كاتب قصيده سايلن عنه وش فيه,,,,,,,,,زعلان و لّا صاحبك ما توده


رفجت عرب اشهد وانا لي مخاويه,,,,صدج المعاني حاضر(ن) وقت شده


له ف القلب قدر ومكانـ(ن) يعلّيه,,,,,,,,,,,عن كل مخلوقن خفوجي يوده


يرتاح له كل من بطبعه يماشيه,,,,,,,ماهو جمالـ(ن) فيه ولا زين خده


فيه التواضع والوفا من مباديه,,,,,,,,,,محتااار في طبعه ومقدر اصده


غايب وغاب الي قليبي يسليه,,,,,,وقتـ(ن) مضا لااا لاا حشا ما اعده


ذكرا صديقن ف الشدايد نواسيه,,,,,,ولّاااا المصالح ماااتيب الموده


طبعي اقول الي ف قلبي اخبيه,,,,,,وماضم ف صدري ولاابيح سدّه


واختم كلامي بالجفى كان يرضيه,,,,,متليه لوغايب على طول مده


من راح من كيفه وكيفه يودية,,,,,,,,,خله على كيفه وكيفه يرده


يتبع هوا قلبه ويعرف خطاويه,,,,,,ادعيله بتوفيق ويشوف سعده


هذا زمانـ(ن) ف الشجى مانجاريه,,,,,,لبق صرايا الحزن فكل ورده

الله يـــرضي بينكـــم
وعســى تتصـــآفى قـــلوبكم

المشاركة الأصلية كتبت بواسطة الدانه الله يـــرضي بينكـــم وعســى تتصـــآفى قـــلوبكم

امين باكر والحين
القلوب صاااااااااافيه

تسلمين ع المرور نورتي الصفحه

تسلم يمينك((راعي الجرنا))كلمــات حلوة وقوية كما تعودنا علــــيك...
والله يجمعكم ع الخير ما يجيب الزعل بين احــد ولا يفرق بين الاصدقاء والمحبين...


نتـــــــريا جديدك.....هههههه شد الهمـــه

المشاركة الأصلية كتبت بواسطة بنوتة الخليج تسلم يمينك((راعي الجرنا))كلمــات حلوة وقوية كما تعودنا علــــيك... والله يجمعكم ع الخير ما يجيب الزعل بين احــد ولا يفرق بين الاصدقاء والمحبين... نتـــــــريا جديدك.....هههههه شد الهمـــه

كما

هههههه
بعدج للحين تتكلمي حضري
هههههه

حالتج صعبه


لا عدمنا هطله من قلمج الحضري.

المشاركة الأصلية كتبت بواسطة راعي الجرنا كما هههههه بعدج للحين تتكلمي حضري هههههه حالتج صعبه لا عدمنا هطله من قلمج الحضري.

هههههه
طال عمرك يا راعي الجرنــا هذي لغة عربية فصحى حبيت اكون سبشل شوي كله كلام بدوي اللي ينكتم فحبيت اغير شوي..ههههه
واذا تبى كلاام الحضري انـــا حاضرة ليـــن تنفدق صماااااخك ههههه

المشاركة الأصلية كتبت بواسطة بنوتة الخليج هههههه طال عمرك يا راعي الجرنــا هذي لغة عربية فصحى حبيت اكون سبشل شوي كله كلام بدوي اللي ينكتم فحبيت اغير شوي..ههههه واذا تبى كلاام الحضري انـــا حاضرة ليـــن تنفدق صماااااخك ههههه

وعمرج طال انتي بعد
هههههه


لا مابا كلام الحضر

واذا انتي حضريه لا تقربي صوبي
هههه

تسلمين ع المرورررررررررر

لااااااا اجيز الكصيده

لانه فيهااا زعل

قصيده جميله وكلمااات قويه ........ تسلم ايدك

والله يدووووم الرضاااااا

المشاركة الأصلية كتبت بواسطة بنت المضيبي لااااااا اجيز الكصيده لانه فيهااا زعل قصيده جميله وكلمااات قويه ........ تسلم ايدك والله يدووووم الرضاااااا

الكصيده هيش من كلام

الله يعينج ع حالج

قصيده جميله وكلمااات قويه ........ تسلم ايدك

وسلم غاليج ومغليج

يرتاح له كل من بطبعه يماشيه,,,,,,,ماهو جمالـ(ن) فيه ولا زين خده

^_^!!

هع


،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ،،،،

اجمل قصيده شفتهاا لك ..

صراااحه كلماات روعه وحكم


واحلى بيت::

من راح من كيفه وكيفه يودية,,,,,,,,,خله على كيفه وكيفه يرده

صرااحه كل بيت اجمل من الثااني .. عيني عليك باارده ..

نتمناالك التقدم وفاالك التوفيج ..

ويلكم باااااااك ..