صدمه صح ؟؟؟
.. ولا خلاص صـــار عادي ..
.. اشفيكم تطور .. والتطور يقول .. (( لازم يكون صداقه بين البنت والولد .. )) .. ياسبحاان الله .. شفتوو اشلون التطور .. !!!

.. حبيت اتكلم عن هاي الموضوع الي صج قاهرني ..

.. واذا قلنا احنا مو مالة هسوالف قالو عنا <<.. معقديين مايعرفون شي هههه

.. انا الصراحه قبل كنت اسمع ان بنت تكلم ولد بالجوال .. كنت شنو ماصدق اقول في الامارات لاا مستحيل لاااا ..
.. وصار الوضع عاادي تعودناا وصرنا نجوف بعيوونا ..
.. شدعووه وين الاهل ..؟؟ ولا وين التربيه ؟؟ ولا وين الكرامه وعزة النفس ؟؟ ..
.. (( هاي اكيد الحب )) .. تذلين عمرج وتخسرين شرفج بسبه وااحد على قولة انه يحبج واخر شي مايفكر فيج ولا بيرتبط فييج ..

صدمه لما اسمع وصدمه لما اجوف بنفسي ..
ياكثر السوالف الي كانت بالمدرسه .. بنت شارده مع واحد ..
بنت جايبه جوالها بالخش وتكلم حبيبها .. بنت تنتظر متى تطلع عشان اجوفه ..
وين الشرف ؟!!! ..
لهدرجه البنت صارت رخيصه وبايعه شرفهااا .. لهدرجه البنت تحسب ان الي بيكلمها بياخذها ..

.. لو شنو اكتب مراح اوفي حق الموضوع ..
بس حبيت اسأل وابي اعرف الاجوب ..
1. الحب أهو الي يخلي كل شي عادي .. وان عادي تكلمه بالجوال وعادي تطلع معاه ؟!!
2. صح بعد الماسنجر .. جوال .. وبعدين طلعه .. وبعدين ضيااع ؟!!
3. الشاب بيرضى بالي تكلمه بالجوال ان تكون أم لعياله بالمستقبل ؟!!
4 . الي يكلم بناات بيقعد يشك بخواته ؟ وخواته شريفااات مالهم بهسوالف ؟؟
5. لهدرجه البنت تبيع عمرهاا برررخيص ؟!!!
6. لهدرجه الشاب الي يكلم بنات .. يحسب البنات لعبه عنده ؟!!
7. انته بترضى تاخذ بنت تكلم قبلك ؟!!
8. انتي بترضيين ترتبطين مع واحد كلم بنات قبل ؟!!

.. أسأله كثيررره .. وقاهرتنيي ..
.. ليش ؟؟؟ ..

.. حرام والله البنت تضيع مستقبلها وشرفها .. والله حلاة البنت مستوره وحافظه عمرها ومو لعبه حق كل ذئب .. وحلاتها حق ملك واحد واهو نصيبها ..
مو قلبها يكون فندق .. حق الي يسوا والي مايسوا ..

.. والسموحه على الاطاله ..
.. واحب اشوف وجهة نظركم ..

موضوع شيق ,,,


ولنا عودة

تسلم ع الموضوع الجميل

وعلى غيرتك ع بنات ديرتك وخواتك المسلمات

صراحه وايد انتشرت هالعاده

وانقهر من هالبنات كيف تصدج وتنجرف بمشاعرها لشاب وتضحي بشرفها واهلها

وييييييين راحووووو الاهل

والله حراااااااام الاهل ما لهم ذنب ربوا وتعبوا وبالاخير تضيع شرفهم لحضة ضعف من البنت

البنت تاج راسها اخلاقها واذا فرطت بالهشي راااااااح عليها كل شي ما بينفعها لا جمال ولا غيره



والله يستر ع بنات المسلمين جميعا

تقبل مروري

انا اقولك البنات هن عاملات اسباب للشباب بطريقة معيشتهن واساليب حياتهن الي تغري اي شاب عشان يضحك عليها ويلعب بها وبعدين تضيع حياتها ويا تصير منبوذة يا فاسدة والمشكلة ان البنات عاطفيات اكثر من اللزوم وان الكلام العذب يجذبهن كثير وسهل على اي ذئب خسيس انه يخدعها و الحل فرايي هو الدين اذا تمسكت البنت بدينها فاخلاقها بتتهذب وبتكون فرعاية الله وحمايته اهم شي الدين

البنــــت الوحيده الي تجدر ترد ع الموضوع

ولا الشاب ماله ذنب
اذا كات بنت تعرف قيمة اهلها ويهمها شرفها وع صراط المستقيم ماله شغل فيها ومن ذاته الشاب ما بيدخل فيها
بس الي ماهمها شي وراكضه ورا الدنيا وعطت كل المغريات لشاب بروحها تدور العيب والفضايح

ومشكور أخوي ع الطرح

وليش الشباب مايردون

المووووووووووضوع يخصهم
ليش البنت حرام وعيب تكلم الولد
والولد عادي يكلم

ترى الولد هو اللي يكلم البنت
انا ضد ان البنت تكلم الولد

قلة الوازع الديني او نزوه او الفراغ ويمكن المرض النفسي يخلي البنت تكلم شباب

ابي اعرف ليش الشباب مرفوع القلم عنهم
هم خيط من خيوط الجريمه
معظم الشباب يكلمون البنات
ما خافوا ع البنت وهم يكلموها مع انهم يعرفون انهم يلعبون عليها

الشباب معندهم شي يجولوه
اصلا هم السبب:
لو انهم معطوا البنت اللي تتكشخ وتتمايل جدامهم ويه كان مسوت جيه......وخيلت علي عمرهي
بس هم راجدين .اذا شافوا مزيونه جدامهم زاغت عيونهم ويحاولوا جد ميجدروا انهم يكلموها.وبعدين يجولوا هالبنت مب زينه.لا وبعد يكونوا متشددين علي خواتهم اصلا من سواتهم الشينه عبالهم خواتهم ممكن يكونن مثل البنات اللي يكلمونهن.استحوا علي اعماركم جبل وبعدين تكلموا.ومثل انت متعرضت لبنت الناس بيي واحد مثلك وبيتعرض لحد من قريباتك.وساعتها مينفع الكلام ولا الندم.

خواتنا فالحفظ والصون ويعرفن الصح من الغلط




بس هذا النوع من البنات بروحهن يبن يرمسن ويدورن هالشي


وانا اقول لهن حياااكن الله

المشاركة الأصلية كتبت بواسطة roseالكامل الشباب معندهم شي يجولوه اصلا هم السبب: لو انهم معطوا البنت اللي تتكشخ وتتمايل جدامهم ويه كان مسوت جيه......وخيلت علي عمرهي بس هم راجدين .اذا شافوا مزيونه جدامهم زاغت عيونهم ويحاولوا جد ميجدروا انهم يكلموها.وبعدين يجولوا هالبنت مب زينه.لا وبعد يكونوا متشددين علي خواتهم اصلا من سواتهم الشينه عبالهم خواتهم ممكن يكونن مثل البنات اللي يكلمونهن.استحوا علي اعماركم جبل وبعدين تكلموا.ومثل انت متعرضت لبنت الناس بيي واحد مثلك وبيتعرض لحد من قريباتك.وساعتها مينفع الكلام ولا الندم.

يسلمــــــــــلي هالمنطـــوووج