نَبَّهَ الفَجْرُ حَبيباً أمَّلَـكْ * يُرسِـلُ الشـوقَ نَسيمًـا أثمَلَـكْ
يا لِحُسنٍ شارقٍ مِثلَ الضُّحَى * مَنْ رآهُ قـالَ: واللهِ مَلَـكْ !!
لو رآكَ الروضُ تُغضِي باسِمًا * ودَّ مِن فَرْطِ الجَوى لو قَبَّلَـكْ
فامتطى الشِّعْرُ مَقاليد المُنَى * بحِـداءٍ مُنشِـدٍ: (مـا أجمَلَـكْ)
أنتِ يا نجوايَ غيثٌ مِن هوى * أنتِ نجمُ الحبِّ.. والقلبُ فَلَكْ!
إنْ يغِبْ وَجْهُك عنيّ ساعةً* يَستـوِ النُّـورُ بعينـي والحَلَـكْ
إنني الصَّبُّ الذي تَعْهَدُهُ * سَالِكًا في حبِّهِـا مـا قـد سَلَـكْ
كم صَلِيتُ البُعْدَ بَردا قارِسا*ورَثَى الصبـرُ لصبـري فَهَلَـكْ
لا أرى المُلكَ قُصورا بُهرِجتْ* إنّ مَنْ حَازَ الهَوى عَرْشًا مَلَـكْ
فَلْيَطِرْ نَغْمُ القوافي في الوَرى * فالمعاني في فُؤادِ الشِّعـرِ لَـكْ !

__________________
تعالَي ننسج الأحلام في روضٍ مِن الوردِ
ونبني للهوى كوخا* على نهر من الودّ
بلا واش ولا نَكِدٍ * نصون الحبّ بالعهدِ
تعالى واملكي قلبـا * سريع النبض بالوجدِ
يفي للحب يُخلِصُه* مِنَ المهدِ إلى اللحدِ
ولو طُفتِ بلادَ اللـــــه مِن نجدٍ إلى هندِ
فلن تجدي بها قلبا* كقلب البارق النجدي!!

مسترخية وبحا لك
ومرافقة جوالك
كن ماحولك احد
مااشوفك ترقبين
وتنظرين
غريبة احوالك
يابهية يانقية
حظ هالجوااال
اللي انتي صرتي له
خوووووووووووية
يانقية :
كيف اوصل لك تحية
كيف اوصلك هدية

من وصلتي وانتي
في هذا المكان
وانتي اجمل من يجي
هذا المكان
كلهم ظلمى ونورك شمعدان
كل يوم يزيد طابور العيون
مالهم حيلة سوى انهم ينظرون
وانتي ماكن شي حولك
كل شي بالحيل عادي
مايهمك من ينادي
وانا اترقب وصولك
وانبسط ساعة دخولك
بس مالي غير حرقة
قلب وحسرة عين
يعني حظي صار طين
والمصيبة رغم هذا تعرفين
وتكابرين ؟؟
انا خايف السفر يوصل وانتي
ماوصلتي ..
موت لو اروح نادم
وانتظر لي صيف قادم

