بسم الله الرحمن الرحيم

السلام عليكم ورحمة الله وبركاته


( الحبر يخلص وقضايا مجتمعنا ماتخلص )



نجي لقضيتنا ومحور حديثنا

( ياولدي بنحجز لك بنت فلان )
( يابنتي ترى ولد فلان حاجزك )
( فلانة محجوزة لفلان )

_ يجي واحد يخطب بنت جيرانه ..الولد عليه اخلاق ودين ..لكن البنت محجوزة لولد عمها

_ في يوم من الأيام شخص كان حاجز وحده من قريباته .. وطول حجزه لها يعني من يوم انهم صغار وهم يقولون فلان لفلانه وفلانه لفلان .. وبعد ما توظف تركها وقال انه مايبيها ..

ساءت الحاله بين العائلتين .. والبنت تورطت وراحت فيها حتي الخطاب مايدقون بابهم لأنهم يعرفون انها محجوزه لفلان وضاعت البنت مع ضياع هذا الحجز ..

_ بنت يتيمة وحيدة..حجزها عمها لولده ..لانه مايبغاها تطلع من العايله .. طيب ممكن البنت مو مناسبة للولد ..افكارهم غير ..شخصياتهم غير..لكن مين يسمع ..خلاص البنت محجوزة لفلان



قصص تبكي القلوب .. وأحلام تضيع في قرار
أمال وأمنيات تتبخر ..

بصراحة انا احس ان الحجز فيه ظلم للبنت
خصوصا ان الولد لو كبر وغير رايه ماراح يتأثر
لكن البنت حساسة وتتأثر
وفوق كل هذا محد بيجيها خطاب لانهم يعرفوا انها محجوزة لفلان

ممكن الشاب يتأثر لان اهله اختاروا له شريكة حياته
ومحجوزه له ..

لكن البنت هي اللي تتأثر اكثر



يخلص الحبر والكلام مايخلص


من المذنب .في هذا كله. الشاب , الشابه , الأهل , العادات والتقاليد ؟؟

ومين اللي يحدد ويقرر ان فلان لفلانة وفلانة لفلان .. الاهل ام الشاب ام النسب ؟؟

اذا تقدم لكي ايتها الفتاة شاب للآن يدرس وقالوا لك أهلك انه يبي يحجزك وش بيكون موقفك ؟

وانت ايها الشاب مارأيك في مسألة الحجز وان تكون محجوز لفتاة ؟؟

وهل هذا الشي موجود في عائلتكم ؟؟ وماموقفكم منه ؟؟

أشكرك كاظمة الحب ع هالطرح الواقعي...

صراحة أيوه موجود وموجود بكثره بعد خاصه في المجتمعات البدويه...أنا من وجهة نظري المتواضعه أشوف أن إذا كان الولد يبا البنت والعكس صحيح فلا بأس من الحجز ...أما أن الولد يشوف نفسه مش كفؤ فمن البدايه لا يحجز ولا يتعب نفسه...يخلي البنت ولا يقطعلها رزجها...

وفي النهايه الأهل لهم الدور الأكبر في ذلك...

بس بدأت مجتمعاتنا تتفتح والحمدلله.....

وعذرا ع الإطاله....

الحجز غير موجود
لكن ممنوع الزواج من برع .

المشاركة الأصلية كتبت بواسطة راعي الجرنا الحجز غير موجود لكن ممنوع الزواج من برع .

دخيييييلك راعي جرنا وشو الفرق؟؟؟

يعني في النهايه بتنحجز لواحد من العائله الكريمه...

المشاركة الأصلية كتبت بواسطة دختوره جعلانيه دخيييييلك راعي جرنا وشو الفرق؟؟؟ يعني في النهايه بتنحجز لواحد من العائله الكريمه...

الفرق واااااااااااااااااااايد

اذا الحجز موجود يعني البنت مربوطه بوااااااااااااحد
اما اذا مشي حجز في خيارات ترااااا واااااااااااااااايد يعور.

مربوطه؟؟؟
ليش شييه وربطوها...؟؟

ههههههههههه

في النهايه كل شي قسمه ونصيب...

ضد الحجز وللشخص حرية اختيار شريك حياته ولشريك حياته قبوله او رفضه ...

الحجز موجود في كل مكان في عمان

لكن كذلك يعتمد عالبنت ويعتمد على اخوة البنت

في تغيير رأي الوالد

البنت ممكن تتعنت وتقول ما ابيه ودامه ولد عمها او من العائلة

تمسك رقم التلفون وتقوله بالحرف الواحد ما ابيك

هذا واحد

الثاني انا كأخو واعرف انه اختي ما تبي فلان

ممكن اقنع والدي او حتى اقنع الشخص


وتنحل المشكلة


لكن السائد في مجتمعنا احسن لي ما ادخل في متاهات انا في غنى عنها


خلني ساكت افضلي



لكن مثل ما قالت دختورة التفتح بدأ يشق طريقه فالمجتمع

المشاركة الأصلية كتبت بواسطة المااااجد ضد الحجز وللشخص حرية اختيار شريك حياته ولشريك حياته قبوله او رفضه ...

وأنا مع المااااااااااجد

والحجز تخلف ورجعية
وانهااااااء لمشااااااااعر االشخص
وامكانية اتخاذه القرار اللي بناء عليه يكوون حياااااة هي عمره بطووله
مو يووم ويووووووومين

وشكر لطرحك الرااااااائع

مشكوووره كاظمه ع الموضوع لانه صدج موضوع واقعي ويصير وايد ف مجتمعاتنا
هالقضيه فيها ظله للبنت من ناحية الولد يعني اذا كانت البنت محجوزه للولد وفالنهايه يقول أنه ما يريد يتزوجها مثل ما قلتي أختي بس بصراحه أنا ضد هالشي فلانه محجوزه لفلان أصلا هالشي قسمه ونصيب والانسان ماله شي فهالدنيا غير نصيبه سواء كان حاجز بنت أو ما حجز حد

يسلمووو أختي يعطيك العافيه