"" ابو فيصل يشيش ويحذركم""



يقول ابو فيصل: نعم نعم نعم

من قال الشيشه ما حلوه

انا احيانا اشيش .. احم احم

تسدكم ريحتها اممممممممممممممم حلوه مره موووت

عاد لما يكون معسل تفاحتيين مخلوط شوي بمعسل عنب يا سلاام

وفيها شوية ثلج وتسحب الدخان بهذك الريحه وباارد
تاخذك لعاالم كله حس وفكر وطعم كله الواان

يقولك ..
تعطي نشعه تعطي فالراس .. يخلي طعمها غير العيشه
حطلك معسل مكس فالراس .. ومحلى دخانك يالشيشه
مع تفاحتين فاخر ما تحتاس .. وحطلك ماي وثلج فالغريشه
لا تكثر الزغلول يا ولد الناس .. خلك ولد عاقل ما ربييشه

اقول تحذير هاا ..
التدخين سبب رئيسي لأمراض الرئه والقلب والشرايين

واقولكم على حاجه اللي يجلس مع المدخن يتأثر من الدخان اكثر من المدخن نفسه ونسبة اصابته بامراض اكبر من المدخن

فأتمنى من كل الشباب يتركو هالعااده .. لاسباب كثيره .. منها انها تقلل من نشاطك الجسماني .. يعني لا تقدر تلعب كره او تمارس رياضتك المفضله بكل لياقتك..بتجلس تنوفخ وااي صدري ما ارووم اركض هع
ناهيك انها تقلل من مستواك الشخصي.

هو زين تروح هالاماكن تبخر دشداشتك وتخرج .. ما اقولك ما زين

عاد يقولك حد منهم .. لاا الشيشه ما تضر كثر ما السجائر تضر
كيييف والشيشه تجلس تشفط وتشفط ساعاات وساعات بينما السجائر كلها دقيقه وتخلص ..
وخلي نقول الشيشه اقل ضرر .. ياخي اعتبر من غيرك .. فيهم سرطانات وامراض .. تخيل نفسك اصابك مرض (الله يبعد عن كم هالامراض ويبقيكم معافين يا رب) شو بتسوي هذك السااعه .. بتبرد الدوده .. وبتقول ياليتني وياليتني.

بعدين ترا ماشئ بنت بتبغى تتزوجك اذا عرفت .. واقولكم انت تشيشو وتفكر نفسك ما حد عارف .. بس صدقني بتتفاجئ انه كل هلك وناسك يعرفو

واللي يقول الشيشه احلى عشان الريحه .. عشان فمك ما يخيس ..
اقوله .. ايه ترا هذك الساعه ريحتها حلوه .. بس البكتيريا تبقى في فمك.. والبكتيريا اللي تسبب الريحه الخايسه المقرفه .. ما الدخان يالدهج هههه .. انت ما تريد فمك يكون صحي وابتسامتك تلج وتلمع من بعييد..

خلاص كل اللي بالامر ف يدك .. وانت الله عطاق عقل تميز فيه الخطأ من الصح ..
قدامك بابين .. باب فيه دخان وامراض ومشاكل اجتماعيه
وباب يباله نيه قويه تصدر من قلبك انك تتركه

شفتوا كيف هههههههه الله يهديه ويهدي الجميع

حسابٌ واحد لجميع خدماتنا !