الله يانـور السمـوات ذو الـجـود
الحمد لـك والشكـر لـك والمـوده

لو دون بابك راعي الذنـب مـردود
مثلـي كفـوفـه للسـمـا ماتـمـده

بس الرجا بك يارجى كـل موجـود
تفـرج لمـن وده ولا صــار وده


رجاي عفوك ثم فـي كايـد الكـود
الـي بعينـي شفـت ماشفـت نـده

شفت السحاب الي مـن اليـم ممـدود
تسكت رعوده لا هدر صـوت مـده

شفته وشفت من أشرف الناس مضهود
يمـد لـك كـف الغريـق ويشـده

شيخ ٍ بجوده بين الأجـواد محسـود
بالوصف مابصـدور الأبيـات قـده

للشعر حـد وشيخنـا مالـه حـدود
آخـر مـداد حروفنـا دون حــده

سعد ولد راشـد ولـد جـده العـود
عن جد جـده وارث الطيـب جـده

ياسعد عيـن الـي تمنـاك موجـود
والي تشوف من الحضـور وتـوده

هلا هلا ماهي على غصن من عـود
من وين ماهـب الهـوى مـال وده

هلا هلا معها على قصـدي شهـود
ثـوار نجـد وثـورة أحـرار جـده

هـلا (غلا)(ولا)(وفـا)(ود) و ورود
تمنعـت عـن رغبـة الـوزن مـده

ياصاحبـي ياسيـدي يابـو الجـود
ياوالـدي يـوم الولـد بـاح ســده

طير السهر ينعي على عينـي وقـود
والنوم دمع ، الشوك ، ريش المخـده

عرضت نقد ولا تعرضـت منقـود
واهـدرت حبـر ٍ ماتهـاونـت رده

مايسكت الطيب على غيـر مقصـود
ولا الـردي يفـداك هـو ومــرده

هذاك شعبك بيد(الأوغـاد) مصفـود
وهذ أنت(صمصام ٍ )على الظلم حـده

ويا صاحبي.. يا سيدي .. ياآبو الجود
يا والدي .. يوم الولـد بـااح سـده

ناداك صوت برجعت النور موعـود
لـو ماتعدالـه لـصـدى لاتـعـده

هبت شمال وساقت الوبل هتان ...قالوا روى قلب العطش قلت لِلَه

توه يبل الريق من ريق الأمزان ...قلبٍ تفيا غيمةٍ مسفهله

ودي تفيض بفاتر الصوت غدران ...المطر يرفا عن الكبدعله

حي الغلا بشفاك ياعطر الأشجان ...قل للغرير اللي نهى القلب قله

طاح الربيع ووردت جرد الأغصان ...عشب القلوب مصافح الخل خله

نش السراب وحادي الغيم نشوان ...هيض غناه معانق الورد طله

من فرحتك شابت نواطير الأحزان ...وبجيتك خان أسود الهم ظله

هج الظلام وسال في حجر الأعيان ...ضي تزفه غرةٍ مسفهله

لك من هنا لأخر تفاصيل الأزمان ...عشق ٍ تمده راحةٍ ماتمله

واليا لفحك القيظ بأطراف الأجفان ...خذ نصف قلبي لا خذ القلب كله

لا تستذير معاند الشوق غلطان ...الله عطاك امر الخفوق وتوله

احيان اسوق العمر وتسوقه احيان ...بيني وبينك دق عمري وجله

نمسي على جال المقادير خلان ...نصبح ومرباع الغلا في محله

ماعاتبك لو ساهي الرمش كسلان ...ألقا العزا بمزاح شعرٍ تفله

هاك القصيد تفجر العشق بركان ...خذ من سناه وبارد الحرف خله

ياعل شعرٍ منت قافه والأوزان ...تصدا عليه شهورهن و الأهله

مساعد الرشيدي

حنا العرب يــــا مدعين العروبة

وحنا هل التوحيد وانتم له أجنـــاب

وحنـــا شروق المجد وانتم غروبه

وحنا هل التاريخ وأنتم به أغــراب

يوم الفقر شلتوا علينا عيوبـــــه

واليوم عقب النفط جيتوا لنا أنسـاب

ويوم الفقر فينــــا البداوة سبوبة

واليوم صرتوا مثلنــا بدو واعراب

لو الهوى منكم منعتم هبوبـــــه

لا شك رزاق الملا رب الأربــاب

ولو المطر منكم منعتم صبوبـــه

لا شك رزق الخلق من عند وهـاب

جيش الحسد سقتوا علينا حروبــه

كل يبي يزرع على جسمنــا ناب

حرب على المحسن تراهـا عقوبة

بالله عســـاكم ما تفيدون حراب

يا ما عطينــــا ما ندور مثوبه

إلا من اللي من ترجــاه ما خاب

ويا ما نصرنـا صاحب ضيقوا به

عاداتنا نقدم الى مالردى هـــاب

ويامـــا نصانا من تعثر دروبه

يدخل حمانا من تعذرة الأصحـاب

حنـــــا بنينا دارنا من طيوبه

