الدنيا مـا تســـوى"

يا عمري الدنيا ما تسوى تنام و خاطرك زعلان

و لا به شئ يســتاهل يخلي قلبك يـــعاني

طلبتك كان لي خاطر تبعد عنك الأحزان

فديــــت عيونك الحلوة تبسم و لو على شاني

حبيبــي صارلي مدة أشوفك تايه و حيران

و أنا و الله لي شفتك حزين تزود أحزاني

أنا أحبك و لا ودي تعيش بدنيتك ندمان

ترا الأيام محسوبة و تالي ذا العمر فاني

تصدق بسمتك و الله تفرح خاطري الولهان

يطير من الفرح قلبي و أصير بعالم ثاني

و لا من شفتك بضيقة أحس ان أنا الغلطــان

أعاتب نفسي بنفسي .. و لو ما كنت أنا الجاني

غلاك بداخل عروقـــي و لا يوصل غلاك انسان

يمر الوقت و يثبتلك غلاك من الله أحياني

بضحي بعمري لعيونك .. تنام انته و أنا السهران

و أنادي جــروحك لقلبي تجي واحد ورا الثاني




انشالله تعجبكم

ابن العلوي تبدع في كلماتك والله

ويعطيك العافيه اخي العزيز

صدق والله الدنيا فانيه

صح لسانك ابن العلوي

تقبلي مني تحياتي لك

صح لسانك اخوي
وتسلم يمينك اللي خطت هالكلام الرائع

يعطيك العافيه

و لا من شفتك بضيقة أحس ان أنا الغلطــان

أعاتب نفسي بنفسي .. و لو ما كنت أنا الجاني

غلاك بداخل عروقـــي و لا يوصل غلاك انسان

يمر الوقت و يثبتلك غلاك من الله أحياني

بضحي بعمري لعيونك .. تنام انته و أنا السهران

و أنادي جــروحك لقلبي تجي واحد ورا الثاني

يسلمووووووووووو خيو عالكلام الساحر الجميل

تسلم اخوي العلوي ع الكلمات الحلوه!!!!!!!

مــــــــا شــــــاء اللـــــــــــــه

ابـــــــــــــــــــــــداع

صح لسانك اخوي ولا هنت

وعساك عالقوة دووووووووووووم