تنويهات للمطورين !
قوانين الإستخدام / Terms Of Use نظام الترقية / System Upgrade نظام الأشراف / System Supervisor
قوانين الإستخدام / Terms Of Use نظام الترقية / System Upgrade نظام الأشراف / System Supervisor
أهلا وسهلا بك إلى منتديات جعلان.
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا.
كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
| الملاحظات |
|
|
أدوات الموضوع | انواع عرض الموضوع |
|
جعلاني جديد
غير متواجد
|
اميـر بطيبتي مع مشاهير العالم ؟
مرحباااااا اعضاء منتديات جعلان >>> احييكم وادعوكم اليوم لتقوموا بجوله مع امير بطيبتي ورحلته مع مشاهير العالم >> الموضوع من نسج الخيال للتسليه اتمنى ان تستمتعوا معنا انطلاقة الرحله من حلبات السباقات مع ضيفنا الاول مايكل شوماخر  امير: يازينها المانيا لو فكرتها كذا كان رحتها من زمان مايكل شوماخر : اهلا وسهلا نورت بلادنا من وين جاي انته؟ امير: انا من عمان مايكل : حومان ايش هذي حومان امير: ايه ايه احترم نفسك لاتتمسخر على بلادي صدقت نفسك يوم قلنا لك المانيا حلوه مايكل : انا ما اتمسخر بس بلادك ماحد يعرفها عكس بلادي ارض التكنولوجيا والتطور والسرعه امير: يا شيخ الله يرحم والديك بلا سرعه بلا خرابيط انا اروح من مسقط لصلاله بالسياره 6 ساعات وهذا بلاش انته يعطوك ملايين عشان تشارك في سباقات لو يعطوني ربع فلوسك اروحها في ساعتين مايكل: لا حول الله اقوله ما اعرف عمان يقولي مسقط وبطاطس امير: شيت بس لو يكون معاي ملايينك >>> عماني حاسد ،،، يالله حبيبي مايكل مع السلامه مسافر بلاد العم سام اوبرا  اوبرا: مساء الخير لجميع مشاهدينا في الولايات المتحده وفي انحاء العالم اليوم معانا ضيف فروم ميدل ايست "اووووووووووه" شغب جماهيري في المدرجات >>> امير بطيبتي من عماااااان امير: شكرا خالتي شكرا اوبرا : ندخل في الموضوع مباشرة عشان وقت البرنامج انا شفتك قبل في مكان ممكن تعطينا نبذه عن تاريخك امير: حتى انا شفتك في سوق الحافه تبيعين بخووور اوبرا : لا انت غلطان شكلك مشبه امير: لا ابصم بالعشره انك انتي انا احفظ الاشكال زين >>> تضحك اوبرااااا>>> ايوه والله نفس الضحكه اوبرا : على العموم خلينا في المهم اليوم مشاهدينا في الستيت يريدون تخبرهم عن بلادك ومستويات المعيشه امير : يا شيخه انا لو فكرتكم جايبيني عشان كذا كنتي ما شفتي رقعه وجهي نحن ننام على البترول نتغسل بالبترول ما حد يريد شيء من الحكومه الدوله توزع فلوس والمواطنين يقولون ما نريد اذا تريدوا نحن بنعطيكم انتي فرحانه لما توزعين 5 سيارات في الحلقه نحن يوميا سيارات مرشوشه بالذهب تحصليها في الشوارع والسياره اللي تعجبك شليها بلاش اوبرا : معقوووووله امير : ايوه معقوله على بالك نبيع بخووور نحن؟!! يالله بااااي عندي مقابله مع مستر بريزدنت اوباما  امير : تحياتي فخامة الرئيس كيف حالك اوباما :الحمد لله اخبارك واخبار عمان شميت منك ريحة اجدادي امير: ايش من اجداد هدي اتخسأ انت ويااه هذا اللي ناقص اوباما : ايش فيك معصب ،، انتوا ما تقولون انا