السلام عليكم ورحمة الله وبركاته




الحروف عند الحريم المتزوجات من الالف الى الياء


الالف :ابي فلوس بشتري اغراض خاصة (( مع العلم ماينقصها شيء خخخخ ))


الباء :بكرا ابيك تودين لبيت اهلي عندهم عزيمة


التاء :ترى اليوم انا ماني مسويه عشاء روح للمطعم جيب عشاء



الثاء :ثلاث اسابيع ما طلعنا للملاهي يالله ودنا اليوم



الجيم :جيب خدامه تساعدني بشغل البيت.........(والبيت نص شقة) قهر



الحاء :حبيبى..ودى بساعة شوبارد ,مليت من ساعتى الاوميغا(شوفواالنفاق..توها تذكرت هالاسم)



الخاء :خل الشله اليوم..انا عازمتك نتعشى بره, بس على حسابك



الدال :دور لنا فله على 3 شوارع وفيها سرداب (الراتب 250 ريال من وين ياحسرة)




الذال :ذيك السنة (قبل 10 سنوات) قلت لك اشتر لنا سيارة (( طبعا قبل الزواج كان عنده فلوس))




الراء :روح قدم على اجازة خلنا نسافر لاوروبا ,,اووف حر




الزاء :زيد مصروف البيت هذا ما يكفي اغراض البيت (ومعظم البيزات عليها
وعلى خرابيطها)





السين :سجاد البيت صار قديم ....غيره يا اخي (السجاد ما كمل له سنتين)




الشين :شيل ولدك شفيه يصيح هناك,انا تعبت من العيال..




الصاد :صفف الملابس هناك منثرة,مليت وانا القط وراك





الضاد :ضبط اوضاعك..ترى كبرت المسؤولية..(توها والدة)





الطاء :طالع السيارة سكراب تفشل قديمة, نبي شبح




الظاء : الظاهر انك ما تحبنى..ليش ما شريت لى العقد الالماس اللى بغيته!(حب بالالماس بس)



العين :عيوني..اليوم شفت نفنوف عند زوجة اخوي يجنن...خاطري بواحد مثله



الغين :غير يا اخي اسلوبك معاي...كله برود..حسسني بحبك شوي




الفاء :فديتك حبيبي وين تبينا نسافر هالصيف؟


القاف :قدر يا اخي شوي...كل شغل البيت على راسي...تكرم وساعدني شوي





الكاف :كفاية ملينا من هالبيت متى راح تسوى لنا بيت اكبر من هذا



اللام :ليمتى بنتم محبوسني في هالبيت لا نطلع مثل الخلق ولا غيره


الميم :متى بتوديني لبنان مثل ما وعدتني قبل؟؟؟؟



النون :نبى نحجز شاليه شرم الشيخ طول الصيف ..لا تنسى!


الهاء :ها عاد..ترى اروح بيت اهلى! اذا مو قد الزواج وتكاليفه ليش تخطبنى؟؟


الواو :ورني شطارتك رح عند اخوك خذ منه الورث( راعية مشاكل)



الياء :يالله ايدك على 200 ريال رضاوة..لانك زعلتني وكسرت خاطري




ولو فيه حروف زيادة مو مقصرين الحريم

حرام عليك مو لهدرجه عاد
تراك زودتها

كل هذا يطلع منهم

صدقت يابن الساده هذي بنات هالزمان
ولا حريم زمان ربي عطاهن عقل نظيف رزانه ايه والله رزانه
بنات خلن عنكن لاتلوموني انا مع الصراحه

ابو هاجر اللي يقول الصراحه في هاذي الايام

بيطلعونه انسان عنصري اونه وما يفهم في التطور

اونه يسمونه تطووووووور علامك ما تمشي مع التطور

الله يهديك ابو هاجر خليك انسان ديموقراطي

يعني كون مع البنات لاتكون ضدهن ولا بتطلع ما تعرف شيء

والله حاله الله يعين اللي بيتزوج مثل هاذي الحرمه

ما يجيبها شي البر ولا شي يردلها راسها


((( اللهم اني صايم ولا بتشوفو الرد عدل يا سحالي )))

ههههههههههههه
الله يعيني



كل هذا من الحريم



تسلم اخوي