وانتم سلبتوا داركم كل ما طــاب

الله سقانا من بحرنــــا عذوبه

وانهاركم مثل البحر هدر تنسـاب

حنا زرعنا الحب بارض خصوبه

وانتم زرعتوا كره الأجيال بتراب

وحنــا دعينا السلم نوبه ونوبـه

وانتم حمــام السلم بعتوه بغراب

يا من دعا للحرب ما درك خطوبه

لا تحسب أن الحرب تهديد وخطاب

من شب نار الحرب يصلى شبوبه

ومن ثور الفتنة تعرض للأسبـاب

ما يستر الرجــال ملبوس ثوبه

الدين وافعال الكرامــة له ثياب

ما يقبل الرجال بحمـــاه حوبه

مـــا دام له حق وللحق طلاب

خالد الفيصل

قال الــذي هَيِّضَــه رعْبُــوبْ

حط الجفــا دُوبــهْ ودوبــي

مَيَّــاس لاَهْل الهـوى محْبــوُبْ

هرجــه عجاريف و عجُــوبِ

خَدهْ ســواة الفَنَــرْ مَشْبُــوبْ

شِفْتـهْ ضَحَى مر من صوبــي

وَالجِيــدْ جِيــد المها مَسْلــوُبْ

والعيــن يا عيـن الاشبُــوبِ

يمشــي دَلَـعْ بوش بَس بْثُــوبْ

وخيُولهــا تلْعــبْ الجْوبِــي

مَدْلُــولْ في حِجِّتــه مَكتُــوبْ

يا أهــل الهَوى لا تفادوا بـي

خَلَّتْنِــي اركــض لها والُــوبْ

مثــل المهيبِيــل واهوبــي

حَطَّــتْ من النـوم والمشــرُوبْ

مثــل البزازيــن بعيُوبــي

ومن الوصـل ما قِضَتْ لي نُــوبْ

ومن السّقــمْ فَصَّلَـتْ ثوبِــي

يالايــمي صدهــا مـا هُــوبْ

رمــح اتْلَقّـــاه بِجنُوبِــي

صَبْــري لبلواي صَبْـر أيــوبْ

وأحزانـي أحـزان يَعْقُــوبِ

فإن كـان يَحْسِــبْ علي ذنــوبْ

بوصال غيــره فان أتُــوبِ

وان قال شيــخٍ فانـا محسُــوبْ

عبــدٍ لعيناتهـــا نُوبــي

الطَّالِــب أرْهَـى من المطْـلُـوبْ

ومغالــــب الله مَغْـلُــوبِ





محمد بن لعبون

يالله بنــوٍّ مدلهم الخيـــــــــــــــالا



طافح ربابه فيه مثل المها الـــزرق

لا جا على البكري بيــن الحلالا



لا عاد تسمع به رعودٍ ولا بـــرق

هتان ودان سحابــه ارســــــــالا



يومر وسكابه همل وابله غــــرق

يسقــي نعام ثم يملا الهجـــــــــالا



حط الحريق اديار الاجواد له طـرق

يسقــي غروسٍ عقب ما هي همالا



يصبح حمامه ساجعٍ يلعب الـورق

ياشبه صفراً طار عنهــا الجـلالا



طويلة السمحوق تنزع عن الـدرق

له ريق احلى من حليــب الجزالا



واحلى من السكر الى جا من الشرق

مدهال عمهوجٍ له القلــب مــالا



يفداه ما فوق البسيطة بلا فـــرق

يا ونتي ونت هزيــل الجمــالا



ينقص ردي الخيل قد حسه الفـرق

وجريت انا صــوت الهوا باحتمالا



في وسط بستان سقاه اربع فــرق

في قلته في عاليــات الجبـــــــــالا



من عسر مرقاها ايدينه غدن طرق

برقٍ تلالا قلت عــــز الجــــلالا



واثره جبين اصويحبي واحسبه برق

مبسم "هيا" له بالظلام اشتـعالا



بين البروق وبين مبسم "هيا" فـرق

وروشن "هيا" له فرجةٍ من شمالا



وبابٍ من القبلة وبابٍ من الشـرق

حولت مع فرغٍ جديد الحبـــــــــــالا



ورقيت مع فرغٍ تناوح به الـورق



النور في غرة جبينــــــــــــه تلالا

هلا وحياني وانا والهن شــرق

قلت إزني من مبسمك قـال لا لا



يا نور عيني لا تجي للهوى طرق

قالوا تجوز من الهوى قلت لا لا



الان تجوز رماح علوا عن الزرق

قالوا تجوز من الهوى قلت لا لا



الان يجوزون الحناشل عن السرق

قالوا تجوز من الهوى قلت لا لا



الان تجوز الشمس عن مطلع الشرق



محسن الهزانــي

يامن لقلب كل ما ألتم الأشفاق ....من عام الأول به دواكيك وصفوق

يجاهد جنود في سواهيج الأطراق ....ويكشف له أسرار كتمها بصندوق

الا عن له تذكار الأحباب وأشتاق ....باله.وطف بخاطره طاري الشوق