كنا امبراطوريه وحكمنا افريقيا امير ايوه قول وفعل اوباما : زين انا جدتي من كينيا ولما حكمت امريكا كان بتتجنن من الفرحه امير: اهااااااه كذاك السالفه >>>> ويرن تلفوووني اوباما : اوووه شكلك مشغول وعندك ارتباطات امير : لا ما عليك منه هذا شارون بيعطيني رناااات اوباما : الله يهديه بعده ما تاب امير : ايش نسوي،، المهم شيخنا انا استأذنك مسافر مدريد اشوف نهائي الشامبيونز ليج بين ريال مدريد وبرشلونه اوباما : مع السلامه سلم على حلفائنا ميشيل بلاتيني  الله ايش هالملعب على الله ايام مجمع بوشر والكراسي اللي كلهن طين وماشيء اكل وتفتيش سجون >>> الشرطه تسوي لك مساج قبل ما تدخل ههههههه ميشيل : اهلا اهلا تفضل اخوي جلس بجنبي في المقصوره امير : شكرا اخوي اكيد انت من المنظمين >>> امير من الربشه ما ركز ما عرف بلاتيني بلاتيني : من اي بلد انته وكيف الكوره عندكم امير: اوووه ما حد خبرك انته شلينا كأس الخليج واخيرا فزنا ببلنتيات واحتفالات ما خلصت ليومك هذا ميشيل : حاشا لو تشلون كاس العالم مثلنا ايش بتسوون امير: نحن عندنا لعيبه احسن منكم بس الاهتمام عندكم اكثر روح سواحل عمان بتحصل الف زيدان ورونالدو ميشيل : وانته تعرف تلعب ولا بس تشوف مباريات امير : اعرف العب احسن منك انته وكرشك ،،، تعرف زمان كانوا ايش يلقبوني ميشيل : ايش يلقبونك اامير : ميشيل بلاتيني ميشيل : ههههههه زين انا ميشيل بلاتيني امير : مستغرب !!! ااااه اسمح لي يا كابتن والله ماعرفتك العتب على النظر وبعدين ارتبشت يوم شفت الملعب ممكن لو سمحت توقع لي في وزاري هههههه ميشيل : لا افا عليك ويوم ترجع عمان سلم على كلود لوروا امير : حاضرين بس قبل ما اروح عمان بامر الهند اشتري بهارات هههه شاروخان  امير وصل موقع تصوير مشاهد فلم هندي في كيرلا مين شارووووخ لالالا ما اصدق امير : مرحبا شاروخ كيفك وكيف الاهل والله اهل السلطنه كلهم يسلمون عليك شاروخ : مرحبا مرحبا نورت بلادنا والله ان لعمان معزه خاصه في قلوبنا امير :" في قلبي" >>> عسى عيال عمك نصهم في روي والنص الثاني في الوادي الكبير شاروخ : كيف ماسمعتك؟ امير: لا لا ما شيء تصورون فيلم جديد وايش قصته لا يكون نفس كل مره شاروخ : ايش من كل مره امير : هههه يعني تحب وحده بعدين ابوها ما يريدك ويجي واحد شرير يريد يتزوجها وبعدين تشرد معاك وتتقلبون في العشب وتنزل امطار واغاني ما تخلص بعدين تحصل امك اللي ضيعتها من ايام الطفوله شاروخ : ايوه صح انت مين خبرك بالقصه قريت السيناريو امير : يرحم والديك واصلا الافلام الهنديه يريد لها سيناريو في قلبي اه يالقهر هذا الغبي مسوين له ضجه على ايش لا والقهر البنات يتجننون عليه والله اني احلى منه المهم شاروخ انت معزوم تجي عمان بسوي لك فلم هندي بنصوره في صلاله وقت الخريف يعني امطار حقيقيه مش صناعيه مثل اللي عندكم في الافلام يكون الشارع كله سيل وتاير السياره جاااف >> حركات هنود وعندنا جبل فيه عشب تتقلب فيه حتى تطيح في البحر والممثلات الله يخلي الشغالات الله مكثرهن شاروخ : خلاص خلينا على اتصال الفيلم الجاي في عمان