مانروم
مريم: اقول لاتخسفي بلهجة الاماراتيين...سكتي احسن
منى: هيهيهيهي..لاتضحكيني وانا ماقدر....اصلا الاماراتيين لهم الشرف اتكلم بلهجتهم
منال: اقول بس بس عن الاماراتيين...مايهونو عليه
منى: ياتكم المحاميه....ليش انك تدرسي هناك...بتصيري محاميه لهم
عايشه: منال ماقالت سعاد متى بييو بالضبط؟
منال: والله ياعودوه كانت مطرشتلي تقول يمكن ييو بتاريخ 7\7
عايشه: موحشنا شيخه وبناتها
مريم: الا نوره... صراحه ماشتقتها
عايشه: مريوم....عيب...عن بنت عمتك
فاطمه: اماه....صدقها مريم...مايكفي انها بتسطلها وتطليبتها اللي ماتخلص و تكبيرتها الزايده وقلة احترامها له ولنا عقدت صالح بالزواج
مريم: لو واحد غير صالح....كان ذبحها من الضرب...بس اخويه طيب واحترم القرابه اللي بينا
عايشه: حتى ولو....بعدها بنت عمتكن شيخه....وشيخه محد اطيب منها
موزه: كلام امي صحيح...القرابة اللي بينا تفرض علينا نحترمها ومانتكلم عنها كيه
مريم بغير اقتناع: يمكن
منى: اقوووووووووول خلونا ناكل ميته يووووووووع بعد اذاك الترتيب والتنسيق
منال: انتي ماتفكري غير ف بطنك
اسما: حقها مسكينه...اكثر وحده اجتهدت فينا
مريم: فديييييييييييتها منوه....تعالي روحي بأأكلك بيدي
وضحك الجميع....وكملن الحفلة والكل كان مرتاح ومستانس...وروحو الجميع الساعه 10 عن بيت بوصالح ماعادا فاطمه باتت بيت ابوها

وبهالليلة حاولت مريم تقنع ابوها بتخصص الهندسة بكل الطرق...بس ابوها اكيد مستحيل يوافق وحاول يقنعها بانها تكون معلمة والتخصص اللي يريحها ف التربية... مريم حاولت تبين له أن حلمها تكون مهندسة.... بس هو بتفكيره الاولي قال لها أن الهندسة للشباب مب البنات وان الناس بيتكلمو عليهم اذا هي دخلت هالتخصص... وان هالمجال صعب عشان الاختلاط اللي فيه ومايسمحو لهن يتغشن...يعني صعبة من جميع النواحي
ومريم ماقدرت ترد على ابوها ووافقت رغم عدم اقتناعها لان شافته مستحيل تقدر عليهم وهم بهالتفكير رغم حلمها من وهي صغيره الهندسه...وقررت تسجل ف الجامعه تربية تخصص رياضيات...لانه احب مادة لها

انتظرو الجزء الثالث
وش من التغيرات اللي بتصير؟؟