سر للبنات .....ممنوع اقتراب الشباب



سلااااااااااااااااااااام للبنوتات .. ما قلت للشباب هع صدق فضوليين

ادري انه شي اولاد يالسين يتطفلون ع الموضوع .. بث ما علينا يا بنااات

تعرفن انه مرات اخوانا الكبار وايد يحبون يتحكمون او وايد يتأمرون .. بس رغم هاا هم فمقام الوالد و عزوتنا ..

بس مرات تبين تقهرينه شوي عسب يحس انه له اخت تعاني و مقهوره تعرفن شو تسون هههه .. انا بخبركن يلا :

إذا طلبتي من أخوج انه يوديج السوق ورفض لأنه بيطلع ويا ربعه ....لا تزعلين وقولي له يزاك الله خير .. و روحي غرفتج واشغلي نفسج بأي شي ( الموضوع بياخذ ولا بيعدي بالساهل .. عيل عليج بالانتقام ...اختاري أي وسيله للانتقام من الوسائل هاي

:

1- روحي لمزيل الروائح مال اخوج قبل مايسبح وافتحي غطاه
حطي فيه استون مزيل المناكير وعصير ليمون .... ورديه مكانه...هذا ويهي إذا قدر ينزل يده ويمشي طبيعي ...

2- روحي للصندل أو النعال ( الله يكرمكم ) اللي يحب يلبسه أخوج دووم وكلي لبان {علوووووج} علبه كاملة و بعدين حطيها في النعال او الجوتي من تحت ومن داخل ....نذاله و وصاخه ع الاصول...

3- روحي للقلم البار كر اللي يلبسه أخوج ويا الكندوره وطلعي الحديدده اللي داخل وغمريها في الحبر ورديها مكانها ... و يوم ترجعين القلم لمكانه خليه مفتوح .. يعني جاهز للكتابه....وطبعا أخوج بيكون مستعيل وماينتبه له ... وينصب الحبر على كندورته .... قمه القهر

5- خذي مشط الشعر و غمريها في ماي الحنه أو في ماي مخلوطة ببيضه نيه .... لا تخلين المشط مبلل وايد .. خليها رطبه بس ..اخو طبعا بيطلع بعد ما سبح و تعدل.. بيي يمشط شعره وهو خرسان ماي شرات كل مره .. شوفي الريحه اللي بتظهر عاد ... و كمحاوله للمساعده لاظهار حسن النيه عرضي عليه ان بتستشورين له شعره >>سدي خشمك ... عن يغمى عليج بس

5- خذي الفون ماله وفرغي البطارية يعني العبي فيه لين البطاريه تفضي ولا بغى يظهر من البيت قولي له فونك ما فيه جرج ..خذ بطاريتي >> قمه ف الكرم يا ويلي عليج هههه

6- خذي مفتاح سيارته ودسيه .. وإذا سأل عنه قولي له انج شفتيه ويا اخوج او اختج الصغيره" وياريت يكون عمره سنه أو سنه ونصف "... طبعا ما بيهزب اليهال ولا بيظربهم على العكس بيتحايل عليهم ويحاول يوصلهم المعلومة بأي طريقه ...وانتي اضحكي عليه بس لا يشوفج .. قومي دوري المفتاح معاه لا توقفين و تطالعين بفخر انتصارج ترا هب وقته ... آخر شي بيتصل حق ربعه عسب يمرون عليه ... هنيه اساليه اذا محتاي فلوس ( هيه لا تبخلين عليه ولاتقولين لي ماعندج .. جيب السبع ما يخلى .. وفي النهايه كله لصالحج ) اعرضي عليه من 100 لين 300 في الغالب هو بيرفض ماله ويه و يستحي ... ماوداج السوق وبعد ياخذ منج فلوس؟؟.......

7- قبل ما يطلع من البيت خذي مفتاح غرفته بعد مايقفلها ...حاولي تاخذين المفتاح ضروري ...لا رجع من السهرة طبعا يبي ينام .. يدور ع المفتاح في الميداليه و ما بيلقاه ..اكيد بيتوقع انه نساه او مضيعه برع ... طبعا ماله مكان ينام فيه الا الكنبه بالصاله .... روحي وعيه وقولي له نام في غرفتي انا ما برقد .... قمه في الكرم والاخلاق .... هنيه عاد انتي كسرتي خاطره ... وضميره اكيد بيصحى .. يمكن مايب يبين لج لكن ثاني مره بروحه من تلقاء نفسه بيوديج اي سوق تبغينه ههههههههههههههههههه .....

ملطوووووووش

		منتديات جعلان > جعلان للشعر والترفيه > جعلان للسوالف والفرفشة
سر للبنات .....ممنوع اقتراب الشباب

حسابٌ واحد لجميع خدماتنا !