مسا الخير

السلام عليكم

شحالكم وشو اخباركم

ونااااااااااااسه رجعت للمنتدى مره ثانيه <<<<<<<<< ينت البنيه
36_1_25[1].

ههههههههههه

فديتكم حابه اطرح عليكم هالموضوع |

فيه مثل يقول اللي ما يعرفك يجهلك ونقدر نقول اللي ما تعرفه تجهله في مرار تكون حاط فكره عن شخص او اشخاص وانهم كذا وكذا ومعجب فيهم حيل ( هذا وانته تطالعهم من بعيد لبعيد طبعا) في حالات الصراحه اكون حاطه فكره عن اشخاص وصفات تكونت في راسي عنهم حسب ما اشوفهم بس لما اتعرف عليهم يطلعون العكس ومثلا اختي مره قالت لي انها كانت تشوف بنت وياها بالكليه كانت بالنسبه لها فوق الخط يعني بنت شخصيه وانها من الهاي هاي اذا فهمتوا قصدي وبعد سنتين مدري ثلاث سنين صار وياها موقف وهو موقف عادي بس بالنسبه لقناعات اختي وطريقه تفكيرها نزلت هالبنت من مكانتها العاليه وصارت عاديه

هل صار معاكم من هالمواقف وهل كان تحليلكم لهالشخصيه الي كانت بنظركم صح ولا لقيتوا العكس

اتمنى اسمع نقاشاتكم بعد الغيبه مني وابا ردودكم لفنتك

36_15_8[1].

اختكم المشتاقه لكم
شواطئ الاشخره

هلا فيك اختي شواطئ الاشخره
واكيد اشتقنا لك ولمواضيعك
بالنسبه لموضوعك
انا احيانا تتولد لي فكره عن شخص وهالشخص اعرفه معرفه سطحيه فقط يعني ظواهر الامور ونكون نظرتي وفكرتي عنه سلبيه
بس بعد ما اكون قريب من الشخص ويكون قريب او من خلال موقف اشوف فكرتي ونظرتي عكس ما كنت متوقع واحيانا العكس
وبالفعل صارت مواقف كثيره لي

اشكرك شواطئ الاشخره ع موضوعك

تسلم جعلاني حتى نحن افتقدنا تواجدك بالمنتدى

يا اخي انته المدير العام وتغيب جيه عيل نحن شو نسوي

ههههههههههههههه

اسولف لا تزعل عاد

وتسلم على المرور اخي الكريم

ياحيّهاا من رجعه .. لج وحشه ...=)

المهم .. كلامج صحيح " اللي مايعرفك يجهلك " يمكن تكون وياي فـ الكليه .. او مكان العمل .. يمكن لاني مااحتكيت وياهااا .. بس من اول نظره كوّنت عنهاا فكره وحللت شخصيتهاا من بعيد .. بس تتغير هالفكره اذا تكلمت وياهاا وعرفتهاا اكثر عن قرب ..
يمكن اللي صار معي ان اللي يشوفني وما يكلمني يقول عني" مغروره وشايفه نفسهاا على شنو ماادري ؟! " بس بعد فتره تتغير فكرتهم .. ويقولون تصدقين احناا علبالناا شي ونتحاشى نتكلم وياج بس طلعتي العكس ...

من خلال حكمهم وغلطاتي فـ الحكم على الغير .. صرت مااحكم الا ليمن اتكلم وياهاا واعرفهاا زين ...

يعطيج العافيه خيتوو شواطئ
تقبلي مروري =)

تصدقين مهاوي انا صار لي نفس هالموقف كل الي كان يشوفني يتحاشى يسولف معي لانهم كونوا فكره وطبعا خااااااطئه اني مغروره واني متكبره بس لما تقربوا مني وسولفوا معي عرفوا اني انسانه بسيطه لا وملقوفه بعد
تسلمين الغاليه على المرور الكريم
نورتي موضوعي مهاوي

ولكم اختي شواطيء من يديد ^_^


اممم

بالنسبة لموضوعك يحصل معي وايد وهو نتوقع الشخصية اللي مرات نتعامل

معها من بعيد...


مره انها زينه ومره شينه...

وهذا شي طبيعي لأننا أخذنا عليها من الظاهر...

لكـــن...

لما نتعامل معها عن قرب نلقى مرات عكس توقعاتنا...


ومرات نقول إننا ما خاب توقعنا فيها...

فأحاول دائما اني ما أعطي فكره شينه عن الشخصية إلا من أتأكدمنها...

يعطيك العافية خيتووو عالطرح الحـــ^_^ـلووو...