شوفوا ياتماسيح هذي حركاتكم ايام المذاكره بس والله






1-الثلاث وجبات الرئيسية لازم يقعد عليها أول واحد ومايقوم الا آخر واحد (جوعان المسكين ماينلام) ،، واحيانا يزيد وجبات اضافية اذا كانت المادة دسمة .


2- يقعد يسوي نفسه طفشان وتعبان ويااااااربي ما اقدر اذاكر مدري وشفيني حاس بكتمة ماه 00الظاهر احد قاري علي والا صاكني بعين 000 تقعد امه المسكينه تسمي عليه وتعال ياولدي اقرى عليك00
كل هذا عشان اذا سقطت يقولون عين حايسته ( انا ما اقولكم ان كل الي يسون كذا يكذبون لان العين حق بس الغالبيه يفقشون )



3- بعضهم ينزل عليه وسواس نظافة ايام الامتحانات يتسبح الصبح والليل وقبل كل صلاة وكل ماقالت له امه ياولدي بكره اختبارك ذاكر خلاص تقشر جلدك من السبوح قالها ماه ان الله جميل يحب الجمال (وطبعا هالمثل ما يجي على باله الا وقت الاختبارات) ولا يطيح تلميع وتغسيل بالسياره ماتتقشر أصباغها
طبعا هذي من واجباته اليومية مايقدر يتركها عشان يذاكر مايصير


4- وبعضهم تنزل عليه صلة الرحم فجأه يقوم يكلم واحد من اصدقاءه القدام من زمان ماكلمه 000يبي يشوف كان ماعنده شي يبي يمره بعد العصر يسلم عليه يشوف وش صار عليه ويشغله عن المذاكره 00 ويمر جدته وجده وكل اقاربه يبداهم زيارة من اول يوم لاخر يوم من الأمتحانات وبعد الاختبارات (مسااااااااااااااافر في زمن النسيان)
وهذا المسكين اللي من قل الحيله يوجع القلب لاقفلت معه قضب المخده ونام لين تصحيه امه الصبح ويقول يووووووه راحت علي نومه pping


6_ يأنبه ضميره لازم يدخل المنتدى يشوف من رد على مواضيعه ومن نزل موضوع جديد ولا يترك موضوع ألا ويرد عليه ولا ويطيح رسايل خاصه لكل الاعضاء الي فاقدهم طبعا هم لهم شهور مادخلو بس توه يحس انه فتقدهم من زود الفضاوه .........