امير : يالله حياك فكه من الهنود ومن بوليوود الى هوليوود كيت وينسلت  امير : مساء الخير والاحساس والطيبه >>> اسلوب كيت : مساء النور اهلا امير : الله فستانك حلو >>> اسلوب تخدير كيت : الله يخليك هذا من ذوقك بس كأنها الكرفته مالك مقلوبه امير : اااه >>> فشيله الله يهديه هذا مساعدي ما عرف يضبطها المهم بصراحه انا اريد توقيعك واريد اعبر لك عن اعجابي فيك كممثله كيت: ولو افا عليك هذا توقيعي وهذا كرتي بس ما خبرتني اي دور مثلته وظل راسخ في ذهنك امير: ااااه لا تقلبي المواجع بصراحه دورك في التايتانيك روووعه بس هذا الممثل اللي كان معاك ما يصلح تعبااان >>> "غيره " واشتغل الحسد العماني كيت : كيف تعبااان والعالم كله معجب بأدائه وشكلنا ثنائي حلو امير: ايوه صح لاحقاق الحق الفلم كان روعه وشكلتوا ثنائي حلو ، بس لو كنت انا مكانه كان امثل احسن منه اصلا انا امير ومتعود اطلع البحر واحب هذي الادوار كيت : يالله عسى خير ان شاء الله تجيك فرصتك وتثبت نفسك وهوليود فاتحه ابوابها امير: اوكي اوكي كيت مشكوره انا الحين مستعجل مسافر البرتغال باتصل فيكي على رقمك كيت : باااي كرستيانو رونالدو [IMG]http://totalclubfootball.com/wp-*******/uploads/2008/04/cristiano_ronaldo_shopping.jpg[/IMG] امير: اووووه لالالالاه كريستيانو رونالدو مره وحده مرحبا كريس كيفك كريس : هلا اخوي امير : سوري لا اكون زعجتك ولا ضايقتك كريس : لا افا عليك بس الحين راجع من التمرين ورايح اتعشي تجي تتعشى معاي امير: يالله على بركة الله >>> وهذا عشاء بلاش كريس : انت من وين ، شكلك مرهق وجاي من بعيد امير :أيوه أنا اصلا من عمان بس جاي من رحله من امريكا في مهمة عمل كريس : عمان سمعت عنها هذي البلد بس ما رحتها امير: ايوه بلد خليجي في الشرق الاوسط كريس ااااه عرفتها جنب دبي صح انا اخر مره رحت دبي شفت ناس لابسين مثلك انفضح امير  >>> لابس دشداشه ومصر في البرتغالامير : مفروض تعرفها اكثر من دبي كريس : ليش معقوله هي متطوره اكثر من دبي امير : لا الله يصلحك لا يروح بالك بعيد انا اقصد لان اجدادي واجدادك قد تقاتلوا قبل قرون في بحر العرب والمحيط الهندي كريس : معقوله امير: ايوه ولازالت اثاركم ومقابركم عندنا ، بس الحين كلنا نشجع منتخبكم يعني بعد العداوه محبه كريس: هههه مشكور اخوي على المعلومات اول مره اعرفها خلاص الاجازه الجايه عندكم امير: بس انا زعلان عليك كريس : ليش عسى ماشر امير: تخلي ميسي يفوز عليكم ويشل لقب الهداف ويفوزون بالدوري ونحن حاطين املنا فيك وفي الريال كريس : ما عليك منهم برشلونه خلاص بينهار ونحن الحين بنجيب بن عمي مورينهو بيدربنا وشوف الريال السنه الجايه امير: يالله بنشوف وعلى سيرة عيال عمك سلم لي عليهم كلهم لاعب لاعب وقلهم شدوا حيلكم في كأس العالم كريس : ان شاء الله حبيبي مشكور وبلغ سلامي لاهل السلطنه امير : ان شاء الله مع السلامه كريس مع السلامه ختاما أشكركم على المتابعه والى اللقاء >>> تحياتي |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض الشجري
|
|
الساعة الآن 05:57 PM