معنى كلمه عربجــــــــي



سلااااااااااام اعضاء المنتدى

اقول عندي لكم موضوع ان شاء الله يعجبكم ,,,,

عــــــــن معنى كلمه عربجــــــــي ,,,,

اسم عربجي..يأخذ البعض معناه الخاطيء..حيث يقال ان العربجي هو الداشر..وهذا خطأ..

العربجي..هو ذلك الشخص..الذي يتمتع بشخصية قوية..ولا مبالاة..غالبا ماتكون الدنيا متساوية عنده وشهم ....

وهناك انواع كثيرة من العرابجه.....

فيوجد..عربجي شاطر بالدراسة...غالبا مايكون اسمه عبدالكريم....ومن القابه ابو جلمبو....او راعي فزعه :D ..ذلك يعود لأنه يمتاز بالذكاء.. :D

سيارته..غالبا مايفضل هذا النوع من العرابجه..السيارات الصغيره..عشان مايبلشون بالمواقف..مثلا..كورلا 94 مطيح .....

بس معضمهم يحبوا سيارات الدفع الرباعي عشان الجلسات في السيح

وايضا ....عربجي مغزلجي..غالبا يكون اسمه شين ..يعني مثلا صندوق والا ساطور..يعني زي كذا..ولكنه عنده اسم فني يستخدمه..مثل خالدين..والا فهودي...مسوي فيها رقيق...ايه صفقني..

ويلقب غالبا ..بقاهر الدلوخه....وسيارته غالبا ماتكون ..كابرس 90 ربع تنده ...

ومن انواع العرابجه يوجد نوع اندثر..ويقال انقرضت هذه الأشكال..وهو العربجي..المتهور..وهذا النوع خطير على من حوله..لما يتمتع به من طفاقه ..جلافه ..ولو حط طاقته الكامنه في الحروب لكان حرر فلسطين من زمان

ويحمل هذا النوع العديد من الصفات المتميزة..نذكر منها..تصفيقه للهندي راعي المغسله اذا لاحظ ان سروال السنه تغير لونه..

ومن الأنواع الجديده بالعرابجه..هو العربجي اللأنترنتي..وهذا النوع يتكاثر اشكاله بالتشات..وتراه يجي اسمه رومنسي و اسلوبه مهوب سهل بالتشبيك..وخفة دمه تغطي على القصبي....

ومن صفات هذا النوع..انه اذا دخل غرفة( غرفة بالشات )....يقز لستت الأسامي..اللي بالغرفه بالتشات..وتطيح عينه على اسم بنت رومنسي..في نظرة..مثل ..دلخه او مهبوله او خبله..او تكرونيه..يعني زي هالأسامي التي تهز كيان هذا العربجي..

مما يحتم عليه ان ينزلق عليها بالذب..ويتسلمها...الى ان تموت من الضحك..وتجيه تطامر بلبريفت( لله درك على هالأسلوب )

وليس هكذا فقط..بل كل البنات اللي بالغرفه..يجونك على كفرين يلاحقون هذا العربجي....ولكن عيبه الوحيد..انه ذابحه الثقل..نعم ..ان العربجي وخاصة مع الفتيات..يكون ثقل..ولا يعطيهن وجه الا بعد فترة..

ونعني بذلك الى ان يخق ..يعني مثلا..جته وبريفت وقالت له هلا عمري ..وباللون الوردي...ممايؤدي الا ان هذا العربجي..يبي يمسط من الكرسي..هذا اذا ماكان سادح الجهاز بالملحق وقاعد على مركا..

ونحذر جميع العيال من هذه الأشكال من العرابجه..لأنهم مملوحين وكل البنات يحبونهم..وهم فعلا يستاهلون..لما فيهم من وفاء وخفة دم ..وكل ما يتمناه المرء يدركه ....

سؤال وردنا من المرسل ورمز بأسمه ص 1 ف ( وهو اختصار لأسم صويلح ابو فزعه ) يقول فيه..بينما كنت امشي بالشارع مسرع..وانا ملتفت يمين اناظر الفيصليه..مادريت الا اني ضاف لي اربع هنود وكملتها وصدمت صعيدي كان يقطع الشارع..فما انا فاعل ؟؟
يجيب عليه الأستاد العربجي محقان ..ويقول..ارى انك تنزل وتمحط الصعيدي بالعقال لين يعض الأرض..وتقوله ياملا المصع وراك تنسدح قدامي..

وردنا سؤال..في وقت متأخر من الليل..يعني حزة القايله..من المرسله ام العصاقيل..تقول فيه..:
انا طفله في السبع وثلاثين من عمري ( ولو ذي طفله بس حجم عائلي )..واعاني من كثرة الفلوق والشطوب في دميجتي..فماذا افعل ؟؟

يجيب على هذا السؤال..الأستاد الكبير العربجي الشهير مقناص بن صتمه..ويقول مقناص : اختي عصقوله ( على باله يدلع )..نظرا لأنك كنتي تطامرين بالحوش

مما ادى الى ان يقوم ابو بستك ( الباكستاني) اللي يبني بالعماره اللي جنبك..ان يفلقك بقواطي الحمضيات..

ونقل تصريح على لسان ابو بستك يقول فيه بعد الترجمه : لو حصلي كان فلقتها بخشبه ولكن الله كريم الله كريم

:D :D :p :D :D

اخوكم " ظبي جعلان ";)