قربت له من غاية البن مالاق....بالكف صافيها عن العذف منسوق

أحمس ثلاث يانديمي على ساق ....ريحه على جمر الغضى يفضح السوق

حذراك والنيه وبالك والأحراق ....واصح تصير بعاجل الحمس مطفوق

الا أصفر لونه ثم بشت بالأعراق ....وبقيت كما الياقوت يطرب له الموق

وعطت بريح فاضح فاخر فاق ....لاعنبر ريحه بالأنفاس منشــــوق

دقه بنجر يسمعه كل مشتاق ....راعي الهوى يطرب الا دق بخفوق

واحشه بدله مولعه كنها ساق ....بلورة منصوبة تقل غرنـوق

خله تفوح وراعي الكيف يشتاق ....الا طفح له جوهر صح له لاق

قمور صغار كالزمرد بالأشعاق ....وكبارها الطافح كما صافي الموق

وزله على وضحى بها خمس ارناق ....هيل وسمار بالاسباب مسحوق

مع زعفران والشمطري الا انساق ....ريحه مع العنبر على الطاق مطبوق

اذا اجتمع هذا وهذا بتيفاق ....فـ صبه كيفت العوق عن كل مخلوق

بفنجال صين صافي عنه الارماق ....تغضى وكرسيه غدان لمعشوق

الى صب فأصبر جوهره تقل شبراق ....رنق تصور بالحمامه على الطوق

شكل غرا الفنجال صبغه كما راق ....دم القلب وان مزع منه معلوق

خمر الا منه تساقى بالارياق ....وعليه من صافي الورد مذلــــوق

راعيه كنه شارب ريق ترياق ....كاس الطروب وسرور من ذاق له ذوق

يحتاج من خمر السكارى الى فاق ....طفل يشف شفاه والعنق مفهوق

عبث يعيل بحبه منه ماماق ....وهو يضاهي باهي البدر بعشوق

في وجنتيه الى غنج بارق حاق ....عجل رفيفه بالطها الغرق بطبوق

سحر كتب من حبر عينيه بوراق ....خديه صادين ونونين من فوق

كن العرق بخدودها حص ارناق ....نثر على صفحات بلورة الشوق

الا تبسم شع واشرق بالآفاق ....نور يفوق البدر سحار منطوق

وبالعنق كن المسك والورس براق ....مامشخص في صدري الشاخ مدفوق

تمشي برفق خوفها مدمج الساق ....يفصم حجول هزه الثقل من فوق

الا صفت لك ساعة وانت مشتاق ....فأقطف زهر ملاق والعمر ملحوق

فالى حضر ماقلت عندي الأرزاق ....بيدي كريم كافل كل مخلوق

هذا وصلوا عند ماناض براق ....او ماشكى الفرقى شفيق لمشفوق

على النبي مازج زاج بالاوراق ....وآله وصحبه عد ماسيق مسيوق



محمد العبدالله القاضي

قالوا تحبه قلت مــا هو بالحيل

بس انه أغلا شوي من نور عيني

يسوى جميع الجيل الأول وهالجيل

واحبابي المــــاضين والمقبلين

شوقي له أعظم من ظمى الأرض للسيل

واشفق عليــه أكثر من أم الجنيني

واحتاج له حاجة ثرى مصر للنيل

وعليه أغـــار أكثر من الوالدين

أشتــاق له شوق المحبين لليل

وارتــاح له راحت دموع الحزين

لا صار جنبي لو سنه وقتي بخيل

ولو غاب لو لحظة صارت سنيني

قـالوا يحبك قلت هذا هو الويل

مــا ودي أنشد ثم رفضه يجيني

واهدم رجاي بدبرتي مثل ما قيل

والأفضل أحيــا بالأمل لو لحيني

يــا حبكم يا ناس للقال والقيلي

الله يجازي . . جملة العــاذليني

خلوني أحيا في الوهم يالعواذيل

وش دخلكم والأمر بينــه وبيني







سعود بن بندر

أيامنــا والليالــي كــم نعاتبهـا

شبنـا وشابت وعفنـا بعض الأحوالـي

تاعد مواعيــد والجاهـل مكذبهـا

واللي عرف حدهـا من همهـا سالـي

إن أقبلـت يوم ما تصفـى مشاربهـا

تقفـي وتقبـل وما دامـت على حالي

في كــل يوم تورينـا عجايبهـا

واليوم الأول تراه احسـن من التالـي

أيـام فـي غلبهـا وايـام نغلبهـا

وايام فيهـا ســوا والدهـر ميالـي

جربت الأيام مثلـي من يجربهـا

تجريب عاقل وذاق المــر والحالـي

نضحك مع الناس والدنيا نلاعبـها

نمشي مع الفي طوع حيـث ما مالـي

كم من علومٍ وكــم آداب نكسبهــا

