اتقطع قلبي
فديييييييييييييييييييييييييييت أمـــــي
((منقول))

حبيت انقل لكم هذي قصيده ام بعد ان وضعها ولدها الوحيد فى دار العجزه ليرضى زوجته


(حسبيى الله ونعم الوكيل )

اترككم مع القصيده
-----------------------------------

وين انت يا حمدان امـك تناديـك ==وراك مـا تسمـع شكايـا وندايـا

يا مسندي قلبي على الدوم يطريـك ==ما غبت عن عيني وطيفك سمايـا

هذي ثلاث سنين والعيـن تبكيـك ==ما شفت زولك زايـر يـا ضنايـا

تذكر حياتي يـوم اشيلـك واداريك==والاعبـك دايـم وتمشـي ورايـا

ترقد على صوتي وحضني يدفيـك==ما غيرك احدٍ ساكن فـي حشايـا

واليا مرضت اسهر بقربك واداريك ==ما ذوق طعم النوم صبـح ومسايـا

ياما عطيتك من حنانـي وبعطيـك ==تكبـر وتكبـر بالأمـل يـا منايـا

لكن خساره بعتني اليـوم وشفيـك ==واخلصت للزوجه وانا لي شقايـا

انا ادري انها قاسيـه مـا تخليـك ==قالت عجـوزك مـا ابيهـا معايـا

خليتني وسط المصحه وانا ارجيك ==هذا جزا المعروف وهـذا جزايـا

يـا ليتنـي خدامـة بيـن اياديـك ==من شان اشوفك كل يوم برضايـا

مشكور يا ولدي وتشكر مساعيـك ==وادعـي لـك الله دايـم بالهدايـا

حمدان يا حمـدان امـك توصيـك ==اخاف من تلحق تشـوف الوصايـا

اوصيت دكتور المصحه بيعطيـك ==رسالتـي واحروفهـا مـن بكايـا

وان مت لا تبخل علـي بدعاويـك ==واطلب لي الغفران وهـذا رجايـا

وامطر تراب القبر بدموع عينيـك == ما عـاد ينفعـك النـدم والنعايـا

سلمـــــــــت ياالسنيدي ع النقل الموفق،،
قصيدة بالفعل مؤثرة،،
تحياتي لأمي ولجميع الأمهات في العالم العربي والإسلامي والله يطول ف أعمارهم،،
دمت بخيــــــــــــر عزيزي،،
تقبل مـــــــــــــــروري،،

قصيده مؤثره...ومشكوووووووووور أخوي...

وتحياتـــــي لكل أمهات المسلمين وبالخصوص أمي ...

مشوكور اخوي السنيدي على النقل الجميل
القصه بكل ما احتوته من معاني قد اثرت في نفسي
فالام بعد كل ما فعل بها الولدما زلت تدعو له بالخير
تحياتي للجميع: الغيلاني

تسلم بو جاسر على النقل الموفق وقصيده في غاية الروعه ويما نحن مقصرين في حق الام
والام تستاهل كل خير وان نرعاها كما رعتنا

تسلم بوجاسرعلى المشاركه الرائعه وهذا الولد العاق بيلقى جزاه فالاخره

ولام مهما مدحناها أول قلنا عنها مانوفي جزء من فضائلها علينا

يعطيك العافيه ابو جاسر ع النقل الموفق
والكلام المؤثر بكل محتواه

نسال الله العلي القدير ان يمد في عمر امهاتنا

مشكور يا السنيدي..................


مسكينه تكسر الخاطر............... صراحه هذا الشي مار ما علينا موب يديد

تسلم يا صحاب الايدي والحرف والكلمات والاسطر التي تعبرها

مشكوووووووور اخوي عالنقل الموفق

وبصراحه القصيده تقطع القلب ومسكينه الام ما تستاهل

والله يخلي لنا امهاتنا ونقوم بواجبنا على اكمل وجه