تيتانيك عماني لا يفووووتكم



البطل خلفان ( جاك ):cool:

البطله سلاموه (روز):p
المشهد الأول

تخرج سلاموه من غرفة الطعام متجه نحو مؤخرة السفينه وتصعد على حافتها وفي نيتها الإنتحار:eek: . وفي هذه الأثناء يأتي المنقذ خلفان.

خلفان: انتي يا بنية هيش تسوين عندش.

سلاموه: مالك شغل.

خلفان: ابوووه كيف مالي شغل

سلاموه: شوف لاتتقرب حيتي ولا تراك ما بتشوف خير.

خلفان: خلاص طمني، بس خبريني أيش تسوي يا بنية، يا خبلة

سلاموه: من هي خبلة، شوفو الشكل شوفو الحالة

خلفان: طيب انتي ما خبله ولا دهجة بس إيش تسوي

سلاموه: أنا باغية أنتحر

خلفان: ايش إيش تنتحري! ههههههههههههههههههه.

سلاموه: تو انت خبرني ويش يضحكك تو

خلفان: أضحك على دهووجيتش (غبائك).

سلاموه: وحال ويش تضحك على عقلي

خلفان: عشان تقولي بتنتحري طيب ورينا شطارتش واقحمي ..يالله

سلاموه: اني بقحم تو.

خلفان : طيب ويش تنتظري قحمي وفكينا من شرش

سلاموه: تعرف! عنادا ما بقحم ولا بنتحر .... وموت حرة ...هـه

(وتمضي دقيقه صمت بعد العدول عن الإنتحار)

سلاموه: هيش هذا بو في يدك.

خلفان: هذي جنجفة (اوراق لعب).

سلاموه: ويش تريد تسوي فيها ... تريد تلعب.

خلفان: هاعه.... ولا اقولش تعالي حيت الكراسي نعدها.

(ويجلسان على الكرسي)

سلاموه: انت معرس.

خلفان: انا؟ ههههههههههههههههههه. هيواا وعندي عربع ولاد .

سلاموه: هما معاك تو.

خلفان : لا. خليتهم عند حبوتهم.

سلاموه: حال ويش ما جبتهم معاك.

خلفان: ههههههههههههههههههههههههههه.

سلاموه: حالموه تضحك.

خلفان: تو انتي صدقتي جالس أمزح معاش ياخبله

سلاموه: انت شكلك ولد فرفوش.

خلفان: طيب خبريني أنتي متزوجة.

سلاموه: انا مخ.خ.خ.طوبه. (قالتها بنبره حزينه)

خلفان: مو عندش تو تصيحي

سلاموه: هاعه ما عندي شئ.

خلفان: طيب خبريني هيش هذه الدموع

سلاموه: ماسمعت حمدان المريخي ايش قال؟

خلفان: لا ..ويش قال؟

سلاموه: إن كان قصدش دمعتي لا تفرحين..... شعرتن دشت بعيني وطلعت

خلفان: صح لسانش.

سلاموه: تعال ما خبرتني ايش إسمك ؟

خلفان: اسمي خلفان. وأنتي يالغزال هيش يسموش حيانش؟

سلاموه: اسمي سوسو (ما تبغاه يعرف بإسمها سلاموه)

خلفان: عاشت الأسامي يا سوسو. طيب أيش رأيش نغير جو شوي ونفرفش

سلاموه: خلاص موافقة

وللامانه منقول