والشعر مازون مثقــالٍ بمثقالــي

اعرف حروف الهجاء بالرمز واكتبها

عاقل ومجنون حاوى كـل الأشكالي

لكن حظــي ردي والروح متعبهـا

ما فادني حسن تاديبي مـع أمثالـي

إن جيت ابي حاجـةٍ عزت مطالبها

العفو ما واحدٍ فــي الناس يا والي

قومٍ الـى جيتهـم رفـت شواربهـا

بالضحك واقلوبها فيها الردا كالـي

وقومٍ الى جيتها صكـت حواجبهـا

وابد ت لي البغض في مقفاي واقبالي

ما كنــي إلا حــال مغضبهــا

والكل في عشرتـه ماكر ودجالـي

يا حيف تخفي أموراً كنت حاسبهـا

واللي على بالهـم كلـه على بالـي

الجار جافـي وكـم قومٍ محاربهـا

والأهل وأصحابنا والدون والعالــي

والروح ويش عذرها في ترك واجبها

راح الحسب والنسب في جمع الأموالي

نفسي تبى العز والحاجات تغصبهـا

ترمي بها بيـن أجاويـد وانذالــي

المال يحــي رجالاً لا حيـاة ابها

كالسيل يحي الهشيـم الدمدم البالــي

عفت المنازل وروحـي يوم اجنبها

منها غنيمـه وعنها البعـد أولا لـي

لا خير في ديرةٍ يشقـى العزيز ابها

يمشي مع الناس في هـمٍ وإذلالـي

دارٍ بها الخــوف دومٍ ما يغايبهـا

والجوع فيها ومعها بعض الاحوالي

جوعى سراحينها شبعـى ثعالبهـا

الكلـب والهـر يقـدم كل ريبالـي

عز الفتى راس ماله من مكاسبهـا

يا مرتضي الهون لا عزٍّ ولا مالي

دللت بالروح لين ارخصت جانبهـا

وانا عتيبي عريب الجـد والخالـي

قومٍ تدوس الافاعـي مع عقاربهـا

ولها عزايم تهــد الشامـخ العالـي

خل المنازل وقل للبيــن يندبهــا

يبكي عليها بدمـع العيـن هطالـي

لا تعمـر الدار والقالات تخربهــا

بيع الردي بالخساره واشتر الغالـي

ما ضاقت الأرض وانسدت مذاهبها

فيها السعــه والمراجــل والتفتالِ

دارٍ بدار وجيــرانٍ نقاربهــا

وارضٍ بأرض وأطلالٍ بأطلالـي

والناس اجانيب لين إنك تصاحبهـا

تكون منهــم كما قالوا بالأمثالـي

الارض لله نمشــي فـي مناكبهـا

والله قدر لنـا أرزاق وآجالـــي

حث المطايـا وشرِّقهـا وغرِّبهــا

واقطع بها كل فـجٍّ دارسٍ خالــي

واطعن انحور الفيافـي في ترايبهـا

وابعد عن الهم تمسي خالي البالـي

من كل عمليـةٍ تقطــع براكبهـا

فدافد البيــد درهـامٍ وزرفالــي

تبعدك عـن دار قـومٍ ودار تقربها

واختر لنفسـك للمنزال منزالــي

لو مـتّ فـي ديرةٍ قفراً جوانبهــا

فيها لوطـى السباع الغبس مدهالي

اخير مـن ديرةٍ يجفـاك صاحبهـا

كم ذا الجفا والتجافـي والتعلالـي

دوس المخاطر ولا تخشى عواقبهـا

الموت واحد وبعد العـز يجلالـي

ان المنايــا إذا مـدت مخالبهــا

تدركك لو كنت في جو السما العالي

ما قرت الاسد في عالـي مراقبهـا

تسعى على الرزق ما حنت للاشبالي

والشمس في برجها والغيـم يحجبها

تقفي وتقبـل لها في العرش مجدالِ

رب السماوات يا محصي كواكبهـا

يا مجري السفن في لجات الأهوالي

ضاقت بنا الأرض واشتبت شبايبهـا

والغيث محبوس يا معبـود يا والي

يا الله من مزنــةٍ هبـت هبايبهـا

رعادها بات له في البحر زلزالي

ريح العوالي من المنشـا تجاذبهـا

جذب الدلى من جباء مطوية الجالي

ديمومةٍ سبلـت وأرخت ذوايبهــا

وانهل منها غزير الوبـل همالـي

تسقي دياراً شديد الوقـت حاربهـا

ما عاد فيها لبعض الناس منزالـي

يا جاهل اسمـع تماثيـلاً مرتبهـا

فيها معاني جميـع القيل والقالـي

مثـل المحابيـب زادت في قوالبها

في صرفها زايده عن قرش واريالي

يا ربي توبه وروحي لا تعذبهــا

يوم القيامه إذا ما ضاقت اعمالـي

وازكى صلاةٍ على المختار نوهبها

شفيعنا يوم حشرٍ فيه الأهوالــي

بديوي الوقداني